လါစဲးပထ့ဘၢၣ်(၁၂)သီ,၂၀၂၄နံၣ်
ဖဲလါစဲးပထ့ဘၢၣ်(၁၀)သီနံၤန့ၣ် ကညီကီၫ်စဲၣ်,၀့ၫ်ရၤမတံပူၤ သူမွဲကျိထံဒိၣ်ထီၣ်အဃိ ထံလုၫ်ဘၢတၫ်တုၤလၢဟံၣ်ခိၣ်ဒုးအိၣ်၀ဲအဂ့ၫ် တၫ်သ့ၣ်ညါဘၣ်လၢ လီၫ်က၀ီၤဖိတဖၣ်အိၣ်န့ၣ်လီၤ.
တၫ်အံၤမ့ၫ်ထံလုၫ်ဘၢတၫ်အအၢကတၢၫ် လၢအနံၣ်(၃၀)အတီၫ်ပူၤ၀ံၤ က၀ီၤဒ့လၢတၫ်လီၫ်လီၤဘံတဖၣ်တကးဘၣ် သိလ့ၣ်ကျဲဒၣ်လဲၣ် ထံထီၣ်ဘၢ၀ဲန့ၣ်လီၤ.ထံကျိထံန့ၣ် ဒိၣ်ထီၣ်အါန့ၫ်ဒံး ထံတၫ်ဘၣ်ယိၣ်တၫ်ပာ်ပနီၣ်လီၫ် (၈)ပျၫ်အဂ့ၫ် တၫ်သ့ၣ်ညါဘၣ်လီၤ.
“က၀ီၤဒ့နီၫ်ဂံၫ်-၁,၂ဒီး၅ လၢအိၣ်ဖဲသူမွဲကျိနံၤတဖၣ် ထံလုၫ်ဘၢ၀ဲလီၤ.ပှၤကွၫ်ဆၢၣ်မဲာ်ဘၣ်ထံတၫ်ဂ့ၫ်ကီ(၁၀၀၀)ဂၤဘျဲၣ် တၫ်သုးန့ၫ်အလီၫ်အကျဲလဲၤဒုးအိၣ်ဆိးအီၤ ဖဲသီခါဖၠၣ်ဒီး တၫ်သိၣ်လိကၠိတဖၣ်အဂ့ၫ်”ပှၤမၤစၢၤတၫ်ဖဲန့ၣ်တဂၤတဲ၀ဲလီၤ.
“လၢလါစဲးပထ့ဘၢၣ်(၁၀)သီနံၤလံၤလံၤ ထံဟဲထီၣ်န့ၣ်ချ့အဃိ က၀ီၤဒ့လၢဘူးဒီးထံကျိတဖၣ် တၫ်မၢသုးလီၫ်သုးကျဲ, လၢမုၫ်နၤခီ သုးအသးအိၣ်အသိး,ကမျၢၫ်လၢအိၣ်ဖဲတၫ်လီၫ်လၢတၫ်သုးလီၫ်သုးကျဲတန့ၫ်ဘၣ်တဖၣ် ကွၫ်ဆၢၣ်မဲာ်ဘၣ် ထံလုၫ်ဘၢတၫ်န့ၣ်လီၤ.သုးကီၣ်ကးအမူခိၣ်ကလံၤသီၣ်ဂီၤ၀ဲၤကျိၤစ့ၫ်ကီး တဲ၀ဲလၢထံကျိထံန့ၣ် ဒိၣ်ထီၣ်အါန့ၫ် ထံကျိထံ တၫ်ဘၣ်ယိၣ်တၫ်ပာ်ပနီၣ်လီၫ်(၈)ပျၫ်၀ံၤ ဒိၣ်ထီၣ်အါထီၣ်ကဒီးလၢခံ(၃)ပျၫ်သ့၀ဲအဂ့ၫ် ဖဲလါစဲးပထ့ဘၢၣ်(၁၁)သီနံၤန့ၣ် ဟ့ၣ်ပလီၫ်၀ဲအဂ့ၫ်”တဲ၀ဲန့ၣ်လီၤ.
မူခိၣ်စူၤတပယူာ်ဃီအဃိ သူမွဲကျိထံဟဲဒိၣ်ထီၣ်၀ံၤ တၫ်အံၤလၢအနံၣ်(၃၀)အတီၫ်ပူၤ မ့ၫ်ထံလုၫ်ဘၢတၫ်အအၢကတၢၫ်အဂ့ၫ် လီၫ်က၀ီၤဖိတဖၣ်တဲ၀ဲလီၤ.
Ref: မောင်း
