လါအီကူး(၃၀)သီ, ၂၀၂၄နံၣ်
တလၢၤကီၢ်စဲၣ်, လၢၢ်ကတံၤကီၢ်ဆၣ်, ဃိၣ်သၢဖျၢၣ်ကျဲမုၢ်အဖီခိၣ် သုးကီၣ်ကးအသုးဒီး KNLAသုးပၥ်ဖှိၣ်အဘၢၣ်စၢၤ တၢ်ဒုးကဲထီၣ်သး၀ံၤ တၢ်ထံၣ်န့ၢ်၀ဲသုးကီၣ်ကးအသုးဖိအစိၣ်(၉)စိၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
လါအီကူး(၂၉)သီအနံၤ, လၢၢ်ကတံၤကီၢ်ဆၣ်, ဃိၣ်သၢဖျၢၣ်ကျဲမုၢ်ဖးဒိၣ်, အနါကွ့သုးကလၢၤအကပၤ ခိၣ်န၀ၣ်သ၀ီ(ခွန်နှစ်ဝါရွာ)ကျဲအနၢၤ KNLAသုးပၥ်ဖှိၣ်ဒီးသုးကီၣ်ကးအသုး (စကခ-၁၉)အစုတီၤဖီလၥ် (ခမရ-၅၈၃),(ခမရ-၅၈၇)အဘၢၣ်စၢၤ တၢ်ဒုးကဲထီၣ်သးအဂ့ၢ် တၢ်သ့ၣ်ညါဘၣ်န့ၣ်လီၤ.
လၢတၢ်ဒုးအပူၤ သုးကီၣ်ကးအသုးအဂံၢ်အဘါ(၉၀)ဘျဲၣ်အိၣ်သုးကျိၤအံၤ ဘၣ်ဒိသံ၀ဲအါအါဂီၢ်ဂီၢ်အဂ့ၢ်ဒီး တၢ်ဒုးအပူၤ သုးကီၣ်ကးတပၤ ဟဲခးစၢၤတၢ်လၢ Mi-35ကဘီယူၤတဖၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
တၢ်ဒုးကဲထီၣ်သး၀ံၤအလီၢ်ခံ တၢ်ပၢၢ်ဆၢသုးတဖၣ် မၤ၀ဲတၢ်ရှဲပျီဟီၣ်က၀ီၤအဆၢကတီၢ် တၢ်ထံၣ်န့ၢ်၀ဲသုးကီၣ်ကးအသုးဖိအစိၣ်(၉)စိၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
“သုးကီၣ်ကးဟဲခးစၢၤတၢ်လၢ Mi-35၀ံၤ မၤပူၤဖျဲးထီၣ်၀ဲအဃိလီၤ မ့တမ့ၢ် သုးကျိၤဒီတကျိၤသံ၀ဲသ့လီၤ. တၢ်ထံၣ်န့ၢ် အစိၣ်(၉)စိၣ်ဘၣ်ဆၣ် ပှၤအါအါဂီၢ်ဂီၢ်ဘၣ်ဒိ၀ဲလီၤ. ထၢန့ၢ်က့ၤအစိၣ်ပှဲၤစိၣ်လဲၣ်ဒုတသ့ၣ်ညါလီၤတံၢ်ဘၣ်.” အဂ့ၢ် တၢ်ပၢၢ်ဆၢသုးပၥ်ဖှိၣ် သိၣ်ဒူတဂၤစံး၀ဲန့ၣ်လီၤ.
Ref: Khit Thit
