လါဒံၣ်စ့ဘၢၣ်(၁၁)သီ,၂၀၂၄နံၣ်
ဖဲလါဒံၣ်စ့ဘၢၣ်(၁၀)သီအနံၤန့ၣ် ထံရူၫ်ကီၫ်သဲးပၣ်တံၣ်တဖၣ် တဲ၀ဲလၢ သုးကီၣ်ကးအတၫ်ဃုထၢခီၣ်မံးရှၢၣ် ပှၤပၢၤလီၫ်ဆ့ၣ်နီၤအူကိၣ်ကိၣ်အူတဲလၢ လၢထံကီၫ်ဒီတဘ့ၣ် ကီၫ်ဆၣ်အိၣ်(၃၃၀)ဘ့ၣ်အကျါ ကီၫ်ဆၣ်(၁၆၁)ဘ့ၣ်လၢအိၣ်ဒီး တၫ်ဘံၣ်တၫ်ဘၢအံၤအပူၤ မၤတၫ်ဃုထၢကန့ၫ်၀ဲန့ၣ်လီၤ.
တၫ်ဃုထၢခီၣ်မံးရှၢၣ်ပှၤပၢၤလီၫ်ဆ့ၣ်နီၤဒီးထံရူၫ်ကီၫ်သဲးပၣ်တံၣ်တဖၣ် ဖဲလါဒံၣ်စ့ဘၢၣ်(၇)သီအနံၤန့ၣ် ထံၣ်လိာ်အသး၀ံၤ ဘၣ်ထွဲဒီးတၫ်ဃုထၢတၫ်အိၣ်သးတဖၣ်အဖီခိၣ် တဲလီၤ၀ဲဒ်အံၤန့ၣ်လီၤ.
“ကမၤ၀ဲတၫ်ဃုထၢ လၢတၫ်ဘံၣ်တၫ်ဘၢအိၣ်တၫ်လီၫ်တဖၣ်လီၤ.လၢအ၀ဲတဲ၀ဲအကျါ တၫ်လီၫ်လၢတၫ်ဘံၣ်တၫ်ဘၢ တၫ်အိၣ်သး တၫ်နာ်န့ၫ်သ့အလီၫ်တဖၣ် ကမၤတၫ်ဃုထၢလီၤ.မ့ၫ်၀ံၤ တၫ်လီၫ်လၢလိၣ်ဘၣ်တၫ်ဘံၣ်တၫ်ဘၢတဖၣ်အပူၤ လၢခံတဆီကမၤတၫ်ဃုထၢအဂ့ၫ်တဲ၀ဲလီၤ.”
၂၀၂၅နံၣ်အပူၤ တၫ်ဃုထၢလၢတၫ်ကမၤ၀ဲအံၤ ဟီၣ်က၀ီၤလၢအိၣ်ဒီးနီၫ်ကစၫ်တၫ်စံၣ်ညီၣ်ပၢလီၤ သးဒီးကီၫ်ဆၣ်ဒီးကီၫ်ခီ ကလုာ်ဒူၣ်ဂ့ၫ်၀ီ ခၢၣ်စးတၫ်လီၫ်တဖၣ်တခီ ကမၤ၀ဲလၢ ပှၤလၢနၢၤဟံးန့ၫ်ခဲလၢာ်သနူ(FPTP)အဂ့ၫ် တဲ၀ဲလီၤ.
ရၢၢ်ခၢၣ်အူဆီၣ်ပၣ်တံၣ်ပှၤပၢၤလီၫ်ဆ့ၣ်နီၤဒီးကထၢၣ်အ့မီၣ်တခီ တၫ်ဘံၣ်တၫ်ဘၢအဖီခိၣ် တၫ်လီၫ်လၢတၫ်မၤ၀ဲတန့ၫ်ဘၣ်အပူၤ ကမျၢၫ်အတၫ်ဟ့ၣ်တၫ်ဖးခွဲးယာ်သုတဘၣ်ဒိတဂ့ၤအဂီၫ် ဘၣ်ပာ်တ့ၫ်တၫ်လီၫ်တၫ် ကျဲ၀ံၤ ဖဲအိၣ်ဖဲတၫ်လီၫ်၀ဲန့ၣ်အပူၤ ဟ့ၣ်တၫ်ဖးခွဲးယာ်ကန့ၫ်အဂီၫ် လိၣ်၀ဲအဂ့ၫ်တဲ၀ဲလီၤ.
“’ဒ်ပှၤလီၫ်အိၣ်ကမှံအသိး မ့ၫ်ဟဲအိၣ်ကဒုလၢတၫ်လီၫ်လၢတၫ်ဒုးတကဲထီၣ်ဘၣ်အလီၫ်န့ၣ် ပှၤလၢဟဲအိၣ်ကဒုတဖၣ် အတၫ်ဟ့ၣ်တၫ်ဖးခွဲးယာ်န့ၣ် ထံကီၫ်တၫ်ဘျၢသဲစးအဖီခိၣ် တၫ်ဃုထၢခီၣ်မံးရှၢၣ်ကဘၣ်ဒီသဒၢန့ၫ်၀ဲလီၤ.”
သုးကီၣ်ကးမၤတၫ်ဃုထၢမ့ၫ်န့ၫ်န့ၣ် တမ့ၫ်ကကဲထီၣ်ထံရူၫ်ကီၫ်သဲး တၫ်ဆီတလဲဘၣ်အမဲာ်ညါ အိၣ်ဒၣ်ကထုးကွံာ် ဂ့ၫ်ဂီၫ်အူတၫ်အိၣ်သးဒီးကထုးကွံာ်သုးတၫ်ပၢဧိၤလီၤအဂ့ၫ် တၫ် ဘံၣ်တၫ်ဘၢအဖီခိၣ်ပှၤလၢတအဲၣ်ဒိးပာ်ဖျါအမံၤ လၢဃုသ့ၣ်ညါပဲာ်ထံနီၤဖး ၂၀၀၈ ထံကီၫ်တၫ်ဘျၢသဲစးတဂၤတဲ၀ဲလီၤ.
အပူၤကွံာ်၂၀၂၀နံၣ်တၫ်ဃုထၢအပူၤ လၢထံကီၫ်ဒီတဘ့ၣ် တၫ်ဖးတၫ်လီၫ်အိၣ်၀ဲ(၃၃၀)ခါအကျါ,လၢတၫ်လီၫ် (၃၁၅)ခါအပူၤတၫ်မၤ၀ဲတၫ်ဃုထၢန့ၫ်၀ဲလီၤ
လၢကတီၫ်အံၤ ထံရူၫ်ကီၫ်သဲးပၣ်တံၣ်(၅၃)ဖု ကနုာ်လီၤသတြီၤတၫ်ဃုထၢအိၣ်၀ဲ၀ံၤ လၢတၫ်သမံသမိး၀ဲအဖၢမုၫ် အိၣ်၀ဲ(၁)ဖုအဂ့ၫ် ခီၣ်မံးရှၢၣ်ပှၤပၢၤလီၫ်ဆ့ၣ်နီၤအူကိၣ်ကိၣ် တဲဃာ်၀ဲ ဖဲတၫ်ထံၣ်လိာ်သးကတီၫ်န့ၣ်လီၤ.
Ref: RFA
