လါနိၣ်၀့ဘၢၣ်(၁၂)သီ,၂၀၂၄နံၣ်
အံၣ်စရ့ပဒိၣ် ကမၤတၢ်ပတုၥ်တၢ်ခးဒီးဟ့းစဘိၣ်လၣ်ကရၢလၢ အိၣ်သူၣ်လီၤသးဖဲ လဲးဘနိၣ်အဂီၢ် ဆိကမိၣ်၀ဲအဂ့ၢ် အံၣ်စရ့ၣ်တၢ်ကစီၣ်သန့တဖၣ် ပၥ်ဖျါဃၥ်၀ဲန့ၣ်လီၤ.
တၢ်ဒုးတဖၣ် သုတအါထီၣ်လၢ လဲးဘနိၣ်ဟီၣ်က၀ီၤအပူၤအဂီၢ် အမဲရကၤကီၢ်ခိၣ်ကၠိဘဲၣ်တၣ်ပဒိၣ် ဟ့ၣ်ဆီၣ်သနံး၀ဲ အံၣ်စရ့ပဒိၣ်အဂ့ၢ် ပၥ်ဖျါဃၥ်၀ဲန့ၣ်လီၤ.
ကတီၢ်ခဲအံၤတခီ အံၣ်စရ့လဲၤဒုးကလံၤကျါတၢ်ဒုး ဆူဟ့းစဘိၣ်လၣ်သုးတၢ်ပညိၣ်တဖၣ်လၢ အိၣ်ဖဲလဲးဘနိၣ်ဟီၣ်က၀ီၤပူၤအသိး ထီၣ်ဒုး၀ဲဟီၣ်ခိၣ်မဲၥ်ဖံးခိၣ်တၢ်ဒုးတဖၣ် ဖဲလဲးဘနိၣ်ကလံၤထံးဟီၣ်က၀ီၤပူၤန့ၣ်လီၤ.
ဖဲမဟါအနံၤ အံၣ်စရ့လဲၤဒုးတၢ်လၢကလံၤကျါဖဲ လဲးဘနိၣ်ကလံၤထံးတပၤအပူၤ ဘၣ်သံ၀ဲဖိသၣ်(၇)ဂၤပၥ်ဃုၥ် ပှၤ(၂၃)ဂၤ၀ံၤ ခီဖျိလၢအံၣ်စရ့အကလံၤကျါတၢ်ဒုးတဖၣ်အဃိ တုၤ အီးကထိဘၢၣ်လါလၢၥ်အလီၢ်ခံ န့ၣ် ပှၤဘၣ်သံအိၣ်ထီၣ်(၃)ကထိဘျဲၣ်လံအဂ့ၢ် လဲးဘနိၣ်ပှၤဘၣ်မူဘၣ်ဒါတဖၣ် တဲ၀ဲန့ၣ်လီၤ.
မီၢ်သီဂ့ၢ်၀ီတၢ်ရဲၣ်တၢ်ကျဲၤတခါလၢဘၣ်ထွဲလဲးဘနိၣ်အဖီခိၣ် အမဲရကၤတၢ်ဒီသဒၢကိတိၥ် လွဲၣ်အီၣ်စတ့ၣ်ဒီး အံၣ်စရ့တၢ်ဒီသဒၢကိတိၥ် အံၣ်စရ့ကးဆဲးကျိးတဲသကိးတၢ်လၢလီတဲစိအဂ့ၢ်န့ၣ်လီၤ.
အံၣ်စရ့အတၢ်လဲၤဒုး လဲးဘနိၣ်အဖီခိၣ်ထံဂုၤကီၣ်ဂၤတဖၣ် အတၢ်ဘၣ်ယိၣ်ဘၣ်ဘှီအါထီၣ်၀ဲန့ၣ်လီၤ. တၢ်သဘံၣ်သဘုၣ်တဖၣ်အပူၤ ပှၤ(၁.၂)ကကွဲၢ် ကဲထီၣ်တ့ၢ်ပှၤဟံၣ်ဃီတအိၣ်အသိး၀ံၤ ဘၣ်တၢ်ဒုး ဘီမုၢ်စၢဖှိၣ်ကရၢတၢ်မုၥ်တၢ်ခုၣ်သုးတဖၣ်လၢအိၣ်ဖဲ လဲးဘနိၣ်ပူၤစ့ၢ်ကီး အိၣ်ထီၣ်၀ဲန့ၣ်လီၤ.
Ref: NHK
