လါဖ့ၤဘြူၤအါရံၤ(၁၃)သီ,၂၀၂၅နံၣ်
သုးကီၣ်ကးအသုး (ခမရ-၃) သုးအဂံၢ်အဘါအိၣ်(၁၇၀)လၢ အိၣ်သူၣ်လီၤအသးဖဲ ၀့ၢ်ဘံလ့အံၤ ဒ်သိးကဆီတလဲသုးလီၢ်အဂီၢ် ဟဲတုၤဆူ နးကၠံသုးကလၢၤအဂ့ၢ် ဂ့ၢ်ခီၣ်ထံးတၢ်ကစီၣ်စံး၀ဲန့ၣ်လီၤ.
“နးကၠံးဒီးဘံလ့ ခမရ-၃ ဆီတလဲသုးလီၢ်န့ၣ်လီၤ.နးကၠံးသုးကလၢၤသုးဖိတဖၣ် ကက့ၤဆ့ၣ်နီၤဖဲ (ခမရ-၃)လီၤ. မ့မ့ၢ်လၢ (ခမရ-၃)တခီ ကဟဲအိၣ်က့ၤ နးကၠံဒီး အဂံၢ်အဘါ(၁၇၀) ဟဲတုၤအိၣ်ဆူနးကၠံလံန့ၣ်လီၤ. ပှၤ(၃၀)ဂၤတခီ အိၣ်တ့ၢ်ဒံး”အဂ့ၢ် ဂံၢ်ခီၣ်ထံးသုးဂ့ၢ်၀ီတၢ်ကစီၣ် စံး၀ဲန့ၣ်လီၤ.
သုးကီၣ်ကးအသုးလၢ ကဟဲဆီတလဲသုးလီၢ်ဆူနးကၠံးသုးကလၢၤ သုးကျိၤတဖၣ် ဟဲလီၤသုးကျိၤအကတီၢ် ခးလီၤ၀ဲလၢ ကျိးဖဒိၣ်တဖၣ်အသိး နးကၠံသုးကလၢၤတပၤစ့ၢ်ကီး ခးစၢၤ၀ဲဒၣ်လၢ ကျိဖးဒိၣ်တဖၣ်အဂ့ၢ် ဂံၢ်ခီၣ်ထံးတၢ်ကစီၣ် စံး၀ဲန့ၣ်လီၤ.
သုးကီၣ်ကးအသုး ဟဲလီၤသုးကျိၤအဆၢကတီၢ် ခးလီၤကျိဖးဒိၣ်တဖၣ်အဃိ ဖဲလါဖ့ၤဘြူၤအါရံၤ(၁၁)သီအနံၤ, ပၠ့ၣ်သၣ်သ၀ီဖိ ဒီဖိမိၢ်ခံဂၤ ကျိဖးဒိၣ်ဘၣ်ဒီး အမိၢ်န့ၣ် ဘၣ်ဒိ၀ဲလၢတၢ်လီၤဘၣ်ယိၣ်အိၣ်အဃိ ဘၣ်တၢ်လဲၤဆှၢအီၤဆူ သထူၣ်တၢ်ဆါဟံၣ်အဂ့ၢ် လီၢ်က၀ီၤဖိတဂၤ စံး၀ဲန့ၣ်လီၤ.
တၢ်ဘၣ်သဂၢၢ်ခးလိၥ်သးအိၣ်ထီၣ်၀ဲစ့ၢ်ကီးသုးကျိၤလၢကဟဲဆီတလဲသုးလီၢ်ဒီးတၢ်ပၢၢ်ဆၢသုးပၥ်ဖှိၣ်အဘၢၣ်စၢၤအဂ့ၢ် ဂံၢ်ခီၣ်ထံးတၢ်ကစီၣ်စံး၀ဲန့ၣ်လီၤ.
Ref: Salween Press
