လါအီကူး(၁၅)သီ,၂၀၂၄နံၣ်
ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ,ကီၫ်သူလ့ၤတၫ်ပၢဟီၣ်က၀ီၤ,လီၫ်ခၢၣ်သး၀ဲၤလီၫ်ခိၣ်သ့ၣ်အပူၤ ကညီတၫ်ဆီၣ်ထွဲမၤစၢၤသဲစးတၫ်ဘျၢကရၢ (KLAC)တီခိၣ်ရိၣ်မဲ ဘၣ်ထွဲ တၫ်ဒုးအိၣ်ထီၣ် သဲစးတၫ်ဘျၢတၫ်ဖံးတၫ်မၤ အမိၫ်လံၤမိၫ်ပှၫ်ဒီးတၫ်ဆီၣ်ထွဲမၤစၢၤကမျၢၫ်သဲစးတၫ်ဘျၢ, Community Legal Volunteer (CLV) တၫ်မၤဂ့ၤထီၣ်ကံၫ်စီတၫ်မၤလိန့ၣ် ဖဲ၂၀၂၄နံၣ်,လါယူၤလံ(၁၅)သီတုၤ(၃၁)သီလၢ(၁၇)သီအတီၫ်ပူၤ ဘၣ်တၫ်မၤ၀ံၤတ့ၫ်၀ဲဂ့ၤဂ့ၤဘၣ်ဘၣ်အဂ့ၢ် ခ့ၣ်အဲၣ်ယူၣ်-လီၢ်ခၢၣ်သး ပၥ်ဖျါဃၣ်၀ဲန့ၣ်လီၤ.
လၢတၫ်မၤလိအပူၤ တၫ်ဆီၣ်ထွဲမၤစၢၤကမျၢၫ်သဲစးတၫ်ဘျၢကရၢ(CLV)တကပၤ အ၀ဲသ့ၣ်အတၫ်ဖံးတၫ်မၤမူဒါတဖၣ် နၫ်ပၢၫ်၀ဲဒီးလၢတၫ်ဒုးအိၣ်ထီၣ် မူဒါတၫ်ဖံးတၫ်မၤ အမိၫ်လံၤမိၫ်ပှၫ်အပူၤ ကဒိးန့ၫ်ဘၣ်တၫ်သ့တၫ်ဘၣ်အဂီၫ်ဒီး တၫ်ဖံးတၫ်မၤတၫ်တိာ်ကျဲၤအပူၤ ကဘၣ်ပာ်ဃုာ်ဖဲလဲၣ်တကပၤလဲၣ်န့ၣ် သ့ၣ်ညါနၫ်ပၢၫ်၀ဲ၀ံၤ ကဒိးန့ၫ်တၫ်ခွဲးတၫ်ယာ်လၢ ကကွဲးလီၤ တၫ်ဖံးတၫ်မၤတၫ်ရဲၣ်တၫ်ကျဲၤဒ်သိးသိးအဂီၫ် တၫ်ပညိၣ်ဒီးအိးထီၣ်၀ဲအဂ့ၫ် ပှၤတီခိၣ်ရိၣ်မဲဒုးအိၣ်ထီၣ်တၫ် ပဒိၣ်စီၤပျိၫ်၀ါတဲလီၤ၀ဲ၀ံၤ ပှၤထီၣ်တၫ်မၤလိဖိ(၄၉)ဂၤ ထီၣ်တ့ၫ်ဘၣ်တၫ်မၤလိ၀ံၤဂ့ၤဂ့ၤအဂ့ၢ် တၢ်သ့ၣ်ညါဘၣ်န့ၣ်လီၤ.
တၫ်မၤလိအပူၤ တၫ်သိၣ်လိ၀ဲ ခ့ခါအဲအံၤ ထံရူၫ်ကီၫ်သဲးတၫ်အိၣ်သး,ပှၤဂ့ၫ်၀ီခွဲးယာ်,ARM SOP,ကီၫ်သူလ့ၤ ကွီၫ်မ့ၣ်သဲစးတၫ်ဘျၢဒီး တၫ်ဘှါဆှဲကီၫ်သူလ့ၤကွီၫ်မ့ၣ်သဲစးတၫ်ဘျၢ,
ကီၫ်သူလ့ၤတၫ်မူးတၫ်ရၤ သဲစးတၫ်ဘျၢ,ဘၣ်ထွဲတၫ်ဒီသဒၢ ပိာ်မုၣ်ဒီးဖိသၣ်ဆံး တၫ်ဘျၢအဆၢဒိၣ်တဖၣ်,GBV တၫ်အိၣ်သးဒီး တၫ်ဘျၢလၢဘၣ်ထွဲတဖၣ်,တၫ်အိးထီၣ်တၫ်မူးတၫ်ရၤဒီးဘၣ်ထွဲတၫ်ပာ်ဖျါထီၣ်တၫ်ဖံးတၫ်မၤ,(၁/၂၀၂၄)တၫ်ဒုးလီၤပှီၫ်ကွံာ် တၫ်မူၤတၫ်ဘှီး သဲစးတၫ်ဘျၢလီၤဆီ,ဘၣ်ထွဲတၫ်ကဲန့ၫ်ခၢၣ်စး သဲစးတၫ်ဘျၢလီၤဆီ,တၫ်ဘှါဆှဲ ဟီၣ်ခိၣ်ကပံာ်တၫ်ဂ့ၫ်ကီ,တၫ်တီတၫ်တြၫ် အရ့ဒိၣ်အဂ့ၫ်,Safety and securityတဖၣ် သိၣ်လိတ့ၫ်၀ဲအဂ့ၢ် ပၥ်ဖျါဃၣ်၀ဲလီၤ.
လၢတၫ်စံၣ်လီၤတၫ်မၤလိတဘျီ၀ဲအံၤ ခ့ၣ်အဲၣ်ယူၣ်-သဲစးတၫ်ဘျၢ၀ဲၤကျိၤ,၀ဲၤကျိၤခိၣ်ပဒိၣ်နီၫ်လွဲၫ်ထူစ့ ကတိၤစံးဘျူးစံးဖှိၣ်၀ဲဘၣ်ထွဲဒီး တၫ်မၤလိ၀ံၤ၀ဲဂ့ၤဂ့ၤဘၣ်ဘၣ်ဒီးတၫ်သိၣ်လိအပူၤ လံာ်လၢတၫ်သိၣ်လိတဖၣ် တၫ်ဒုးအိၣ်ထီၣ်အမိၫ် လံၤမိၫ်ပှၫ်ကန့ၫ်အဂီၫ် မုၫ်လၫ်၀ဲအဂ့ၫ် ကတိၤဟ့ၣ်ဂံၫ်ဟ့ၣ်ဘါ၀ဲ၀ံၤ လီၫ်ခၢၣ်သးစံၣ်ညီၣ်ကွီၫ်ခိၣ်ကျၢၫ် ပဒိၣ်နီၫ်မၠဲၣ်ဖိ တဲ ဆီၣ်တခူထီၣ်သးစၫ်တဖၣ် လၢသူၣ်ဆူၣ်သးဂဲၤလၢ သဲစးတၫ်ဘျၢတကပၤအဃိ သူၣ်ခုသးခုဘၣ်၀ဲအဂ့ၫ်န့ၣ်လီၤ.
