လါဒံၣ်စ့ဘၢၣ်(၁၆)သီ,၂၀၂၄နံၣ်
၀့ၫ်တကူၣ်ပူၤ ကမျၢၫ်တၫ်ဘၣ်မၤသုးအဂီၫ် တၫ်ဖီၣ်န့ၫ်ဆူၣ်သုးတၫ်ကစီၣ်တဖၣ်အဃိ ပှၤမၤတၫ်ဖိလၢဟဲက့ၤတၫ်မၤ စဲၤခံတဖၣ်ဒီးမိၫ်ပၫ်တဖၣ် ဘၣ်ယိာ်ဘၣ်ဘှီတၫ်အဂ့ၫ် ပှၤ၀့ၫ်ဖိတဖၣ်တဲ၀ဲလီၤ.
လၢကတီၫ်အံၤ ၀့ၫ်တကူၣ်ပာ်ဃုာ် ၀့ၫ်လၢသုးကီၣ်ကးပၢဆှၢဃာ်တဖၣ်အပူၤ ပညိၣ်ဃီၤသးစၫ်တဖၣ်၀ံၤ ဖီၣ်န့ၫ်ဆူၣ်သုး တၫ်ကစီၣ်တဖၣ် ဟဲက့ၤအိၣ်ထီၣ်ကဒါက့ၤ၀ဲလီၤ.
တၫ်ကစီၣ်အံၤအဃိ ပှၤလၢဟဲက့ၤတၫ်မၤလၢမုၫ်နၤခီတဖၣ် အိၣ်ဒီးတၫ်ဘၣ်ယိာ်၀ံၤ အသးအိၣ်လၢကစံၣ်လီၤဘၣ် တၫ်မၤဆိဆိအဂ့ၫ် ပှၤမၤတၫ်ဖိတနီၤတဲ၀ဲလီၤ.
လၢကၠီးတကါကီၫ်ဆၣ်, ပှၤမၤတၫ်ဖိတဂၤလၢမၤတၫ်ဖဲITတၫ်ဖိတၫ်လံၤကျးအပူၤ တဲ၀ဲလၢ “တၫ်ဖီၣ်န့ၫ်ဆူၣ်သုးအဃိ လၢဟံၣ်ပှၤဘၣ်ကိၫ်ဘၣ်ဂီၤ၀ဲလီၤ.ပ၀ဲစ့ၫ်ကီးဘၣ်ကိၫ်လီၤ.အိးထီၣ်ကျးတုၤလၢမုၫ်နၤခီအဃိ ဘၣ်က့ၤစဲၤခံလီၤ. လၢတၫ် အိၣ်သးအဖီခိၣ်ကက့ၤဘၣ်ဟံၣ်ဆိဆိအဂီၫ် တဲဃာ်၀ဲအခိၣ်နၫ်လၢတၫ်ဖီခိၣ်တဖၣ်၀ံၤလံအဂ့ၫ်” န့ၣ်လီၤ.
စဲးဖီကဟၣ်ပှၤမၤတၫ်ဖိလၢစံၣ်လီၤOTဒီးမုၫ်ခံးမးဘၣ်က့ၤတဖၣ်စ့ၫ်ကီး ပျံၤ၀ဲလၢတၫ်ကဖီၣ်န့ၫ်ဆူၣ်သုးဘၣ်ဆၣ် တစံၣ်လီၤတၫ်မၤတသ့ဘၣ်အဃိ ဘၣ်စံၣ်လီၤ၀ဲအဂ့ၫ် ပှၤမၤတၫ်ဖိတနီၤတဲ၀ဲလီၤ.
၀့ၫ်တကူၣ်ပူၤ လၢမုၫ်နၤခီထံၣ်ပှၤလၢကျဲမုၫ်ခိၣ်တဖၣ် ဖီၣ်၀ဲတၫ်ကစီၣ်တဖၣ်အဃိ လၢမုၫ်နၤ(၈)နၣ်ရံၣ်ဃၣ်ဃၣ်န့ၣ် ပှၤဟးထီၣ်ဟးလီၤ လီၤစှၤ၀ဲအဂ့ၫ် ပှၤ၀့ၫ်ဖိတဖၣ်တဲ၀ဲလီၤ.
သုးကီၣ်ကးတၫ်လိၣ်ဘၣ်သုးဖိဂံၫ်ဘါအိၣ်၀ဲအဃိ ဖဲတနံၣ်အံၤအပူၤ မၤမူထီၣ်က့ၤကမျၢၫ်တၫ်ဘၣ်မၤသုးတၫ်ဘျၢဒီး ကိး၀ဲကမျၢၫ်တၫ်ဘၣ်မၤသုးတဒူၣ်ဘၣ်တဒူၣ်၀ံၤ ဖီၣ်န့ၫ်ဆူၣ်၀ဲဒီးမၢကဲသုးအိၣ်၀ဲစ့ၫ်ကီးန့ၣ်လီၤ.
၀့ၫ်တကူၣ်ကီၫ်ခီသုးဟီၣ်က၀ီၤ သုးဂ့ၫ်၀ီဘၣ်မူဘၣ်ဒါ ဒံၣ်ည့လ့စ့ၫ်ကီး လၢ၀့ၫ်တကူၣ် တၫ်ဖီၣ်န့ၫ်ဆူၣ်သုးတၫ်မၤအသး တဖၣ် အိၣ်၀ဲအဃိ တၫ်ကပလီၫ်သးလၢဟးထီၣ်လၢမုၫ်နၤအဂီၫ်ဒီးလၢကတီၫ်အံၤ ပှၤလၢဘၣ်တၫ်ဖီၣ်န့ၫ်(၈၀)မၠးကယၤ န့ၣ် မ့ၫ်သုးဖိသီတဖၣ်အဂ့ၫ် ဟ့ၣ်ဒုးသ့ၣ်ညါဃာ်၀ဲလီၤ.
Ref: DVB
