လါယနူၤအါရံၤ(၁၄)သီ,၂၀၂၅နံၣ်
သုးဟံးန့ၫ်ဆူၣ်ထံကီၫ်တၫ်စိတၫ်ကမီၤ(၄)နံၣ်ဃၣ်ဃၣ်အတီၫ်ပူၤ ထံကီၫ်ဒီတဘ့ၣ်အပူၤ ပှၤလီၫ်အိၣ်ကမှံဖိ အနီၫ်ဂံၫ်နီၫ်ဒွး အိၣ်ထီၣ်(၄)ကကွဲၫ်ဘျဲၣ်၀ံၤ ပှၤလီၫ်အိၣ်ကမှံဖိအနီၫ်ဂံၫ်နီၫ်ဒွးန့ၣ် ဟဲအိၣ်အါထီၣ်၀ဲ ကိးမုၫ်နံၤ ဒဲးန့ၣ်လီၤ.
၂၀၂၁နံၣ်အလီၫ်ခံ တုၤလၢကနံၤအံၤ ကီၫ်ပယီၤပူၤ ပှၤလီၫ်အိၣ်ကမှံအနီၫ်ဂံၫ်နီၫ်ဒွးန့ၣ် အိၣ်ထီၣ်၀ဲ(၄)ကကွဲၫ် ဘျဲၣ်အသိး,ကမျၢၫ်တဖၣ် တၫ်လုၫ်အီၣ်နီၫ်ခိသးသမူ,တၫ်အိၣ်ဆူၣ်အိၣ်ချ့, တၫ်ကူၣ်ဘၣ်ကူၣ်သ့, တၫ်အိၣ်ဆိးလီၫ်ဒီးတၫ်ဒီသဒၢတဖၣ်ပာ်ဃုာ် ကွၫ်ဆၢၣ်မဲာ်ဘၣ် တၫ်တၤတၫ်အါမးန့ၣ်လီၤ.
ဘီမုၫ်စၢဖှိၣ်ကရၢ ပာ်ဖျါနီၫ်ဂံၫ်နီၫ်ဒွးအဖီခိၣ် တၫ်မ့ၫ်ထိၣ်သတြီၤကွၫ်ဒီး ၂၀၂၁နံၣ် တချူးတုၤ အဆၢကတီၫ် ဘၣ်န့ၣ် ပှၤလီၫ်အိၣ်ကမှံအနီၫ်ဂံၫ်နီၫ်ဒွးဟဲအိၣ်အါထီၣ်၀ဲ(၂.၇)ကကွဲၫ်ဃၣ်ဃၣ်အဂ့ၫ်ပာ်ဖျါ၀ဲလီၤ.
သုးကီၣ်ကးန့ၣ် လၢကလံၤကျါပညိၣ်ခးလီၤတၫ်တပယူာ်ဃီလၢ ကမျၢၫ်အိၣ်ဟံၣ်ဃီ,ကၠိ,တၫ်ဆါဟံၣ်, တၫ်ဘူၣ်တၫ်ဘါတၫ်သူၣ်ထီၣ်အလီၫ်ဒီးပှၤလီၫ်အိၣ်ကမှံအိၣ်အလီၫ်တဖၣ်ဒၣ်လဲၣ်န့ၣ်လီၤ.
ကလံၤကျါတၫ်ပညိၣ်ခးလီၤကမျၢၫ် တၫ်ဘၣ်ယိၣ်တဖၣ်အဃိ ကမျၢၫ်တဖၣ်န့ၣ် ဘၣ်ပာ်တ့ၫ်ဟံၣ်ဃီ ဃ့ၫ်ပူၤဖျဲးသး(မ့တမ့ၫ်)ကွၫ်ဆၢၣ်မဲာ်ဘၣ် တၫ်အီၣ်တၫ်အီကၤထီၣ်တဖၣ်န့ၣ်လီၤ.
၂၀၂၁နံၣ်အလီၫ်ခံ ကီၫ်ပယီၤပူၤ ပှၤလီၫ်အိၣ်ကမှံနီၫ်ဂံၫ် ဟဲအိၣ်အါထီၣ်၀ံၤ ကီၫ်ပယီၤ မုၫ်နုာ်ကလံၤစိးတကပၤ ပှၤလီၫ်အိၣ်ကမှံအနီၫ်ဂံၫ်အိၣ်၀ဲ ခွံဆံနွံကလီၫ်(၉၇၀၀၀၀)ဘျဲၣ်ဒီးမ့ၫ်အအါကတၢၫ်အဂ့ၫ် ဘီမုၫ်စၢဖှိၣ်ကရၢ ဟီၣ်ခိၣ်ဖိတၫ်မၤစၢၤဘၣ်ထွဲတၫ်တၢၣ်ပီၣ်တဲသကိး၀ဲၤဒၢး OCHA Myanmar)ထုးထီၣ်ဘိးဘၣ်ရၤလီၤ၀ဲလီၤ.
တၫ်ဒုးကဲထီၣ်အကတီၫ် ဟံၣ်ဃီဘၣ်ဟးဂီၤ,တၫ်မၤစၢၤတုၤဒီးတၫ်လုၫ်အီၣ်နီၣ်ခိ သးသမူတၫ်မၤတဖၣ် တလၢတပှဲၤဘၣ်အဃိ ပှၤလီၫ်အိၣ်ကမှံတနီၤ အရ့ဒိၣ်နီၫ်ကီၫ်လၢ သုးလီၫ်သုးကျဲကန့ၫ်အဂီၫ်အဂ့ၫ် တဲ၀ဲလီၤ.
ဘၣ်ထွဲဟီၣ်ခိၣ်ဖိတၫ်မၤစၢၤ သိၣ်မှံၤကရၢတကပၤတခီ တယာ်ဃာ်၀ဲလၢ,၂၀၂၃နံၣ်အပူၤ ပှၤနီၫ်ဂံၫ်(၁၇.၆) ကကွဲၫ် ကလိၣ်ဘၣ်ဟီၣ်ခိၣ်ဖိတၫ်မၤစၢၤန့ၣ်လီၤ.
ဘၣ်ထွဲတၫ်ခီၣ်ဆၢက့ၤ ဟီၣ်ခိၣ်ဖိတၫ်မၤစၤတၫ်ရဲၣ်တၫ်ကျဲၤအပူၤ ပညိၣ်ဟ့ၣ်၀ဲ ခိခိၣ်ဒူသ၀ီလီၫ်က၀ီၤလၢ တူၫ်ဘၣ်တၫ်သဘံၣ်သဘုၣ်, ပှၤနီၫ်ဂံၫ်(၄.၅)ကကွဲၫ်အဂီၫ် တၫ်မၤစၢၤအဂ့ၫ် OCHA Myanmarအတၫ်ပာ်ဖျါ အဖီခိၣ် Blood Moneyကရၢ ထုးထီၣ်ပာ်ဖျါ၀ဲလီၤ.
