လါအီးကထိဘၢၣ်(၄)သီ,၂၀၂၄နံၣ်
ကီၫ်ပယီၤဂ့ၫ်၀ီအဂီၫ် ထံဂုၤကီၫ်ဂၤပတီၫ်ထီမီၫ်သီတၫ်အိၣ်ဖှိၣ်တတီၤ တၫ်ကမၤ၀ဲဖဲကီၫ်အ့ၣ်ဒိၣ်နံရှါ,၀့ၫ်ကၠၣ်ကၣ်တၣ် ဖဲတနံၤအံၤတုၤခဲမုၫ်ဆ့ၣ်အဂ့ၫ် ပတီၫ်ထီမီၫ်သီတဂၤတဲ၀ဲလီၤ.
တၫ်တၢၣ်ပီၣ်တဲသကိးအပူၤ ဘီမုၫ်စၢဖှိၣ်ကရၢ,အံယူၣ်စၢဖှိၣ်ကရၢ,အၣ်စံၣ်ယၣ်ဒီးအ့ၣ်ဒိၣ်နံရှါခၢၣ်စးတဖၣ် တကးဘၣ် ကီၫ်ပယီၤတၫ်ပၢၫ်ဆၢဂံၫ်ဘါကရၢတဖၣ်ပာ်ဃုာ်ဘၣ်ဆၣ် သုးကီၣ်ကးအခၢၣ်စးတခီကပာ်ဃုာ်၀ဲန့ၣ် တမုၫ်လၫ်ဃာ်၀ဲဘၣ်အဂ့ၫ် မီၫ်သီ၀ဲန့ၣ်တဲ၀ဲလီၤ.လၢကီၫ်လၣ်အိၣ် လါအီးကထိဘၢၣ်(၆)သီတုၤ(၁၁)သီ တချူးတၫ်ကမၤ၀ဲ အၣ်စံၣ်ယၣ် တၫ်အိၣ်ဖှိၣ်အကတီၫ် ဘၣ်တၫ်မၤ၀ဲလီၤ.
ကီၫ်ပယီၤဂ့ၫ်၀ီလၢ သုးဟံးန့ၫ်ဆူၣ်ထံကီၫ်တၫ်စိတၫ်ကမီၤအံၤ ကဘၣ်လိာ်ဖိးဒ့အဂီၫ် အၣ်စံၣ်ယၣ်တီခိၣ်ရိၣ်မဲ၀ဲ၀ံၤ လၢမီၫ်သီအကျိၤအကျဲတကပၤ ဂုၫ်ကျဲးစၢး၀ဲအဘျီတဖၣ်အဘျီဘၣ်ဆၣ် တၫ်လဲၤထီၣ်လဲၤထီအိၣ်ဒၣ်ထဲတဆံးတက့ၫ်လီၤအဂ့ၫ် တဲ၀ဲလီၤ.တၫ်အဃိ သုးကီၣ်ကးခိၣ်နၫ်တကပၤ တၫ်ကလဲၤထီၣ် အၣ်စံၣ်ယၣ်တၫ်အိၣ်ဖှိၣ်အဂီၫ် တၫ်တြီဃာ်၀ဲလီၤ.
အပူၤကွံာ်တၫ်တၢၣ်ပီၣ်တဲသကိးအပူၤ ကီၫ်အ့ၣ်ဒိၣ်နံရှါ,မလ့ရှါဒီးဖံးလံးဖံတဖၣ် တဲတ့ၫ်ဃာ်၀ဲလၢ တၫ်ကဟံးန့ၫ်ဂ့ၫ်၀ီ လၢသုးဟံးန့ၫ်ဆူၣ် ထံကီၫ်တၫ်စိတၫ်ကမီၤအဖီခိၣ်တုၤလီၤတီၤလီၤအဂီၫ်ဘၣ်ဆၣ် မ့မ့ၫ်ကီၫ်ကၠီၣ်တဲၣ်တခီ အိၣ်ဒီးတၫ်ရ့ လိာ်ဘၣ်ထွဲဒီးသုးကီၣ်ကးခိၣ်နၫ်တဖၣ်အဘၢၣ်စၢၤန့ၣ်လီၤ.
Ref: RFA
