သုးဒီးပၢၤကီၢ်သုးပၥ်ဃုၥ် (၄၉)ဂၤ ဟဲပၥ်ဖှိၣ်မၤသကိးတၢ်လၢ CDMတၢ်ဟူးတၢ်ဂဲၤအပူၤအဂ့ၢ် NUGထုးထီၣ်ပၥ်ဖျါ

လါနိၣ်၀့ဘၢၣ်(၁၁)သီ,၂၀၂၄နံၣ်

ဖဲအပူၤကွံၥ် လါစဲးပထ့ဘၢၣ်ဒီးလါအီးကထိဘၢၣ်အတီၢ်ပူၤ သုးကီၣ်ကးအစုတီၤဖီလၥ်သုးဒီးပၢၤကီၢ်သုးဖိ ပၥ်ဖှိၣ်(၄၉)ဂၤဟဲနုၥ်လီၤပၥ်ဖှိၣ်မၤသကိးတၢ်လၢ(CDM)တၢ်ဟူးတၢ်ဂဲၤတဖၣ်အပူၤအဂ့ၢ် ဒီကလုၥ်ဃူဖိးပဒိၣ်(NUG)အဂ့ၢ် ထုးထီၣ်ပၥ်ဖျါဃၥ်၀ဲဖဲ လါနိၣ်၀့ဘၢၣ်(၁၀)အနံၤန့ၣ်လီၤ.

ပှၤလၢအဟဲနုၥ်လီၤလၢ CDMတၢ်ဟူးတၢ်ဂဲၤတဖၣ် ဟဲဆဲးကျိးတၢ်ဒီးဒီကလုၥ်ဃူဖိးပဒိၣ်(NUG)အစုတီၤဖီလၥ် တၢ်ကရၢကရတဖၣ်အဂ့ၢ်ဒီးဖဲအကျါပၥ်ဃုၥ်၀ဲသုးခိၣ်ဒိၣ်ဖိ(၄)ဂၤ,ပၢၤကီၢ်ခိၣ်(၂)ဂၤအဂ့ၢ်NUGတၢ်ဒီသဒၢကိတိၥ်၀ဲၤကျိၤ ပၥ်ဖျါဃၥ်၀ဲလၢ အလံၥ်ဘိးဘၣ်ရၤလီၤအပူၤန့ၣ်လီၤ.

လါစဲးပထ့ဘၢၣ်အတီၢ်ပူၤ သုးကီၣ်ကးအပှၤသုးဖိ(၁၉)ဂၤဒီး ပၢၤကီၢ်သုး(၇)ဂၤ ဟဲနုၥ်လီၤလၢ CDMအပူၤ၀ံၤ လါအီးကထိဘၢၣ်အတီၢ်ပူၤတခီ သုးကီၣ်ကးအပှၤသုးဖိ(၁၇)ဂၤဒီးပၢၤကီၢ်သုး(၆)ဂၤ ဟဲနုၥ်လီၤCDMအပူၤအဂ့ၢ် ပၥ်ဖျါဃၥ်၀ဲလၢ NUGအလံၥ်ဘိးဘၣ်ရၤလီၤအပူၤန့ၣ်လီၤ.

ပှၤဟဲနုၥ်လီၤလၢ CDMအပူၤအကျါ တနီၤန့ၣ်ဟဲစိၥ်ဃုၥ်စ့ၢ်ကီးဒီးစုက၀ဲၤတဖၣ်အဂ့ၢ်,  စုက၀ဲၤအကလုၥ်ကလုၥ်(၁၇)ခိၣ်ဒီးကျိချံပှၥ်သၣ်တဖၣ်စ့ၢ်ကီးပၥ်ဃုၥ်၀ဲအဂ့ၢ် စံး၀ဲန့ၣ်လီၤ.

ပှၤလၢဟဲနုၥ်လီၤဃုၥ်ဒီးစုက၀ဲၤတဖၣ်န့ၣ် တၢ်ပၥ်ပနီၣ်ဃၥ်အသိး တၢ်ကမၤလၤကပီၤအီၤအဂ့ၢ်  NUGစံး၀ဲန့ၣ်လီၤ.

ဖဲအပူၤကွံၥ် လါအီကၢးအပူၤစ့ၢ်ကီး သုးကီၣ်ကးသုးခိၣ်ဒိၣ်ဂီၢ်ဂ့ၢ် သၢဂၤပၥ်ဃုၥ် လီၢ်လၤအိၣ်ဒီးသုးဖိ(၄၁)ဂၤ ဟဲနုၥ်လီၤတၢ်လၢ CDMအဂ့ၢ် NUGထုးထီၣ်ပၥ်ဖျါဃၥ်၀ဲန့ၣ်လီၤ.

သုးဟံးန့ၢ်ဆူၣ်ထံကီၢ်တၢ်စိတၢ်ကမီၤ၀ံၤအလီၢ်ခံ သုးကီၣ်ကးသုးဒီးပၢၤကီၢ်သုးခဲလၢၥ်ပၥ်ဖှိၣ် (၁)ကလးတခီဘျဲၣ်ဟဲနုၥ်လီၤလၢ CDMတၢ်ဟူးတၢ်ဂဲၤအပူၤအဂ့ၢ်  CDMတၢ်ဟူးတၢ်ဂဲၤကရၢတဖၣ်အကျါ ပၠံၣ်သူးယ့ၣ်ခွ့ၣ်ကရၢ တဲ၀ဲဆူလါယူၤအတီၢ်ပူၤအဂ့ၢ် တဲ၀ဲန့ၣ်လီၤ.

Ref:RFA