လါအီကူး(၁၅)သီ,၂၀၂၄နံၣ်
ကၠီၣ်တဲၣ်ကိတိၥ်ခိၣ်ကျၢၢ် စရဲးထၣ်ထ၀ံၣ်ဆ့ၣ်(Srettha Thavisin)အံၤ ခီဖျိလၢမၤကမၣ်ထံကီၢ်တၢ်ဘျၢသဲစးခိၣ်သ့ၣ်အဂ့ၢ်ဖဲမဟ ါလါအီကူး(၁၄)သီအနံၤန့ၣ်တၢ်ဘျၢသဲစးခိၣ်သ့ၣ်၀ဲၤဒၢးဆဲတဲၥ်လီၤ၀ံၤအလီၢ်ခံ ဒုးဟးထီၣ်ကွံၥ်အီၤလီၢ်လၤန့ၣ်လီၤ.
လၢပဒိၣ်ကရၢအပူၤ တၢ်ဟ့ၣ်လီၤမူဒါလၢ ပီၢ်ရီလၢအလီၤဘူဃိၣ်ဒီး စံၣ်ညီကွီၢ်(၉)ဂၤအကျါ(၅)ဂၤလၢအလုၢ်အလၢ်တဂ့ၤတဖၣ် တၢ်ဟ့ၣ်လီၤမူဒါအဃိ တၢ်ဟ့ၣ်တၢ်ဖးတၢ်ဆဲတဲၥ်လီၤ၀ဲအဂ့ၢ် CNN ပၥ်ဖျါဃၣ်၀ဲန့ၣ်လီၤ.
တၢ်ဘျၢသဲစးခိၣ်သ့ၣ်၀ဲၤဒၢးအံၤ ထုးသံကွံၥ်စ့ၢ်ကီး အပူၤကွံၥ် တၢ်ဃုထၢအပူၤ Move Forwardပၣ်တံၣ်လၢ အမၤန့ၢ်ဘျီၣ်ဒိၣ်ခၢၣ်စးအအါကတၢၢ်၀ံၤ တၢ်ကးတံၥ်၀ဲစ့ၢ်ကီးပၣ်တံၣ်အခိၣ်လၢကဟူးဂဲၤထံရူၢ်ကီၢ်သဲးအခွဲးအနံၣ်(၁၀)၀ံၤအလီၢ်ခံ တနွံအတီၢ်ပူၤတၢ်ဆဲတဲၥ်လီၤ၀ဲဒ်အံၤန့ၣ်လီၤ.
တၢ်ကဘၣ်ဒုးအိၣ်ထီၣ်၀ဲ ပဒိၣ်အသီတဖု၀ံၤ ဖွ့ၣ်ထဲပၣ်တံၣ်တီခိၣ်ရိၣ်မဲ ပၣ်တံၣ်ဖှိၣ်အံၤ တၢ်ကဘၣ်တီၣ်ထီၣ်၀ဲ ကိတိၥ်ခိၣ်ကျၢၢ်ခၢၣ်စးအသီတဂၤန့ၣ်လီၤ.
ခါလၢကဟဲ မုၢ်ဖီဖးအနံၤန့ၣ် လၢပၣ်လံၣ်မၣ်အပူၤ တၢ်ကဟ့ၣ်တၢ်ဖးတၢ်ကဆဲတဲၥ်လီၤ ကိတိၥ်ခိၣ်ကျၢၢ်သီအဂ့ၢ် Srettha အပၢဆှၢရဲၣ်ကျဲၤခိၣ်ကျၢၢ် တဲလီၤ၀ဲအဂ့ၢ် ရဲၣ်တၣ်တၢ်ကစီၣ်ကွဲးဖျါဃၣ်၀ဲန့ၣ်လီၤ.
Srettha Thavisinအံၤ ဟံးန့ၢ်မူဒါဒ် ကိတိၥ်ခိၣ်ကျၢၢ်လီၢ်လၤ တချူးကပှဲၤထီၣ်တနံၣ်န့ၣ် ဘၣ်တၢ်ပျၢ်ကွံၥ်တၢ်စိတၢ်ကမီၤန့ၣ်လီၤ.
တၢ်ဘျၢသဲစးခိၣ်သ့ၣ်၀ဲၤဒၢးဆဲတဲၥ်လီၤ၀ံၤအလီၢ်ခံ တဲလီၤ၀ဲ”ပှၤထၢတၢ်ကစီၣ်ဖိတဖၣ်လၢ စရဲးထၣ်အံၤ ဂုၥ်ကျဲးစၢမၤတ့ၢ်၀ဲ ကိတိၥ်ခိၣ်ကျၢၢ်မူဒါ၀ံၤ တူၢ်လိၥ်၀ဲ”တၢ်စံၣ်ညီၣ်ဆဲတဲၥ်”အံၤအဂ့ၢ်န့ၣ်လီၤ.
ပဒိၣ်အသီတဖုလၢ ကကဲထီၣ်အံၤစ့ၢ်ကီး မ့ၢ်ကလူၤပိၥ်မၤထွဲ အ၀ဲသ့ၣ်သနူဧါ, တလူၤပိၥ်မၤထွဲဧါန့ၣ် တလီၤတံၢ်ဘၣ်အဂ့ၢ် တဲ၀ဲန့ၣ်လီၤ.
