လါအီးကထိဘၢၣ်(၃)သီ,၂၀၂၄နံၣ်
ဖဲလါအီးကထိဘၢၣ်(၁)သီနံၤ တၫ်ထၢဖးဖီမုၫ်စရီလၢထံကီၫ်ဒီတဘ့ၣ်အပူၤ၀ံၤ ပှၤသုးလီၫ်သုးကျဲပာ်ဃုာ် ဟိၣ်ထဲဒီးတၫ်အိၣ်ကသုၣ်ဒၢးအပူၤဒၣ်လဲၣ် တၫ်ကထၢဖးဖီမုၫ်စရီအဂ့ၫ် တၫ်သ့ၣ်ညါဘၣ်လၢ ပှၤလၢအိၣ်ဘူးဒီးပှၤလူၤထၢဖးဖီမုၫ်စရီဒီးပၢပြးတဖၣ်အိၣ်န့ၣ်လီၤ.
“နဲၣ်လီၤပှၤလၢပကဘၣ်လူၤထၢ ဖးဖီမုၫ်စရီ လၢတၫ်လီၫ်ကိးတီၤဒဲးလီၤ.လီၤဆီဒၣ်တၫ်ပှၤလၢသုးလီၫ်သုးကျဲတဖၣ် တၫ်ထၢဆိအ၀ဲသ့ၣ်န့ၣ်လီၤ.ပှၤအိၣ်အါအလီၫ်ဒ်သိးဒီးသိလ့ၣ်ဒီးလ့ၣ်မ့ၣ်အူသန့တၫ်လီၫ်တဖၣ် လူၤထၢ၀ဲလီၤ.ထီၣ်တ ဟံၣ်လီၤတဟံၣ် ကလူၤထၢ၀ဲအိၣ်အဂ့ၫ်”သ၀ီသးပှၫ်တဂၤတဲ၀ဲလီၤ.
ထံကီၫ်ဒီတဘ့ၣ် တၫ်ထၢဖးဖီမုၫ်စရီန့ၣ် တၫ်စးထီၣ်ထၢ၀ဲ ဖဲလါအီးကထိဘၢၣ်(၁)နံၤတုၤ(၁၅)သီနံၤ၀ံၤ ထံကီၫ်ဒီတဘ့ၣ် ပှၤနီၫ်ဂံၫ်ဒီးဟံၣ်ဃီနီၫ်ဂံၫ်နီၫ်ဒွးတၫ်ဂ့ၫ်တၫ်ကျိၤတဖၣ် တၫ်ကလူၤထၢ၀ဲအဂ့ၫ် သုးကီၣ်ကးတကပၤဘိးဘၣ်ရၤလီၤ၀ဲလီၤ.
ဖဲတၫ်ထၢဖးဖီမုၫ်စရီအကတီၫ် ဘၣ်ထွဲဒီးတၫ်န့ၫ်ပၢတဖၣ်န့ၣ် တၫ်ထၢခိသွဲ,တၫ်ဟံးန့ၫ်ဂ့ၫ်၀ီတဖၣ် တမ့ၫ်ကမၤ၀ဲဘၣ်အဂ့ၫ် သုးကီၣ်ကးတၫ်ဘိးဘၣ်ရၤလီၤပူၤ ပာ်ဖျါ၀ဲလီၤ.ကီၫ်ပယီၤပူၤ တၫ်စးထီၣ်ထၢဖးဖီမုၫ်စရီဖဲ(၁၈၇၂)နံၣ်၀ံၤ ညီနုၫ်အနံၣ်(၁၀)တဘျီတၫ်ထၢ၀ဲလီၤ.
ပှၤလၢကလူၤထၢစရီတဖၣ် ကလူၤထၢ၀ဲဖဲဂီၤ(၇)နၣ်ရံၣ်တုၤဟါ(၆)နၣ်ရံၣ် လၢဟံၣ်တဖၣ်အသိး ဟံၣ်လၢတၫ်ကလဲၤ ထၢဖးဖီမုၫ်စရီန့ၣ် တၫ်ကဟ့ၣ်ဒုးသ့ၣ်ညါဆိအ၀ဲသ့ၣ်အဂ့ၫ် သုးကီၣ်ကးဟ့ၣ်ဒုးသ့ၣ်ညါ ဘိးဘၣ်ရၤလီၤဃာ်၀ဲလီၤ.
Ref: VOM
