လၢ၀့ၢ်ရွ့ၣ်ကိကိၣ် တၢ်ကစီၣ်ဟူထီၣ်သါထီၣ်လၢ တံၣ်ဘံၣ်တၢ်ဆါတၢ်ဘၣ်ကူဘၣ်ဂၢ်၀ံၤ ဒ်သိးကမျၢၢ်တဖၣ်ကကွၢ်ထွဲလီၤသးဂ့ၤဂ့ၤအဂီၢ် မဲဆီးတၢ်ဆါဟံၣ်ဖးဒိၣ်ဆီၣ်တခူထီၣ်

လါယူၤလံ(၂၅)သီ, ၂၀၂၄နံၣ်

ကၠီၣ်တဲၣ်ပယီၤကီၢ်ဆၢ,လၢ၀့ၢ်ရွ့ၣ်ကိကိၣ်တံၣ်ဘံၣ်တၢ်ဆါတၢ်ဘၣ်ကူဘၣ်ဂၢ်၀ံၤတၢ်မၤလီၤတံၢ်အီၤတၢ်ကစီၣ်တန့ၢ်ဒံးဘၣ်ဆၣ် ကမျၢၢ်တဖၣ်ကကွၢ်ထွဲလီၤသးဂ့ၤဂ့ၤအဂီၢ် မဲးဆီးတၢ်ဆါဟံၣ်ဖးဒိၣ်ဆီၣ်တခူဃၣ်၀ဲန့ၣ်လီၤ.

၀့ၢ်ရွ့ၣ်ကိကိၣ်အပူၤ ပှၤနီၣ်ဂံၢ်(၁၀၀)ဂၤအံၤ ဘၣ်ထွဲတံၣ်ဘံၣ်တၢ်ဆါအဖီခိၣ် တၢ်သမံသမိးဒိကွၢ် ကွၢ်ဒိယဲၤဖျါ X-rayအပူၤ ပှၤ(၅၀)ဂၤန့ၣ် တၢ်ထံၣ်ဘၣ်၀ဲတၢ်ဆါအဃၣ်န့ၣ်လီၤ.

ဘၣ်ထွဲဒီးတံၣ်ဘံၣ်တၢ်ဆါတၢ်ဘၣ်ကူဘၣ်ဂၢ်အဖီခိၣ် ၀့ၢ်မဲဆီးကမျၢၢ်တၢ်အိၣ်ဆူၣ်အိၣ်ချ့၀ဲၤကျိၤအံၤ ကမျၢၢ်လၢအိၣ်ဆိးဖဲ ကီၢ်ဆၢဒီတကျိၤတဖၣ် ဒ်သိးကဒီသဒၢကးတံၥ်ဃၣ်နးဒ့အဂီၢ် တၢ်အိၣ်ဆူၣ်အိၣ်ချ့ပှၤဘၣ်မူဘၣ်ဒါတဖၣ် ဟ့ၣ်ကူဃၣ်၀ဲန့ၣ်လီၤ.

တၢ်ပနီၣ်လၢ ဘၣ်ထွဲဒီးတံၣ်ဘံၣ်တၢ်ဆါတဖၣ်မ့ၢ်၀ဲ ၂နွံဆူအဖီိခၣ် ကူး၀ဲ, နီၢ်ခိအတယၢၤစှၤလီၤ, လီၤဘှံးလီၤတီၤဒီးဂံၢ်ဘါတအိၣ်, ဆိက့ဆါဘီလၢအနံၤယံၤတဖၣ်ပၥ်ဃုၥ်၀ဲန့ၣ်လီၤ.

ကမျၢၢ်လၢအိၣ်ဆိးဖဲ ကီၢ်တဲၣ်-ပယီၤကီၢ်ဆၢ, ၀့ၢ်မဲးဆီးဟီၣ်က၀ီၤပူၤတဖၣ် တၢ်မ့ၢ်တူၢ်ဘၣ်တၢ်ပနီၣ်တဖၣ်လံန့ၣ် တၢ်ကလဲၤကူစါယါဘျါသးအဆိအချ့လၢ တၢ်ဆါဟံၣ်လၢအိၣ်ဘူးဒီးအီၤတဖၣ်အဂ့ၢ် မဲဆီးတၢ်ဆါဟံၣ်ဖးဒိၣ် ဟ့ၣ်ပလီၢ်ဒုးသ့ၣ်ညါဃၣ်၀ဲန့ၣ်လီၤ.