လါဒံၣ်စ့ဘၢၣ်(၁၆)သီ,၂၀၂၄နံၣ်
ကီၢ်ကၠီၣ်တဲၣ်ပူၤ ကီၢ်ပယီၤပၥ်ဃုၥ် ခၣ်ဘီဒံယါ, လၣ်အိၣ်ဒီး ဘံၣ်ယဲးနၣ်ခီကီၢ်ပှၤမၤတၢ်ဖိတဖၣ်လၢ ဟဲနုၥ်လီၤအိၣ်ဆိးဖံးမၤတၢ်လၢ တဖိးသဲစးတဖၣ် ကၠီၣ်တဲၣ်ပဒိၣ်ကထုးထီၣ်န့ၢ် ဖိသဲစးလံၥ်အုၣ်သးအဂ့ၢ် ကၠီၣ်တဲၣ်ပဒိၣ်ဘိးဘၣ်ရၤလီၤ၀ဲအဂ့ၢ်န့ၣ် ကိဟ့လၢ ဟူးဂဲၤပှၤမၤတၢ်ဖိဂ့ၢ်၀ီ စံး၀ဲန့ၣ်လီၤ.
“စးထီၣ်လၢ တနံၤအံၤ လါဒံၣ်စ့ဘၢၣ်(၁၆)သီအနံၤတုၤ(၃၀)သီအနံၤန့ၣ် ပှၤလၢဟဲနုၥ်လီၤအိၣ်ဆိးတဖိးသဲစးတဖၣ် ကကဲထီၣ်ဘၣ်အဖိးသဲစးအဂီၢ် ကထုးထီၣ်န့ၢ်၀ဲ ပှၤမၤတၢ်ဖိလံၥ်အုၣ်သး(Pink Card)န့ၣ်လီၤ. တၢ်ကမၤ၀ဲ Pink Card(ကိး)ဘးအဂီၢ် လိၣ်၀ဲ ပှၤမၤတၢ်ဖိအကစၢ်န့ၣ်လီၤ. ကၠီၣ်တဲၣ်ပှၤမၤတၢ်ဖိအကစၢ်မ့ၢ်အိၣ်မး တၢ်မၤန့ၢ်၀ဲ Pink Cardန့ၣ်လီၤ.”
ကၠီၣ်တဲၣ်ပဒိၣ် ဘိးဘၣ်ရၤလီၤလၢ တၢ်ကမၤန့ၢ် Pink Card၀ံၤအလီၢ်ခံ ကီၢ်ကၠီၣ်တဲၣ်ပူၤ ပှၤကီၢ်ပယီၤဖိလၢ ဟဲနုၥ်လီၤအိၣ်ဆိးတဖိးသဲစးတဂၤ စံး၀ဲလၢ”ခီဖျိလၢကီၢ်ပယီၤပူၤ တၢ်ကီတၢ်ခဲအကလုၥ်ကလုၥ်အဃိ ပဟဲတုၤလီၤ. ဟဲတုၤလၢ ကီၢ်ကၠီၣ်တဲၣ်ပူၤဘျီ ပအဲၣ်ဒိးမၤ ပှၤမၤတၢ်ဖိလံၥ်အုၣ်သးန့ၣ်လီၤ. လံၥ်အုၣ်သးမ့ၢ်အိၣ်မး နုၥ်လီၤမၤတၢ်န့ၢ်အဃိ ပလီကီလံၥ်အုၣ်သးန့ၣ်လီၤ.”
ပှၤလၢလံၥ်အုၣ်သးတအိၣ်တဖၣ် တၢ်ကမၤန့ၢ် အဖိသဲစးလံၥ်အုၣ်သးအဂီၢ် ပှၤဟူးဂဲၤပှၤမၤတၢ်ဖိဂ့ၢ်၀ီတဖၣ် ဃ့ထီၣ်၀ဲခဲအံၤခဲအံၤအသိး ခီဖျိလၢကီၢ်ပယီၤတၢ်အိၣ်သးတဖၣ်အဃိ မ့ၢ်စ့ၢ်ကီးတၢ်သးခုလၢ ပှၤဟဲနုၥ်လီၤတဖိးသဲစးတဖၣ်အဂီၢ်အဂ့ၢ် ကိဟ့စံး၀ဲန့ၣ်လီၤ.
“မ့ၢ်ဘၣ်တဲန့ၣ် လံၥ်အုၣ်သးမ့ၢ်တအိၣ်နီတမံၤမံၤအလီၢ် မ့ၢ်အိၣ်တမံၤမံၤဒ်သိး တၢ်မၤန့ၢ် အဖိးသဲစးတၢ်ပၥ်ပနီၣ်တခါလၢ Pink Card န့ၣ် ဂ့ၤဒိၣ်မးလီၤ.”
ကီၢ်ကၠီၣ်တဲၣ်ပူၤ ပှၤကီၢ်ပယီၤဖိတဖၣ်လၢ ဟဲနုၥ်လီၤအိၣ်ဆိးဖံးမၤတၢ်လၢ တဖိးသဲစးတဖၣ် ကအိၣ်ဆိးဖံးမၤဘၣ်တၢ်လၢအဖိးသဲးစးကးလၢအမ့ၢ် Pink Card အံၤ တၢ်ကတီၣ်ထီၣ်အမံၤစရီ(Name List)အဂီၢ် ကၠီၣ်တဲၣ်ပဒိၣ် ပၥ်ပနီၣ်ဃၥ်၀ဲစးထီၣ်လၢလါဒံၣ်စ့ဘၢၣ်(၁၆)သီအနံၤတုၤ(၃၀)သီအနံၤ(၁၅)သီအနံၤအတီၢ်ပူၤအဂ့ၢ် ကီၢ်ပယီၤမီၢ်သီ၀ဲၤဒၢးလၢ အိၣ်ဖဲ၀့ၢ်ဘီကီၥ်စ့ၢ်ကီး ဒုးသ့ၣ်ညါဃၥ်၀ဲန့ၣ်လီၤ.
Ref: VOA
