လါအီးကထိဘၢၣ်(၁၈)သီ,၂၀၂၄နံၣ်
ပှၤလၢဟဲနုၥ်လီၤလၢ ကီၢ်ကၠီၣ်တဲၣ်ပူၤလၢ တၢ်ဟးကသုၣ်ဘံၣ်စၣ် PVတဖၣ် ၀့ၢ်ကံၢ်မဲ(လ၀က)ကးတံၥ်ကွံၥ် တၢ်ဆၢကတီၢ်ယံၤဘံၣ်စၣ်(long stay visa)တၢ်ပျဲအဃိ ကီၢ်ပယီၤပှၤသးစၢ်တဖၣ်လၢ ကလဲၤဆူကီၢ်ချၢလၢခိကျဲတဖၣ် ဘၣ်ကွၢ်ဆၢၣ်မဲၥ်ဘၣ်တၢ်ဂ့ၢ်ကီန့ၣ်လီၤ.
ကၠီၣ်တဲၣ်ပဒိၣ်တခီ တဘိးဘၣ်ရၤလီၤဃၣ် ကျဲသနူတၢ်ဆီတလဲအံၤ လီၤတံၢ်လီၤဆဲးဘၣ်ဆၣ် မ့မ့ၢ်လၢ၀့ၢ်ကံၢ်မဲန့ၣ် တၢ်ဆီတလဲဘံၣ်စၣ်တန့ၢ်လၢၤဘၣ်အဂ့ၢ် အ့ၣ်ကၠ့ၣ်စံၣ်လၢ အဟ့ၣ် services တခါစံး၀ဲန့ၣ်လီၤ.
မ့မ့ၢ်လၢ ၀့ၢ်ကံၢ်မဲတခီ ဘၣ်ထွဲဒီးဘံၣ်စၣ်လၢယံၤထၢတဖၣ် တၢ်တဆီတလဲန့ၢ်အီၤနီတခါလၢၤဘၣ်န့ၣ်လီၤ.
ကီၢ်ကၠီၣ်တဲၣ်တပၤ ကးတံၥ်ကွံၥ် တၢ်ဆီတလဲဘံၣ်စၣ်ယံၤထၢတၢ်ပျဲအဃိ ပှၤကီၢ်ပယီၤဖိလၢဟဲတုၤလၢ တၢ်ဟးကသုၣ်ဘံၣ်စၣ် PVတဖၣ်တၢ်ကီတၢ်ခဲဘၣ်အီၤအသိး ပှၤသးစၢ်လၢတဖၣ်လၢ ကဟဲနုၥ်လီၤလၢ ခိကျဲတဖၣ်အဂီၢ် ကီခဲ၀ဲအဂ့ၢ် ပှၤကီၢ်ပယီၤဖိလၢ ဟဲတုၤအိၣ်ဖဲ၀့ၢ်ကံၢ်မဲ ဒီး အိၣ်ခိးကဆီတလဲဘံၣ်စၣ်ယံၤထၢတဂၤ စံး၀ဲန့ၣ်လီၤ.
တၢ်မၤဃံးထီၣ် ပှၤကီၢ်ပယီၤဖိလၢဟဲနုၥ်လီၤတဖၣ်အဖီခိၣ်ဒ်သိးအံၤန့ၣ် ကီခဲဒိၣ်ထီၣ်စ့ၢ်ကီး ပှၤလၢဟဲနုၥ်လီၤအိၣ်ဆိးလၢတဖိးသဲစးတဖၣ်အဂီၢ်အဂ့ၢ် ပှၤလၢမၤစၢၤ ခီကီၢ်ဂ့ၢ်၀ီတဖၣ်စံး၀ဲန့ၣ်လီၤ.
လါယူၤလံၤလံၤန့ၣ် သုးကီၣ်ကးတပၤစ့ၢ်ကီး မၤဃံးထီၣ်ပှၤသးလၢတဖၣ်လၢ ကဟးထီၣ်လၢ ကီၢ်ချၢၣ်တဖၣ်အဂီၢ်န့ၣ်လီၤ.
ဘၣ်ယိၣ်လၢ တၢ်ဂုၥ်ကျဲးစၢးလဲၤဖံးလဲၤမၤတၢ်ဒီး တၢ်ဟးကသုၣ်ဘံၣ်စၣ် PVအဃိ တၢ်တြီကးတံၥ်အီၤလၢ ကဘီယူၤသန့တဖၣ်၀ံၤ တၢ်ကမၤဘၣ်၀ဲ PJ ဖးစပိးဒီး ကီၢ်ချၢပှၤမၤတၢ်ဖိ လံၥ်အုၣ်သးကး(OWIC)စ့ၢ်ကီး ဘိးဘၣ်ရၤလီၤဃၣ်၀ဲ (၂)ဘျီဃၣ်ဃၣ်န့ၣ်လီၤ.
Ref: DVB
