လါအီးကထိဘၢၣ်(၁၈)သီ,၂၀၂၄နံၣ်
လါအီးကထိဘၢၣ်အတီၢ်ပူၤ သုးကီၣ်ကးလဲၤခးလီၤတၢ်ဖဲ မကွ့ကီၢ်ခီ,ကးကီၣ်ကီၢ်ရ့ၣ်, ယီဟီၣ်က၀ီၤပူၤ(၈)ဘျီအဃိ လီၢ်က၀ီၤကမျၢၢ်ဘၣ်သံ၀ဲ(၁၀)ဂၤ ဒီး ဘၣ်ဒိ၀ဲ(၃၀)ဘျဲၣ်အဂ့ၢ် ယီလီၢ်က၀ီၤကမျၢၢ်တၢ်ဒီသဒၢသုး(YPDF) ထုးထီၣ်ပၥ်ဖျါဃၣ်၀ဲဖဲ လါအီးကထိဘၢၣ်(၁၇)သီအနံၤန့ၣ်လီၤ.
ဖဲအပူၤကွံၥ် လါအီးကထိဘၢၣ်(၁၄)သီအနံၤ သုးကီၣ်ကးကဘီယူၤဒုးသုး(၂)ခိၣ် လဲၤတ့ၢ်လီၤမ့ၣ်ပိၢ်ဒီးရီးကဲးတဖၣ် (၄)ဘျီအဃိ ယီလီၢ်က၀ီၤကမျၢၢ်တၢ်ဒီသဒၢသုးဖိ ဘၣ်ဒိ၀ဲ(၂)ဂၤအဂ့ၢ် ပၥ်ဖျါဃၣ်၀ဲန့ၣ်လီၤ.
ဒီးတကးဘၣ် တၢ်လဲၤခးလီၤတၢ်အပူၤ ကမျၢၢ်ဘၣ်ဒိ(၉)ဂၤ၀ံၤ ဟံၣ်ဃီဘၣ်ဟးဂီၤကွံၥ်၀ဲ(၂၀)ဘျဲၣ်အသိး ဆၣ်ဖိကီၢ်ဖိတဖၣ်စ့ၢ်ကီး ဘၣ်ဟးဂုၤဟးဂီၤကွံၥ်၀ဲအဂ့ၢ် စံး၀ဲန့ၣ်လီၤ.
ယီလီၢ်က၀ီၤပူၤ တၢ်ဒုးကဲထီၣ်သးတအိၣ်ဘၣ်ဒီး သုးကီၣ်ကးပညိၣ်လီၢ်က၀ီၤကမျၢၢ်တဖၣ်ဒီး လဲၤဒုးတၢ်လၢကလံၤကျါကိးမုၢ်နံၤအဃိ သုးကီၣ်ကးမၤကမၣ်သုးကွီၢ်မ့ၣ်တဖၣ်တကးဘၣ် မၤကမၣ်စ့ၢ်ကီး တၢ်မၤသံလီၤတုၥ်ပှၤကညီစၢၤသွဲၣ်တဖၣ်အဂ့ၢ် ယီလီၢ်က၀ီၤကမျၢၢ်တၢ်ဒီသဒၢသုးထုးထီၣ်ပၥ်ဖျါဃၣ်၀ဲန့ၣ်လီၤ.
တၢ်ထီဒါပၢၢ်ဆၢသုးကီၣ်ကးအပူၤ ကမျၢၢ်တဖၣ်ကပၥ်ဖှိၣ်မၤသကိးတၢ်အဂီၢ် ဒီး တၢ်သုတမၤသုးကီၣ်ကးအပှၤဟ့ၣ်တၢ်ကစီၣ်ဖိတဖၣ်အဂီၢ် YPDFဃ့သကွံၥ်ကညးဃၣ်၀ဲန့ၣ်လီၤ.
Ref: RFA
