လါမးရှး(၂၆)သီ,၂၀၂၅နံၣ်
ခ့ၣ်အဲၣ်ယူၣ်-လီၢ်ခၢၣ်သး ဘိးဘၣ်ပၥ်ဖျါဃၥ်၀ဲလၢ ဘၣ်ဃးဒီးဖဲလါမးရှး(၂၁)သီ,၂၀၂၅နံၣ်အနံၤ ဖဲကီၢ်ကၠီၣ်တဲၣ်အပူၤတၢ်ဖီၣ်န့ၢ်ကသံၣ်မူၤဘှီးတဖၣ်န့ၣ်တဘၣ်ဃးဒီးKNU/KNLAလ့ၤတက့ၤဘၣ်အဂ့ၢ်န့ၣ်လီၤ.
ဖဲလါမးရှး(၂၁)သီအနံၤ, မုၢ်ထူၣ်အဆၢကတီၢ်န့ၣ်ကၠီၣ်တဲၣ်ပၢၤကီၢ်တဖၣ်ဟံးကျဲတၢ်ဘံၣ်တၢ်ဘျၢအဆၢကတီၢ် ဖီၣ်န့ၢ်ကသံၣ်မူၤဘှီးတဖၣ် လၢတးကီၢ်ရ့ၣ်, မဲးဆီး၀့ၢ်အနုၥ်လီၤ ဖဲHigh Way ကျဲမုၢ်ဖးဒိၣ်အဖီခိၣ်န့ၣ်လီၤ.
တၢ်ထုးထီၣ်ရလီၤကသံၣ်မူၤဘှီးဒီးတၢ်မၤကၤပှၤဆါကသံၣ်မူၤဘှီးတၢ်ဖံးတၢ်မၤသ့ၣ်တဖၣ် ဒ်ဟီၣ်ခိၣ်ဒီဘ့ၣ်ထီဒါ၀ဲအသိး KNU/KNLAစ့ၢ်ကီး ဒ်သိးတၢ်ကရၢကရိပၥ်လီၤဃၥ်တၢ်ဘျၢအိၣ်အသိး လ့ၤတက့ၤတၢ်မၤ၀ဲအံၤပတဟ့ၣ်ဂံၢ်ဟ့ၣ်ဘါဒီးဆီၣ်ထွဲဘၣ်အဂ့ၢ် စံး၀ဲန့ၣ်လီၤ.
KNLA ကညီဒီကလုၥ်တၣ်ထူၣ်ဖျဲၣ်သုးမုၢ်ဒိၣ်အံၤ အိၣ်ဂဲၤဆၢထၢၣ်၀ဲလၢ KNU-ကညီဒီကလုၥ်စၢဖှိၣ်ကရၢ, ထံရူၢ်ကီၢ်သဲးအတၢ်တီခိၣ်ရိၣ်မဲဖီလၥ်ဒ်အမ့ၢ် တၢ်ဖီၣ်စုက၀ဲၤတၢ်ကရၢကရိတခါအဂ့ၢ် စံး၀ဲန့ၣ်လီၤ.
ဘၣ်ထွဲဒီးကသံၣ်မူၤဘှီးန့ၣ်KNU/KNLAအံၤလၢကညီတၢ်ပၢၢ်ဆၢဒီတကတီၢ်ဘၣ်ဃးဒီးတၢ်စံၣ်စိၤတဲစိၤအိၣ်လၢ ပူၤဖျဲးဒီးကသံၣ်မူၤဘှီးအဂ့ၢ် စံး၀ဲန့ၣ်လီၤ.
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်သူလ့ၤတၢ်ပၢဟီၣ်က၀ီၤတဖၣ်အပူၤ ဘၣ်ထွဲဒီးကသံၣ်မူၤဘှီးန့ၣ် ပှၤလၢအမၤကမၣ်တၢ်တဖၣ်မ့ၢ်အိၣ်ထီၣ် ဒ်တၢ်ကရၢကရိတၢ်သိၣ်တၢ်သီတၢ်ဘျၢအိၣ်အသိး တၢ်ကဟံးန့ၢ်အရ့တုၤလီၤတီၤလီၤအဂ့ၢ် KNLA ကညီဒီကလုၥ်တၢ်ထူၣ်ဖျဲးသုးမုၢ်ဒိၣ် ဘိးဘၣ်သ့ၣ်ညါလီၤ၀ဲန့ၣ်လီၤ.
Photo:The Nation
