လါနိၣ်၀့ဘၢၣ်(၁၂)သီ,၂၀၂၄နံၣ်
ကခၠ့ၣ်တၢ်ထူၣ်ဖျဲးသုးမုၢ်ဒိၣ်(KIA)ဒီးသုးပၥ်ဖှိၣ်တဖၣ် ထီၣ်ဒုး၀ဲ သုးကီၣ်ကးအစုတီၤဖီလၥ် ကခၠ့ၣ်ဂၢၤကီၢ်သုးပၢဆှၢရဲၣ်ကျဲၤ ကခၠ့ၣ်ဟီၣ်က၀ီၤလီၤဆီနီၣ်ဂံၢ်(၁)ဘူးကန့ၢ်ဃၣ်ဃၣ်အပူၤ အိၣ်တ့ၢ်ဒၣ်ထဲ ကၣ်ပဲးတံၣ်၀့ၢ်လၢ တၢ်ကူလဲၢ်မၤကၤအလီၢ်အိၣ် ဖဲတရူး-ပယီၤကီၢ်ဆၢအဂ့ၢ် (KIA)တၢ်ကစီၣ်မူဒါခိၣ်တဲပၥ်ဂၢၢ်ပၥ်ကျၢၢ်၀ဲန့ၣ်လီၤ.
ဖဲမဟါအနံၤစ့ၢ်ကီး ထီၣ်ဒုးမၤန့ၢ်၀ဲ လဲၣ်ဆဲၣ်သ၀ီ ဂၢၤကီၢ်သုးကလၢၤတဖျၢၣ်လၢ အိၣ်ဖဲ ဟီၣ်က၀ီၤလီၤဆီနီၣ်ဂံၢ်(၁)ဟီၣ်က၀ီၤ, ဆီးလီးကီၢ်ဆၣ်အပူၤအဂ့ၢ် စံး၀ဲန့ၣ်လီၤ.
ဖဲလါစဲးပထ့ဘၢၣ်အတီၢ်ပူၤ ကခၠ့ၣ်တၢ်ထူၣ်ဖျဲးသုးမုၢ်ဒိၣ်(KIA)ဒီးသုးပၥ်ဖှိၣ်တဖၣ် စးထီၣ်ဒုးယၤရဲၣ်ကျဲၤတဖၣ် ဖဲကခၠ့ၣ်ဟီၣ်က၀ီၤလီၤဆီနီၣ်ဂံၢ်(၁), ခၠံၣ်ဖွ့ၣ်, ဆီးလီး, ပၣ်၀ၣ်, ကၣ်ပဲးတံၣ်လီၢ်က၀ီၤတဖၣ်အပူၤန့ၣ်လီၤ.
ဖဲလါနိၣ်၀့ဘၢၣ်(၁၀)သီအနံၤစ့ၢ်ကီး ကခၠ့ၣ်တၢ်ထူၣ်ဖျဲးသုးမုၢ်ဒိၣ်(KIA)ဒီးသုးပၥ်ဖှိၣ်တဖၣ် ထီၣ်ဒုးမၤန့ၢ်ကဒီး၀ဲ သုးကီၣ်ကးလဲၣ်ဆၣ်သ၀ီ ဂၢၤကီၢ်သုးကလၢၤလၢအိၣ်ဖဲ ကခၠ့ၣ်ကီၢ်စဲၣ်, ဆီးလီးကီၢ်ဆၣ်ပူၤ၀ံၤ တၢ်မၤ၀ဲတၢ်မၤရှဲပျီဟီၣ်က၀ီၤအဂ့ၢ် KIAတၢ်ကစီၣ်ပှၤဘၣ်မူဘၣ်ဒါ တဲပၥ်ဂၢၢ်ပၥ်ကျၢၤ၀ဲန့ၣ်လီၤ.
စဲးပထ့ဘၢၣ်လါဘူးလၢၥ်ဒီးအီးကထိဘၢၣ်လါစးထီၣ်န့ၣ် ကခၠ့ၣ်တၢ်ထူၣ်ဖျဲးသုးမုၢ်ဒိၣ်(KIA)ဒီးသုးပၥ်ဖှိၣ်တဖၣ် ထီၣ်ဒုးမၤန့ၢ်၀ဲ ဆီးလီးဒီးခၠံၣ်ဖွံၣ်၀့ၢ်တဖၣ်အသိး ထီၣ်ဒုးမၤန့ၢ်၀ဲ စ့ၢ်ကီး သုးရ့ၣ်(၃)ရ့ၣ်ဒီးပၣ်၀ၣ်၀့ၢ်လၢ အိၣ်ဖဲကခၠ့ၣ်ဟီၣ်က၀ီၤလီၤဆီနီၣ်ဂံၢ်(၁)ဟီၣ်က၀ီၤအပူၤန့ၣ်လီၤ.
Ref: VOA
