လါအီကၢး(၇)သီ,၂၀၂၄နံၣ်
တၫ်ဒုးတအိၣ်ဘၣ်အမဲာ်ညါ ပညိၣ်ဃီၤကမျၢၫ်၀ံၤ သုးကီၣ်ကးလၢ ဟဲတ့ၫ်လီၤမ့ၣ်ပိၫ်လၢကလံၤကျါ မၤသံတၫ် ဒီးသုးကွီၫ်မ့ၣ်တၫ်မၤကမၣ်တဖၣ် တၫ်ကတြီဆၢန့ၫ်ဘၣ်အဂီၫ် ကလံၤစိးသိၣ်မှံၤ(၃)ဖု ဃ့ထီၣ်တရူး ဖဲလါအီကၢး(၆)သီနံၤန့ၣ်လီၤ.
၀့ၫ်,ဒူသ၀ီ,ကျး,တၫ်သိၣ်လိကၠိ ဒီး တၫ်ဆါဟံၣ်လၢတၫ်ဒုးကဲထီၣ်တအိၣ်, ကမျၢၫ်အိၣ်ဆိးတၫ်သူၣ်ထီၣ်တဖၣ် သုးကီၣ် ကးဟဲတ့ၫ်လီၤမ့ၣ်ပိၫ်လၢကလံၤကျါဒီး မၤသံမၤ၀ီ ထံဖိကီၫ်ဖိကမျၢၫ်တဖၣ် တၫ်ကပာ်ဖှိၣ်တြီဆၢသကိးအဂီၫ် ဃ့ထီၣ် ဃာ်၀ဲထံဂုၤကီၫ်ဂၤတဖၣ်စ့ၫ်ကီးအဂ့ၫ် ကွဲးဃာ်၀ဲလီၤ.
လၢကလံၤစိးသိၣ်မှံၤ(၃)ဖု ပၢဆှၢဃာ်, လီးကဲၣ်(လောက်ကိုင်),သ့ၣ်နံၣ်(သိန္နီ),ကိးခဲၣ်(ကွတ်ခိုင်),နးဆၣ် (နမ့်ဆန်)ဒီး မၠီးအူ(မြောက်ဦး) ကီၫ်ဆၣ်တဖၣ်အပူၤ ကျး,ကၠိ,တၫ်ဆါဟံၣ်ဒီး တၫ်ဘူၣ်တၫ်ဘါတၫ်သူၣ်ထီၣ်အလီၫ်လၢ ကမျၢၫ်လဲၤ ထီၣ်က့ၤလီၤအလီၫ်တဖၣ် တၫ်ဒုးကဲထီၣ်တအိၣ်ဘၣ်အမဲာ်ညါ ပညိၣ်ဃီၤကမျၢၫ် ဟဲတ့ၫ်လီၤမ့ၣ်ပိၫ်လၢကလံၤကျါ တဖၣ် မၤ၀ဲတပယူာ်ဃီအဂ့ၫ် ကွဲးဖျါ၀ဲလီၤ.
ယိၤဒိၣ်ကီၫ်စဲၣ်ကလံၤစိး, ပှၤတရူးဖိလၢအိၣ်ဖဲ၀့ၫ်လါရှိဒီးအကပိာ်ကပၤတဖၣ် ကသုးလီၫ်သုးကျဲအဂီၫ် ဘၣ်ထွဲကီၫ် ပယီၤ တရူးမီၫ်သီ၀ဲၤဒၢး ထုးထီၣ်ဘိးဘၣ်ရၤလီၤ၀ဲခီဖျိလၢ Wechatတဆီ ဖဲလါအီကၢး(၆)သီနံၤန့ၣ်လီၤ.
၁၀၂၇ ဒုးယၤတၫ်ရဲၣ်တၫ်ကျဲၤအလီၫ်ခံ ကလံၤကျါတၫ်ဟဲခးလီၤတၫ်တဖၣ် ဟဲအါထီၣ်(၂)ဆး၀ံၤ တချူးဒုးယၤတၫ်ရဲၣ် တၫ်ရဲၣ်တၫ်ကျဲၤစးထီၣ် ကလံၤကျါတၫ်ခးလီၤတၫ်အိၣ်၀ဲ(၂)ကထိဃၣ်ဃၣ်လီၤဘၣ်ဆၣ် ဒုးယၤတၫ်ရဲၣ်တၫ်ကျဲၤ အလီၫ်ခံ အိၣ်အါထီၣ်၀ဲအဘျီ(၃၈၀၀)ဃၣ်ဃၣ်အဂ့ၫ် ကရၢသဘျ့တဖုလၢအမ့ၫ် ဘၣ်ထွဲတၫ်ဃုသ့ၣ်ညါ ကီၫ်ပယီၤ တၫ်တိာ်ကူၣ်ကျဲၤဒီးတၢ်ဘျၢ အ့ၣ်စတံၣ်ကၠူး(ISP-Myanmar) ပာ်ဖျါ၀ဲဖဲလါအီကၢး(၅)သီနံၤန့ၣ်လီၤ.
