လါအီးကထိဘၢၣ်(၂၃)သီ,၂၀၂၄နံၣ်
ဆူၣ်ဒၣ်ပှၤပူထီၣ်တၢ်ဖိကရၢ Rapid Support Forces (RSF)လၢအဒုးလိၥ်သးဒီး ဆူၣ်ဒၣ်ပဒိၣ်အံၤ ခးကမၣ်လီၤတဲၥ်ကွံၥ် ရှၢးရှါကၣ်ကိၣ်ကဘီယူၤလၢ ဟဲခီယူၤ၀ဲဆူ ထံလီၢ်ကီၢ်ပူၤတၢ်ဒုးကဲထီၣ် ဆူၣ်ဒၣ်ထံကီၢ်မုၢ်နုၥ်တပၤ လၢမျိၥ်သၣ်ယူၢ်အဃိ ဘၣ်သံ၀ဲ ပှၤလၢဟဲဒိးပိၥ်ကဘီယူၤခဲလၢၥ်အဂ့ၢ်န့ၣ်လီၤ.
Ilyushin Il-76T ကဘီယူၤမ့ၢ်ရှၢးရှါထံကီၢ်ထုးထီၣ်အသိး ပှၤရှၢးရှါဖိဟဲဒိးပိၥ်ကဘီယူၤဘၣ်ဆၣ် မၤန့ၢ်တၢ်မၤလၢ ယူၣ်အ့ၣ်အံအဂီၢ်၀ံၤ ယူၣ်အ့ၣ်အံထံကီၢ်မ့ၢ် အဆီၣ်ထွဲမၤစၢၤ ဆူၣ်ဒၣ်ပှၤပူၤထီၣ်တၢ်ဖိကရၢ(RSF) စုက၀ဲၤတဖၣ်န့ၣ်လီၤ.
စးထီၣ်ယူၤ၀ဲလၢ ယူၣ်အ့ၣ်အံဒီးအၣ်ကၠၣ်ရဲး၀့ၢ်၀ံၤ မ့ၢ်စုက၀ဲၤတီၣ်ကဘီယူၤလၢ ကဟဲဆှၢစုက၀ဲၤဆူ ဆူၣ်ဒၣ်ပှၤပူထီၣ်တၢ်ဖိကရၢ(RSF)ဒီး တၢ်ခးဘၣ်အီၤကဘီယူၤအံၤလၢ အံၣ်ကၠံးထုးထီၣ် Antonovမျိၥ်သူၣ်ယူၢ်န့ၣ်လီၤ.
တၢ်မၤနီၣ်မၤဃါတၢ်ဂီၤတၢ်ဖီၣ်အပူၤ တၢ်ထံၣ်ဘၣ်လၢ ဆူၣ်ဒၣ်ပှၤပူၤထီၣ်တၢ်ဖိကရၢ အပှၤသုးဖိတဖၣ် သူၣ်ဖှံသးဖှံလၢကဘီယူၤဟးဂီၤအက့အခီအကျါ၀ံၤ ပှၤလၢဟဲဒိးပိၥ်ကဘီယူၤတဖၣ် မ့ၢ်ရှၢရှါပှၤအ့ၣ်ကၠ့ၣ်နံၣ်ယၣ်ဖိ(၂)ဂၤဒီး ပှၤလၢမၤန့ၢ်တၢ်လၢ ယူၣ်အ့ၣ်အံထံကီၢ်တဖၣ်န့ၣ်လီၤ.
ရှၢရှါထံကီၢ် မ့ၢ်အတီၣ်ဆါစုက၀ဲၤဆူ ဆူၣ်ဒၣ်ပဒိၣ်သုးမုၢ်ဒိၣ် ဒီး ဆူၣ်ဒၣ်ပှၤမၤပူထီၣ်တၢ်ဖိကရၢ (RSF) ခံကပၤလၢၤ၀ံၤ RSF ကရၢခးကမၣ်ဘၣ် ၀ံစိၥ်တီဆှၢကဘီယူၤတခိၣ်အဂ့ၢ်န့ၣ် တဲၣ်လံၣ်ကရၣ်ခၠၣ်နဲၣ်လၢ ဘၣ်ထွဲရှၢးရှါကလံၤကျိၤ(Aviatorshchina)အပူၤပၥ်ဖျါဃၣ်၀ဲန့ၣ်လီၤ.
Ref:Thesun
MKF-001
