လါအီကူး(၁၅)သီ,၂၀၂၄နံၣ်
တရူးထံဂုၤကီၫ်ဂၤကိတိာ် ၀ၣ်ယံးဒီးသုးကီၣ်ကးအခိၣ်မ့အီၣ်လဲၣ်အဘၢၣ်စၢၤ ကီၫ်ဆၢဟီၣ်က၀ီၤ ကအိၣ်ဂၢၫ်ဆိးကျၢၤအဂီၫ်,ဘၣ်ထွဲတၫ်ဃုထၢတၫ်ဂ့ၫ် ထံၣ်လိာ်တၢၣ်ပီၣ်တဲသကိးတၫ်၀ံၤ တရူးတခီတၫ်ဃုထၢအပူၤ ပှၤလၢဘၣ်ထွဲခဲလၢာ်ကပာ်ဃုာ်အဂီၫ် တဲဆီၣ်တခူထီၣ်၀ဲအဂ့ၫ် တၫ်ထုးထီၣ်ပာ်ဖျါတၣ်ကစီၣ်အဖီခိၣ် တၫ်သ့ၣ်ညါဘၣ်လီၤ.
ဖဲလါအီကူး(၁၄)သီနံၤ ပှၤလၢဟဲတုၤဆူ န့ၣ်ပၠံၣ်တီၣ်လၢအမ့ၫ် တရူးခီၣ်မၠူၣ်နံးပၣ်တံၣ် လီၫ်ခၢၣ်သးကမံးတံာ်, ထံရူၫ်ကီၫ်သဲးဘၠူၣ်ရိၣ်ကရၢဖိ(နိုင်ငံရေးဗျူရိုအဖွဲဝင်),ဘၣ်ထွဲထံဂုၤကီၫ်ဂၤလီၫ်ခၢၣ်သးခီၣ်မံးရှၢၣ်၀ဲၤဒၢးပှၤနဲၣ်တၫ်ဒီး ထံဂုၤကီၫ်ဂၤကိတိာ်၀ၣ်ယံးန့ၣ် မ့အီၣ်လဲၣ်တူၫ်လိာ်ဟံးစုကွၫ်မဲာ်၀ဲ၀ံၤ ထံၣ်လိာ်တၢၣ်ပီၣ်တဲသကိးတၫ် လီၤဆီအိၣ်၀ဲအဂ့ၫ်, တရူးကီၫ်တကပၤ တၫ်ဃုထၢလၢသုးကီၣ်ကးကမၤ၀ဲန့ၣ် ပှၤလၢဘၣ်ထွဲခဲလၢာ်ကပာ်ဃုာ်အဂီၫ် တဲဆီၣ်တခူ၀ဲအဂ့ၫ်တဲ၀ဲလီၤ.
သုးကီၣ်ကးန့ၣ် ဘၣ်ထွဲဒီးယိၤဒိၣ်ကီၫ်စဲၣ်ကလံၤစိးတကပၤ တၫ်အိၣ်သးတဖၣ် ပာ်ဖျါတၢၣ်ပီၣ်တဲသကိး၀ဲအကတီၫ် တရူးတခီသးလီ၀ဲလၢ ကီၫ်ဆၢဟီၣ်က၀ီၤ တၫ်အိၣ်ဂၢၫ်ဆိးကျၢၤအဂ့ၫ်,ကီၫ်ပယီၤတၫ်အိၣ်ဂၢၫ်ဆိးကျၢၤ ပာ်သူၣ်ပာ်သး၀ဲအဂ့ၫ်,ယိၤဒိၣ်ကီၫ်စဲၣ်ကလံၤစိးဟီၣ်က၀ီၤအပူၤEAOတဖၣ် အတၫ်ဘၣ်ထွဲဒီးတၫ်ကဲထီၣ်သးလၢ၀့ၫ်ပူၤတဖၣ် တရူး တကပၤထီဒါ၀ဲအဂ့ၫ် ထုးထီၣ်တဲဖျါ၀ဲလီၤ.
မ့အီၣ်လဲၣ်တခီ တဲ၀ဲလၢကအိၣ်ဆၢထၢၣ်ဒ် တရူးအတံၤသကိးလီၤစိၤအဂ့ၫ် ,ကမၤတၫ်ဃုထၢ၀ံၤ ကထၢဖးဖီမုၫ်စရီအဂ့ၫ် တဲ၀ဲဒီးတရူးတကပၤ ကမၤစၢၤအီၤလၢ တၫ်ထၢဖးဖီမုၫ်စရီအဂ့ၫ် တၫ်သ့ၣ်ညါဘၣ်လီၤ.
