လါစပထ့ဘၢၣ်(၉)သီ,၂၀၂၄နံၣ်
ကျဲသနူလၢ ကိတိၥ်ခိၣ်ကျၢၢ်လီၢ်လံၤ ဆ့ၣ်ထၣ်ထ၀ံၣ်ဆ့ၣ်မၤတ့ၢ်၀ဲအသိး တၢ်ကမၤထွဲကဒီး၀ဲအဂ့ၢ် ပဒိၣ်ကရၢအသီ ကၠီၣ်တဲၣ်ကိတိၥ်ခိၣ်ကျၢၢ် ဖဲၣ်ထိၣ်ထၣ်ရှ့ၣ်နၣ်၀ဲး တဲလီၤ၀ဲဖဲ လါစပထ့ဘၢၣ်(၇)သီအနံၤန့ၣ်လီၤ.
အ၀ဲတဲကဒီး၀ဲလၢ တၢ်ပၥ်ပနီၣ်ဃၣ်၀ဲ တၢ်ကမၤဂ့ၤထီၣ် ထံကီၢ်မုၥ်ကျိၤ၀ဲၤကွၢ်အံၤလၢ အဆိတက့ၢ်တၢ်မၤအဂ့ၢ် န့ၣ်လီၤ.
တကးဘၣ်အ၀ဲကိးရဲၣ်ကျဲၤမၤ၀ဲ ပဒိၣ်ကရၢလီၤဆီတၢ်အိၣ်ဖှိၣ်လၢ ဘၣ်ထွဲဒီးတၢ်ကဘှီဘၣ်ကျဲသနူလၢတၢ်ကတီၣ်သြီနုၥ်တဖၣ်ဖဲ ဘျီၣ်ဒိၣ်တၢ်အိၣ်ဖှိၣ်လၢ တၢ်ကမၤအီၤဖဲ စပထ့ဘၢၣ်(၁၂)သီအနံၤဒီး(၁၃)သီအနံၤ(၂)သီအပူၤအဂီၢ်န့ၣ်လီၤ.
ကိတိၥ်ခိၣ်ကျၢၢ်လီၢ်လံၤဆ့ၣ်ထၣ်အံၤ ခီဖျိလၢအမၤကမၣ်ပှၤကညီသကဲၥ်ပ၀းအဃိ ကွီၢ်ဘျီၣ်ထုးထီၣ်ကွံၥ်အီၤလၢမူဒါလီၢ်လၤ၀ံၤအလီၢ်ခံ ဖဲအပူၤကွံၥ်အလါန့ၣ် ကၠီၣ်တဲၣ်ဘျီၣ်ဒိၣ်ထး က့ၤဃုထၢတီၣ်ထီၣ်က့ၤ ဖဲၣ်ထိၣ်ထၣ်လၢ ကိတိၥ်ခိၣ်ကျၢၢ်အသိးန့ၣ်လီၤ.
တၢ်ကဘှီဘၣ်က့ၤ ကျဲသနူတနီၤလီၤ ဒီး တၢ်ကမၤကဒီး၀ဲဒ် ပဒိၣ်လီၢ်လံၤအကျဲသနူတဖၣ်အသိးလီၤအဂ့ၢ် ဖဲၣ်ထိၣ်ထၣ် တဲကဒီး၀ဲန့ၣ်လီၤ.
တၢ်ဂ့ၢ်တဖၣ်လၢ တၢ်ကဘှါရှဲအီၤ ဒီး တၢ်ကမၤအီၤအကါဒိၣ်တဖၣ်အကျါ တၢ်ကဘှဲရှဲ ကျိၥ်စ့တၢ်ဂ့ၢ်ကီ, တၢ်ကဆီၣ်ထွဲ တၢ်မၤအဆံးဖိတဖၣ်တကးဘၣ်တၢ်ကမၤထီထီၣ်တၢ်သူၣ်တၢ်ဖျးဒီးတၢ်ဟးကသုၣ်တၢ်ဖံးတၢ်မၤတဖၣ်ပၥ်ဃုၥ်၀ဲအဂ့ၢ် ရဲးတၣ်တၢ်ကစီၣ်သန့ ပၥ်ဖျါဃၣ်၀ဲန့ၣ်လီၤ.
Source-Reuters
