လါဖ့ၤဘြူၤအါရံၤ(၂၄)သီ,၂၀၂၅နံၣ်
ကီၫ်ပယီၤပာ်ဃုာ် လၢလီၫ်က၀ီၤပူၤ ဒ်တၫ်ဒုးလီၤပှီၫ်ကွံာ် အိၣ်လဲတၫ်လံၣ်တၫ်လီကဲတဖၣ်တၫ်ရဲၣ်တၫ်ကျဲၤတခါအသိး ကၠီၣ်တဲၣ်ဒီးခၣ်ဘီဒံယါပှၤဘၣ်မူဘၣ်ဒါတဖၣ် ပာ်ဖှိၣ်လိာ်သး၀ံၤ ဖဲလါဖ့ၤဘြူၤအါရံၤ(၂၃)သီနံၤ အတၫ်လူၤဃုဖီၣ်တၫ်အပူၤ ပှၤထံဂုၤကီၫ်ဂၤဖိ ပူၤဖျဲးထီၣ်(၂၁၅)ဂၤအဂ့ၫ် ပှၤဘၣ်မူဘၣ်ဒါတဖၣ်တဲ၀ဲလီၤ.
လၢကီၫ်ခဲၣ်ဘီဒံယါကီၫ်ဆၢ ၀့ၫ် Poipetအပူၤ တၢး(၃)ကထြၢတၫ်သူၣ်ထီၣ်တဖျၢၣ်အပူၤ တၫ်နုာ်လီၤဃုဖီၣ်အပူၤ ပှၤကီၫ်ကၠီၣ်တဲၣ်(၁၀၉)ဂၤ,ပၣ်က့ၣ်စတၣ်(၅၀)ဂၤ,အ့ဒံယါ(၄၈)ဂၤ,ထဲၣ်၀ၣ်(၅)ဂၤဒီးအ့ၣ်ဒိၣ်နံရှါ(၃)ဂၤ ပူၤဖျဲးထီၣ်အဂ့ၫ် ကၠီၣ် တဲၣ်ပှၤတဲတၫ်ပၢJirayu Houngsubတဲလီၤ၀ဲလီၤ.ဆဲၣ်ဘၣ်ကွီၫ်မ့ၣ်တၫ်မၤကမၣ်တၫ်ဖံးတၫ်မၤတဖၣ်အဂီၫ် တၫ်လီၫ်လၢတနာ်န့ၫ်၀ဲ(၂)တီၤ နုာ်လီၤဖီၣ်၀ဲအပူၤ လၢတၫ်တဘျီအံၤန့ၣ် ကၠီၣ်တဲၣ်ထံဖိကီၫ်ဖိပူၤဖျဲးထီၣ်အအါကတၢၫ်အဂ့ၫ်စ့ၫ်ကီး တဲ၀ဲလီၤ.
ပှၤကၠီၣ်တဲၣ်ဖိ(၆၂၁)ဂၤလၢပူၤဖျဲးထီၣ်လၢ အိၣ်လဲပှၤလံၣ်အီၣ်လီအီၣ်တၫ်ဖိအစုပူၤစ့ၫ်ကီး ဖဲတယံာ်ဒံးဘၣ်န့ၣ် ကီၫ်တရူး ဟဲဆှၢက့ၤ၀ဲအဂ့ၫ် ဖဲအပူၤကွံာ် လါဖ့ၤဘြူၤအါရံၤ(၂၂)သီအနံၤန့ၣ် ကၠီၣ်တဲၣ်သုးတဲဃာ်၀ဲလီၤ.
တၫ်ကစီၣ်ဟးထီၣ် လၢ တရူးခွါဂဲၤဒိ Wang Xingဘၣ်တၫ်လံၣ်အီၣ်လီအီၣ်အီၤဖဲကၠီၣ်တဲၣ်၀ံၤလဲၤတုၤဆူကီၫ်ပယီၤတကပၤ ပှၤလီတၫ်ဖိကဲ အစုပူၤ၀ံၤအလီၫ်ခံ ကီၫ်တရူးပာ်ဃုာ် လီၫ်က၀ီၤထံကီၫ်တဖၣ်အပူၤ တၫ်မၤဆူၣ်ထီၣ်၀ဲ တၫ်ဃုဖီၣ်ပှၤလီတၫ်ဖိကဲတဖၣ် န့ၣ်လီၤ.
ပညိၣ်၀ဲလၢကဒုးဖျိးကွံာ်အိၣ်လဲပှၤလီတၫ်ဖိကဲတဖၣ်အဃိ ကီၫ်ပယီၤတကပၤ ကီၫ်ဆၢ၀့ၫ်တနီၤစ့ၫ်ကီး ကၠီၣ်တဲၣ်ပတုာ် ကွံာ် တၫ်ဟ့ၣ်လီမ့ၣ်အူဒီးအ့ၣ်ထၢၣ်နဲးတဖၣ်န့ၣ်လီၤ.
Ref: VOA
