လါစဲးပထ့ဘၢၣ်(၁၉)သီ,၂၀၂၄နံၣ်
ကီၫ်လဘနိၣ်အပူၤ တၫ်ဆဲးကျိးကဟၣ်လၢတအိၣ်ဒီးအပျံၤ ပ့ၣ်ကၠၣ်(ပေဂျာ)တဖၣ် ပိၫ်ဖးထီၣ်တကတီၫ်ဃီအဃိ ပှၤဘၣ်သံ(၉)ဂၤဒီး ဘၣ်ဒိဘၣ်ထံး(၃၀၀၀)ဂၤဃၣ်ဃၣ်၀ံၤ တၫ်အံၤ မ့ၫ်အံၣ်စရ့အတၫ်မၤလီၤအဂ့ၫ် လဘနိၣ်ပှၤဘၣ်မူဘၣ်ဒါတဖၣ်တဲ၀ဲလီၤ.
လၢကတီၫ်အံၤ ပှၤဘၣ်ဒိတဖၣ် တၫ်ဆှၢအီၤဆူ တၫ်ဆါဟံၣ်၀ံၤ ပှၤဘၣ်ဒိအကျါ ပှၤ(၂၀၀)ဂၤအိၣ်လၢသးသမူ တၫ်လီၤဘၣ်ယိၣ်အပူၤန့ၣ်လီၤ.
အံၣ်စရ့အမိၤရှ့ပ့ၫ်ဆှါတဖၣ် ဖဲတချူးမၤပိၫ်ဖးထီၣ်ဒံးတၫ်ဆဲးကျိးတၫ်ပီးတၫ်လီတဖၣ်အကတီၫ် အပူၤကွံာ်လၢလါတဖၣ်အပူၤထီထီၣ်ဃး တၫ်မၤပိၫ်ဖးတၫ်ပီးတၫ်လီတဖၣ်အဂ့ၫ် တၫ်ကစီၣ်ဟးထီၣ်၀ဲလီၤ.
အံၣ်စရ့တခီတၫ်ဂ့ၫ်အံၤအဖီခိၣ် တတဲခီၣ်ဆၢက့ၤ၀ဲနီတမံၤဒံးဘၣ်.ဘၣ်ဆၣ်ဟံးစဘိၣ်လၣ် လၢအိၣ်ဆီလီၤအသး ဖဲကီၫ်လဘနိၣ်အပူၤတခီ တၫ်ဒုး၀ဲအံၤအဂီၫ် ကမၤဆၢက့ၤအံၣ်စရ့အဂ့ၫ် တဲဃာ်၀ဲလီၤ.
ပ့ၣ်ကၠၣ်တဖၣ်န့ၣ် မ့ၫ်၀ဲထဲၣ်၀ၣ်တၫ်စဲပနီၣ်ဘၣ်ဆၣ် ထဲၣ်၀ၣ်ခီပနံၣ် ကိအပိၣ်လိၣ်တခီ ပာ်ဃုာ်လၢတၫ်ဂ့ၫ်၀ဲအံၤ တအိၣ်ဘၣ်အဂ့ၫ် ဂ့ၫ်လိာ်ဃာ်၀ဲ၀ံၤ ကဟၣ်တဖၣ်အံၤ တၫ်မၤလံာ်ဃံးဃာ်ဆါန့ၫ်၀ဲဆူ ဟၣ်က့ၣ်ရံၣ်ခီပနံၣ်တဖျၢၣ်အိၣ်အဂ့ၫ်တဲ၀ဲလီၤ.
ပှၤသ့ၣ်ညါနၫ်ပၢၫ် တၫ်စုက၀ဲၤတဂၤတဲ၀ဲလၢ ကဟၣ်တဖၣ်(စက်တွေ)အပူၤ ပတီၫ်ထီ တၫ်မၤပိၫ်ဖးတၫ်ပီးတၫ်လီ(၂၀)ကရၣ် ပာ်ဃုာ်၀ဲအဂ့ၫ် ပဲာ်ထံနီၤဖးတဲ၀ဲလီၤ.ကၣ်စၣ်တၫ်ဒုးစးထီၣ်အလီၫ်ခံ လၢတၫ်အိၣ်ဆၢထၢၣ်ဃုာ်ဒီးဟါမးအဂီၫ် ဟံးစဘိၣ်လၣ် လၢအိၣ်ဆီလီၤအသး ဖဲကီၫ်လဘနိၣ်တဖၣ် ဒုး၀ဲအံၣ်စရ့ကီၫ်ဆၢအဃိ ခံခီခံကပၤ တၫ်ဖ့ၣ်ဆၢတဖၣ် ဆူၣ်ထီၣ်၀ံၤ အံၣ်စရ့တခီတဲ၀ဲလၢ ကမၤဆူၣ်ထီၣ်တၫ်ဒုးလၢ ဟံးစဘိၣ်လၣ်အဖီခိၣ်န့ၣ်လီၤ.
Ref: VOM
