လါအီကူး(၁၄)သီ,၂၀၂၄နံၣ်
ကီၫ်အံၣ်ရၣ်,တံၣ်ဟံၣ်ရၣ်၀့ၫ်, ဟါမးအခိၣ် ဘၣ်တၫ်မၤသံအီၤတၫ်ဂ့ၫ်အဂီၫ် တၫ်သုတမၤဆၢကဒါက့ၤတဂ့ၤအမဲာ်ညါ တၫ်ကမၤ၀ဲသ့သ့ဘၣ်ဘၣ်အဂီၫ် ဖြ့ၣ်စ့ၣ်,ကၠၢမနံၣ်ဒီးအဲကလံးထံကီၫ်(၃)ဘ့ၣ်တၫ်ဃ့ထီၣ်န့ၣ် အံၣ်ရၣ်ဂ့ၫ်လိာ်၀ဲ၀ံၤ တဲ၀ဲလၢတၫ်အံၤလၢထံရူၫ်ကီၫ်သဲးတကပၤ တၫ်လီၤတံၫ်လီၤမံတအိၣ်ဘၣ်ဒီး မ့ၫ်တၫ်ဃ့ထီၣ်တဖၣ်လၢ တဘၣ်လိာ်ဖိးမံ ထံဂုၤကီၫ်ဂၤတၫ်ဘျၢတဖၣ်အဂ့ၫ်တဲ၀ဲလီၤ.
အံၣ်စရ့အတၫ်မၤကမၣ်တဖၣ်အဖီခိၣ် တၫ်ထီဒါတအိၣ်ဘၣ်အမဲာ်ညါ မၤကမၣ်အံၣ်ရၣ် ထံကီၫ်တၫ်စိတၫ်ကမီၤ၀ံၤ တၫ်သုတမၤဆၢတၫ်မၤအၢမၤသီတဖၣ်အဖီခိၣ် ယူရပၤထံကီၫ်(၃)ဘ့ၣ် အတၫ်ဃ့ထီၣ်အံၤ မ့ၫ်တၫ်လၢအသံးအကၣ်တအိၣ်ဘၣ်အဂ့ၫ် အံၣ်ရၣ်ထံဂုၤကီၫ်ဂၤ၀ဲၤကျိၤပှၤတဲတၫ်ပၢ Nasser Kanaaniတဲ၀ဲလီၤ.
ဖြၣ်စ့ၣ်,ကၠၢမနံၣ်,အဲကလံးတကပၤစ့ၫ်ကီး လၢကၣ်စၣ်ဟီၣ်က၀ီၤ တၫ်ဒုးဒီးအံၣ်စရ့လၢသးလီတၫ်ဒုးအံၤ တၫ်ကထီဒါအဂီၫ် Kanaaniဃ့ထီၣ်၀ဲလီၤ.
ဟါမးကရၢ ထံရူၫ်ကီၫ်သဲးခိၣ်နၫ် Ismail Haniyeန့ၣ် တၫ်မၤသံအီၤဖဲတံၣ်ဟံၣ်ရၣ်၀့ၫ်တၫ်ဂ့ၫ်အဖီခိၣ် အံၣ်ရၣ်န့ၣ် ခွဲးယာ်အိၣ်လၢကမၤဆၢက့ၤ အံၣ်စရ့အဂ့ၫ်,မၤဆၢ၀ဲဒ်န့ၣ်အဃိ ခါဆူညါ အံၣ်စရ့တကပၤမ့ၫ်ဟဲဒုးအီၤ အိၣ်ကတဲာ်ကတီၤသး၀ံၤလံန့ၣ် အံၣ်ရၣ်ကီၫ်ခိၣ်တဲဘၣ် အဲကလံးကိတိာ်ခိၣ်ကျၢၫ်အဂ့ၫ် အံၣ်ရၣ်ပဒိၣ်ပၢတၫ်ကစီၣ်သန့ IRNA ပာ်ဖျါ၀ဲလီၤ.
Ref: VOA
