လါယူၤလံ(၂၅)သီ,၂၀၂၄နံၣ်
ကညီဒီကလုာ်စၢဖှိၣ်ကရၢ(KNU)ကရၢခိၣ်ခံလီၫ်လံၤ ပဒိၣ်နီၫ်စံၣ်ပိရၣ်စ့ၣ်န့ၣ် ဖဲလါယူၤလံ(၂၄)သီနံၤ,မုၫ်ဃ့ၫ်လီၤ (၂)နၣ်ရံၣ် အကတီၫ်န့ၣ် စူးကွံာ်အသးဖဲကၠီၣ်တဲၣ်-ကညီကီၫ်ဆၢတၫ်လီၫ်တတီၤန့ၣ်လီၤ.
ပဒိၣ်နီၫ်စံၣ်ပိရၣ်စ့ၣ်န့ၣ် ဟံးန့ၫ်မူဒါဒ်ကညီပိာ်မုၣ်ကရၢ(KWO)ကရၢခိၣ်တကးဘၣ်, ဒ်KNU နဲၣ်ရွဲၣ်သဃဲၤဒီးကရၢခိၣ်ခံ အသိးစ့ၫ်ကီး၀ံၤ မ့ၫ်ပိာ်မုၣ်ခိၣ်နၫ်တဂၤလၢ မံၤဟူသၣ်ဖျါန့ၣ်လီၤ.
ပှၤစူးကွံာ်အသး KNUကရၢခိၣ်လီၫ်လံၤ သုးခိၣ်ကျၢၫ်ဒိၣ်စိ စီၤတၫ်မျၫ်ဘီအဖိမုၣ် နီၫ်စံၣ်ပိရၣ်စ့ၣ်န့ၣ် ဘၣ်တၫ်အိၣ်ဖျဲၣ်ထီၣ်အီၤဖဲ(၁၉၅၅)နံၣ်,လၢကညီကီၫ်စဲၣ်ပူၤ၀ံၤ ဖဲစူးကွံာ်သးအကတီၫ် အသးနံၣ်အိၣ်(၆၉)နံၣ်န့ၣ်လီၤ.
ဒ်ကၠိသရၣ်မုၣ်အသိး မၤတ့ၫ်တၫ်တုၤလၢ ၁၉၉၅၀ံၤအလီၫ်ခံ ဟဲအိၣ်ကဒုလၢကၠီၣ်ကၠီၣ်တဲၣ်ပူၤလီၤ.
ဖဲ၁၉၈၈နံၣ် တုၤ ၂၀၀၈နံၣ် လၢကီၫ်ဆၢကညီပိာ်မုၣ်ဒီးဖိသၣ်တဖၣ်လၢတူၫ်ဘၣ် တၫ်ဒုးတၫ်ယၤတဖၣ်အဂီၫ် ကညီပိာ်မုၣ်ကရၢလၢ ဆီၣ်ထွဲမၤစၢၤတၫ်လၢ တၫ်ကူၣ်ဘၣ်ကူၣ်သ့,တၫ်အိၣ်ဆူၣ်အိၣ်ချ့အကတီၫ် ဟံးန့ၫ်မူဒါဒ်နဲၣ်ရွဲၣ်သဃဲၤတဂၤအသိးန့ၣ်လီၤ.
