လါအီးကထိဘၢၣ်(၁၀)သီ,၂၀၂၄နံၣ်
PDFသုးပၥ်ဖှိၣ်တဖၣ် ထီၣ်ဒုး၀ဲ ၀့ၢ်ပ့ၣ်လဲၣ်ဘူလၢအိၣ်ဖဲ စကဲကီၢ်ခီ, ထးခိၣ်တပၤအံၤလၢ (၅၃)သီအတီၢ်ပူၤ၀ံအလီၢ်ခံ ပၢဆှၢန့ၢ်၀ဲ ဒီတ၀့ၢ်လံအဂ့ၢ် စကဲကီၢ်ခီ ပကဖ ဘိးဘၣ်ရၤလီၤဃၣ် တၢ်ကစီၣ်ဖဲမဟါအနံၤန့ၣ်လီၤ.
လါအီးကထိဘၢၣ်(၇)သီအနံၤန့ၣ် ပၢၤကီၢ်သုးဒီးသုးလၢဟဲမၤပှဲၤအါထီၣ်ဂံၢ်ဘါတဖၣ် ဟဲပၥ်စုက၀ဲၤအဃိ လါအီးကထိဘၢၣ်(၈)သီအနံၤ, ဂီၤအဆၢကတီၢ် တၢ်ပၢဆှၢန့ၢ်၀ဲ ၀့ၢ်ဒီတ၀့ၢ်လီၤအဂ့ၢ် ပၥ်ဖျါဃၣ်၀ဲန့ၣ်လီၤ.
နီၣ်ဂံၢ်(၁) သုးဟီၣ်က၀ီၤအစုတီၤဖီလၥ် PDFသုးရ့ၣ်တဖၣ်ပၥ်ဖှိၣ်ဒုးတၢ်ဒုးအပူၤ သုးကီၣ်ကးတပၤ ဟဲတ့ၢ်လီၤမ့ၣ်ပိၢ်(၃၀၀)ဘျဲၣ်လၢကဘီယူၤအဂ့ၢ် ဒီး တုၤခဲအံၤဒၣ်လဲၣ် ဟဲဒုးတၢ်လၢကလံၤကျါအဖၢမုၢ်ဒံးန့ၣ်လီၤ.
တၢ်မၤန့ၢ် စုက၀ဲၤ(၄၀၀)ဘျဲၣ်၀ံၤ တၢ်ဖီၣ်န့ၢ်စ့ၢ်ကီး သုးကီၣ်ကးအသုးအါအါဂီၢ်ဂီၢ်အသိး သုးကီၣ်ကးအသုးလၢ ဟဲပၥ်လီၤစုက၀ဲၤတဖၣ်စ့ၢ်ကီးအိၣ်၀ဲအဂ့ၢ် ပၥ်ဖျါဃၣ်၀ဲန့ၣ်လီၤ. ခံခီခံကပၤ တၢ်ဘၣ်ဒိဘၣ်ထံးဒီး တၢ်သံတၢ်ပှၢ်တခီ ထုးထီၣ်ပၥ်ဖျါဃၣ်၀ဲ တအိၣ်ဘၣ်.
ဖဲအပူၤကွံၥ် ၂၀၂၃နံၣ်, လါနိၣ်၀့ဘၢၣ်စ့ၢ်ကီး KIA/PDFတဖၣ် ထီၣ်ဒုးမၤန့ၢ်၀ဲ ၀့ၢ်ပ့ၣ်လဲၣ်ဘူ အဆိကတၢၢ်တဘျီဒံးန့ၣ်လီၤ. ထီၣ်ဒုးမၤန့ၢ်၀ံအလီၢ်ခံ သုးကီၣ်ကးဟဲဒုးကဒါက့ၤအဃိ ဘၣ်ဂုၤက့ၤအခံ၀ံၤ ခဲအံၤန့ၣ် မ့ၢ်တၢ်ထီၣ်ဒုးမၤန့ၢ် ခံ၀ီတ၀ီန့ၣ်လီၤ.
