လါနိၣ်၀့ဘၢၣ်(၁၁)သီ,၂၀၂၄နံၣ်
တၫ်မၢကဲန့ၫ်ဆူၣ်သုး,ပှၤမၤတၫ်ဖိ,တၫ်မၤကစၫ်ဒီး သုးကီၣ်ကးလၢ မၤကမၣ်ပှၤဂ့ၫ်၀ီခွဲးယာ်အံၤ တၫ်ကဟံးန့ၫ်အီၤဂ့ၫ်၀ီ လၢ ဟီၣ်ခိၣ်ဒီဖျၢၣ်ပှၤမၤတၫ်ဖိကရၢခိၣ်ကျၢၫ်(ILO)တၫ်ဘျၢအဆၢဒိၣ်(၃၃)ကန့ၫ်အဂီၫ် ပၢဆှၢကမံးတံာ် ပာ်ဂၢၫ်ပာ်ကျၢၤ ၀ဲ၀ံၤ နံၣ်လၢကဟဲ ၂၀၂၅နံၣ်,ဖဲလါယူၤ, ILO တၫ်အိၣ်ဖှိၣ်အပူၤ တၫ်ကဆၢတဲာ်၀ံၤက့ၤ၀ဲအဂ့ၫ် တၫ်သ့ၣ်ညါဘၣ်လီၤ.
တၫ်ဆၢတဲာ်၀ဲအံၤ လၢကီၫ်စွံၣ်စလၣ်,၀့ၫ်ကၠနံၣ်ဘၣ် ဖဲလါအီးကထိဘၢၣ်(၂၈)သီနံၤ တုၤ နိၣ်၀့ဘၢၣ်(၇)သီအနံၤ ILO (၃၂၅)၀ီတ၀ီ ပၢဆှၢကမံးတံာ်တၫ်အိၣ်ဖှိၣ်အပူၤ ဆၢတဲာ်လီၤ၀ဲ၀ံၤ တၫ်ဘျၢအဆၢဒိၣ်(၃၃)အဖီခိၣ် လၢတၫ်ကိးကပၤဒဲး တၫ်ကကးတံာ်မုာ်ကျိၤ၀ဲၤကွာ် တၫ်ကပာ်ဂၢၫ်ပာ်ကျၢၤ ဟံးန့ၫ်ဂ့ၫ်၀ီအဂီၫ် မၢဆှၢထီၣ်ဃာ်၀ဲတၫ်ဂ့ၫ်တၫ်ကျိၤအဂ့ၫ် တၫ်သ့ၣ်ညါဘၣ်လၢ ဘၣ်ထွဲကီၫ်ပယီၤ ပှၤမၤတၫ်ဖိကရၢခိၣ်ကျၢၫ်(CTUM)အအိၣ်န့ၣ်လီၤ.
တၫ်ဆၢတဲာ်လၢ တၫ်ကဟံးန့ၫ်အီၤဂ့ၫ်၀ီခီဖျိ တၫ်ဘျၢအဆၢဒိၣ်(၃၃)န့ၣ် လၢ ILOအပူၤ တၫ်ဂ့ၫ်တၫ်ကျိၤလၢ တၫ်ဆဲးလီၤ ဃာ်စုမုၫ်ကျၢၤတဖၣ် လူၤပိာ်မၤထွဲဒုးအိၣ်ထီၣ်၀ဲအမိၫ်လံၤမိၫ်ပှၫ်တန့ၫ်ဘၣ်,တၫ်ဆီတလဲအဂီၫ် တၫ်ဟ့ၣ်ကူၣ်တဖၣ် လူၤ ပိာ်မၤထွဲ၀ဲတအိၣ်ဘၣ်ဒီး သုးကီၣ်ကးန့ၣ် တၫ်ဟံးန့ၫ်အီၤဂ့ၫ်၀ီလၢကျဲ(၂)ဘိသ့၀ံၤ ဘီမုၫ်စၢဖှိၣ်ကရၢ တၫ်ကရၢကရိ ဟ့ၣ် မၤစၢၤတ့ၫ်ဃာ် ပတီၫ်ထီတၫ်သ့တၫ်ဘၣ်တဖၣ်,ပှၤ တ၀ၢတၫ်မၤစၢၤတဖၣ်,မီၫ်သီတၫ်ရ့လိာ်ဘၣ်ထွဲတဖၣ် ပတုာ်ကွံာ် ၀ဲ၀ံၤ တပာ်ပနီၣ်၀ဲဒ်ပဒိၣ်တဖုအသိးဘၣ်အမဲာ်ညါ ပာ်ပနီၣ်၀ဲဒ်သုးတဖုလၢမၤအၢမၤသီတၫ်သ့အသိး, သုးကီၣ်ကး မၤကမၣ် ပှၤမၤတၫ်ဖိခွဲးယာ်တဖၣ်အံၤ တၫ်တီၣ်ထီၣ်သမံသမိးအီၤလၢ ထံဂုၤကီၫ်ဂၤကွီၫ်မ့ၣ်၀ဲၤဒၢး၀ံၤ ဒိးသန့ၤထီၣ် အသးလၢတၫ်မၤကမၣ်အဖီခိၣ် တၫ်ကးတံာ်ကွံာ်မုာ်ကျိၤ၀ဲၤကွာ် ဟံးန့ၫ်ဂ့ၫ်၀ီသ့အဂ့ၫ် တၫ်သ့ၣ်ညါဘၣ်လီၤ.
ကီၫ်ပယီၤန့ၣ် ဟီၣ်ခိၣ်ဒီဖျၢၣ်ပှၤမၤတၫ်ဖိကရၢခိၣ်ကျၢၫ်အတၫ်ဘျၢအဆၢဒိၣ်(၃၃)အဖီခိၣ် တၫ်ဟံးန့ၫ်အီၤဂ့ၫ်၀ီန့ၣ် မ့ၫ် ခံ၀ီတ၀ီ၀ံၤ သုးမီၤစိရိၤလီၫ်လံၤ အူသါရွှ့ၣ်ပၢတၫ်အစိၤ ဖဲ၂၀၀၀နံၣ်န့ၣ် မ့ၫ်အဆိကတၢၫ်တဘျီတၫ်ဟံးန့ၫ်အီၤဂ့ၫ်၀ီဒီး ကီၫ်ပယီၤသုးန့ၣ် တၫ်ပပာ်ပနီၣ်အီၤဒ်ပဒိၣ်အသိးဘၣ်အမဲာ်ညါ ပာ်ပနီၣ်၀ဲဒ် သုးတဖုလၢမၤအၢမၤသီ မၤသံမၤ၀ီတၫ်န့ၣ် လီၤ.
Ref: The Irrawaddy
