လါမးရှး(၂၆)သီ,၂၀၂၅နံၣ်
အမဲရကၤကီၫ်ခိၣ် ဒီနၢၣ်ထရၢးအပှၤဟ့ၣ်ကူၣ်တၫ် အံၣ်လိမၢးလၢ တီခိၣ်ရိၣ်မဲ Teslaခီပနံာ် အတၫ်ထုးထီၣ်သိလ့ၣ် တဖၣ် တၫ်ဆါ၀ဲန့ၣ် တၫ်မ့ၫ်ထိၣ်သတြီၤကွၫ်လၢအပူၤကွံာ်နံၣ်တၫ်အိၣ်သးန့ၣ် လီၤစှၤ၀ဲ (၉၄)မျးကယၤအဂ့ၫ် တၫ်ထုးထီၣ်သိလ့ၣ်ကရၢ(ACEA) လၢအိၣ်သူၣ်ဆီလီၤအသးဖဲယူၤရပၤ တဲ၀ဲဖဲလါမးရှး(၂၅)သီအနံၤန့ၣ်လီၤ.
Teslaသိလ့ၣ်တဖၣ် တၫ်ဆါအီၤဘၣ်လီၤစှၤတၫ်ဂ့ၫ်ခီၣ်ထံးန့ၣ် သိလ့ၣ်အမိၣ်ဒၢၣ် သးသမူယံာ်ထီၣ်,အံၣ်လိမၢးန့ၣ် မ့ၫ်ပှၤလၢဆီၣ်ထွဲထရၢး တၫ်ဂ့ၫ်တဖၣ်အဃိ တၫ်တပှ့ၤသိလ့ၣ်တဖၣ်ဒီးထီဒါအီၤတဖၣ်အဃိ ကဲထီၣ်၀ဲအဂ့ၫ် လၢAFPတၫ်ကစီၣ်တတီၤအပူၤကွဲးဖျါ၀ဲလီၤ.
အံၣ်လိမၢးန့ၣ် ဖဲကဲထီၣ် DOGEပှၤဘၣ်မူဘၣ်ဒါအကတီၫ် တီခိၣ်ရိၣ်မဲမၤစှၤလီၤအမဲရကၤပဒိၣ်၀ဲၤကျိၤအတၫ်လၢာ်ဘူၣ်လၢာ်စ့ၤတဖၣ်ဒီးတၫ်ဒီၣ်တဲာ်ကွံာ်တၫ်ရဲၣ်တၫ်ကျဲၤတဖၣ်လီၤ.
လၢအမဲရကၤစ့ၫ်ကီး Teslaခီပနံာ် အပှ့ၤတဖၣ်လီၤစှၤကွံာ်၀ဲကယီကယီ၀ံၤ တၫ်ဒုးနဲၣ်ဆါသိလ့ၣ်အလီၫ်တဖၣ်စ့ၫ်ကီး ဘၣ်တၫ်မၤဟးဂီၤ၀ဲလီၤ.
ယူၤရပၤကီၫ်စၢဖှိၣ်အပူၤစ့ၫ်ကီး Teslaသိလ့ၣ်တဖၣ် တၫ်တီၣ်ထီၣ်ဆါ၀ဲလၢဖိးသဲစးအပူၤ လီၤစှၤ၀ဲဆူအခိၣ် ၁၉,၀၄၆ခိၣ်၀ံၤ ခီပနံာ်အတၫ်ဟ့ၣ်နီၤလီၤန့ၣ်အိၣ်တ့ၫ်ဒၣ်ထဲ ၁.၁မျးကယၤလီၤအဂ့ၫ် ACEAတဲ၀ဲလီၤ.
တနံၣ်အံၤ လၢအဆိကတၢၫ်(၂)လါအတီၫ်ပူၤ လၢယူၤရပၤကီၫ်စၢဖှိၣ်တၫ်ဆါတၫ်ပှ့ၤအပူၤန့ၣ် တၫ်ဆါ၀ဲ လီမ့ၣ်အူသိလ့ၣ် တဖၣ်န့ၣ် အါထီၣ်၀ဲ ၂၈.၄မျးကယၤ,သိလ့ၣ်အခိၣ် ၂၅၅,၄၈၉ခိၣ်ဘၣ်ဆၣ် သိလ့ၣ်လၢ Teslaခီပနံာ်ထုးထီၣ်တဖၣ် တၫ် ဆါဘၣ်၀ဲစှၤလီၤန့ၣ်လီၤ.
Ref: Myanmar Now
