လါဖ့ၤဘြူၤအါရံၤ(၁၃)သီ,၂၀၂၅နံၣ်
အမဲရကၤကီၫ်ခိၣ်ဒီနၢၣ်ထရၢးန့ၣ် ထံၣ်လိာ်အသးဒီးကၠီၣ်ဒၣ်စီၤပၤအပွၣ်ဒူၣ်လၣ် လၢဟံၣ်၀ါ၀ံၤအလီၫ်ခံ တဲကဒီး၀ဲလၢ အမဲရကၤန့ၣ် ကပၢဆှၢ၀ဲကၣ်စၣ်ဟီၣ်က၀ီၤန့ၣ်လီၤ.
တရၢးတဲ၀ဲလၢ ပှၤပၣ်လဲးစတဲဖိတဖၣ် ကလဲၤသုးအိၣ်ဆူကီၫ်ကၠီၣ်ဒၣ်ဒီးလီၫ်က၀ီၤထံကီၫ်တဖၣ်၀ံၤအလီၫ်ခံ မ့ၫ်တၫ်ထံၣ်လိာ်သးအဆိကတၢၫ်တဘျီဒီးကၠီၣ်ဒၣ်စီၤပၤန့ၣ်လီၤ.ပှၤပၣ်လဲးစတဲဖိလၢကၣ်စၣ်တဖၣ် မ့ၫ်တတူၫ်လိာ်၀ဲဘၣ်န့ၣ် ထရၢးတဲပျံၤတဲဖုး၀ဲလၢ ကပတူာ်ကွံာ်တၫ်ဆီၣ်ထွဲမၤစၢၤ ကၠီၣ်ဒၣ်ဒီးအံၣ်ကၠံးန့ၣ်လီၤ.
ကီၫ်ကၠီၣ်ဒၣ်လၢ ပှၤပၣ်လဲးစတဲဖိအိၣ်ဆိးအါအါဂီၫ်ဂီၫ်အံၤတခီ ထရၢအတၫ်ဃ့ထီၣ်တဖၣ် တတူၫ်လိာ်၀ဲဘၣ်၀ံၤ ဒီဒါ၀ဲ တၫ်ကသုးလီၫ်သုးကျဲပှၤပၣ်လဲးစတဲဖိ တၫ်ရဲၣ်တၫ်ကျဲၤအဂ့ၫ် ကၠီၣ်ဒၣ်စီၤပၤ အပွၣ်ဒူၣ်လၣ်န့ၣ် ထံၣ်လိာ်သးဒီး ထရၢး ၀ံၤအလီၫ်ခံတဲ၀ဲလီၤ.
ထရၢးတခီ ဟီၣ်က၀ီၤလၢဟးဂီၤအံၤ ကမဲရကၤမ့ၫ်ပၢဆှၢရဲၣ်ကျဲၤ၀ဲန့ၣ် လီၫ်က၀ီၤပူၤ ဒုးအိၣ်ထီၣ်န့ၫ်၀ဲ တၫ်ဖံးတၫ်မၤအါမးသ့ဒီးကၣ်စၣ်န့ၣ်ကဘၣ်ကဲထီၣ် တၫ်မျၫ်တဖျၢၣ်အဂ့ၫ် တဲ၀ဲလီၤ.
ကၠီၣ်ဒၣ်စီၤပၤတခီ အမဲရကၤတၫ်ဘျၢလၢဖီၣ်ဃာ်၀ဲလၢ အနံၣ်ယၤဖှိၣ်တဖၣ်အပူၤအံၤ ထီဒါ၀ဲ၀ံၤ မ့ၫ်တၫ်မၤကမၣ် ထံဂုၤကီၫ်ဂၤတၫ်ဘျၢ လၢတြီဃာ်၀ဲတၫ်သုးန့ၫ်ဆူၣ်ပှၤဒီဖုဒီဂီၫ်အလီၫ်အကျဲအဂ့ၫ်န့ၣ်လီၤ.
ဘၣ်ဆၣ်သနာ်က့ ပှၤပၣ်လဲးစတဲဖိသၣ်(၂၀၀၀)ဂၤလၢ အိၣ်တဆူၣ်တဖၣ်တခီ ကကိး၀ဲလီၤ.ဒီနၢၣ်ထရၢးဒု လၢတၫ် က့ၤဆီလီၤန့ၫ်ပှၤပၣ်လဲးစတဲဖိအလီၫ်အကျဲအပူၤ မုၫ်လၫ်၀ဲလၢ ကၠီၣ်ဒၣ်ဒီးအံၣ်ကၠံးကပာ်ဃုာ်အဂ့ၫ် တဲလီၤကဒီး၀ဲလၢ တၫ်အိၣ်ဖှိၣ်အပူၤန့ၣ်လီၤ.
Ref:BBC
