လါစဲးပထ့ဘၢၣ်(၉)သီ,၂၀၂၄နံၣ်
ကလံၤမုၫ်ဆံးလၢကဲထီၣ် ဖဲဘ့ကလါပီၣ်လဲၣ်ပူၤ အူတၫ်အသဟီၣ်ဆူၣ်အဃိ ကီၫ်ပယီၤတၫ်လီၫ်တနီၤအပူၤ မူခိၣ်စူၤဒိၣ်သ့၀ံၤ အ့ၣ်ယၣ်၀တံၣ်တၫ်လီၫ်လီၤဘံဒီးရခၢၣ်ပီၣ်လဲၣ်နံၤဒီတကျိၤ ကလံၤမုၫ်ဆံးတဖၣ်အူတၫ်သ့၀ဲအဂ့ၫ် သုးကီၣ်ကးအမူခိၣ်ကလံၤသီၣ်ဂီၤ၀ဲၤကျိၤ ပာ်ဖျါ၀ဲဖဲတနံၤအံၤ လါစပထ့ဘၢၣ်(၉)သီနံၤန့ၣ်လီၤ.
တၫ်ဘိးဘၣ်ရၤလီၤအပူၤ ပာ်ဖျါဃၣ်၀ဲလၢမူခိၣ်စူၤဒိၣ်,ကလံၤအူ,ထံဒိၣ်ထီၣ်သတူာ်ကလာ်ဒီးဟီၣ်ခိၣ်လာ်, န့ဆၢၣ်တၫ်လီၤဘၣ်ယိၣ်တဖၣ် ကဲထီၣ်သ့အဃိ ပှၤအိၣ်လၢတၫ်လီၫ်ထီၣ်ထီ ကပလီၫ်သးလၢ ဟီၣ်ခိၣ်လာ်ဒီးပှၤအိၣ်ဘူးလၢ ထံကျိထံကွာ်တဖၣ် ကပလီၫ်ဘၣ်အသးလၢ ထံဒိၣ်နိယွၤအဂီၫ်န့ၣ်လီၤ.
ကီၫ်ပူၤကလံၤကျါတၫ်လဲၤထီၣ်က့ၤလီၤတဖၣ်,အ့ၣ်ယၣ်၀တံၣ်ဒီးရခၢၣ်ပီၣ်လဲၣ်နံၤဒီတကျိၤ ကဘီဖီၣ်ညၣ်တဖၣ်, ကဘီတဖၣ် ကပလီၫ်သးလၢ ကလံၤမုၫ်ဆံးအတၫ်ဘၣ်ယိၣ်အဂီၫ် ဟ့ၣ်ပလီၫ်ဃာ်၀ဲလီၤ.
ကလံၤမုၫ်ဆံးအသဟီၣ်အဃိ စးထီၣ်ဖဲတနံၤအံၤတုၤ လါစဲးပထ့ဘၢၣ်(၁၂)သီနံၤအတီၫ်ပူၤ စကဲ,မကွ့,ပကိ,၀့ၫ်တကူၣ်, အ့ၣ်ယၣ်၀တံၣ်,ခၠီဒီးရခၢၣ်ကီၫ်စဲၣ်တဖၣ်ပူၤ တၫ်ကစူၤပူၤတီၤပူၤတီၤ၀ံၤ တၫ်လီၫ်တနီၤ တၫ်စူၤဒိၣ်ဒီးထံဒိၣ်ဒီးကလံၤအူတၫ်တဖၣ် ကဲထီၣ်သ့န့ၣ်လီၤ.
အ့ၣ်ယၣ်၀တံၣ်တၫ်ပၢၤခိၣ်ဟီၣ်က၀ီၤဒီး ရခၢၣ်ပီၣ်လဲၣ်နံၤဒီတကျိၤ တဘျီတခီၣ် ကလံၤမုၫ်ဆံးအူတၫ်သ့၀ံၤ ဖဲအူတၫ်အကတီၫ် ၁နၣ်ရံၣ်န့ၣ်ကလံၤအသဟီၣ်အဆူၣ်ကတၢၫ်အိၣ်၀ဲ မံးလာ်(၄၀)သ့၀ံၤ လပီအကစီၤထီၣ်ထီ အိၣ်တုၤလၢ(၁၂)ပျၫ်သ့၀ဲအဂ့ၫ် မူခိၣ်ကလံၤသီၣ်ဂီၤ၀ဲၤကျိၤ ပာ်ဖျါဃာ်၀ဲလီၤ.
Ref: RFA
