လါယူၤလံ ၁၇သီ, ၂၀၂၄နံၣ
ရခၢၣ်ကီၫ်စဲၣ်, ကီၫ်ဆၣ်မီၣ်တီအပူၤ ရခၢၣ်သုးမုၫ်ဒိၣ်(AA)အတၫ်ထီၣ်ဒုးသဖိဃီၤအဃိ ဖဲလါယူၤလံ(၁)နံၤတုၤ(၁၄)သီအနံၤ ခံနွံအတီၫ်ပူၤ သုးကီၣ်ကးအသုးဖိ(၂၀၀)ဂၤဃၣ်ဃၣ် လဲၤဃ့ၫ်အိၣ်ကဒုလၢကီၫ်ဘ့ကလါဒ့းရှ်အပူၤအဂ့ၫ် ကီၫ်ဘ့ကလါဒ့းရှ်ဘၣ်မူဘၣ်ဒါတဖၣ်တဲ၀ဲလီၤ.
လါထီၣ်ဖဲလါယူၤလံထီၣ်သီ, ဟဲဃ့ၫ်ဃီၤဆူကီၫ်ဘ့ကလါဒ့းရှ်အပူၤ ကယီကယီဒီးအသုးဖိအိၣ်ထီၣ်၀ဲ(၁၃၀)ဂၤဘျဲၣ်၀ံၤ ဖဲလါယူၤလံ(၁၄)သီနံၤ,ဟါခီတခီ သုးကီၣ်ကးအသုးဖိ ဟဲဃ့ၫ်ဖျိးကဒီးအဂၤ(၆၀)အဂ့ၫ် တဲ၀ဲလီၤ.
ဖဲလါယူၤလံ(၁၄)သီအနံၤ သုးကီၣ်ကးအသုးဖိလၢဟဲဃ့ၫ်တဖၣ် ဘ့ကလါဒ့းရှ်သုးခိးပီၣ်လဲၣ်နံၤတဖၣ် ဂုၫ်ကျဲးစၢးနီဟးထီၣ်ကွံာ်အီၤဘၣ်ဆၣ် အလီၫ်ခံကတၢၫ်ဟ့ၣ်၀ဲတၫ်အိၣ်ကဒုခွဲးယာ်န့ၣ်အဂ့ၫ် ကီးဆဲးဘစါ(ကော့ဆက်ဘဇား) လီၫ်က၀ီၤဖိတဂၤတဲ၀ဲဒ်သိးအံၤန့ၣ်လီၤ.
“အဆိကတၢၫ် ဘ့ကလါပၢၤကီၫ်ခိးကီၫ်ဆၢတဖၣ် တဟ့ၣ်တၫ်ပျဲလၢ တၫ်အိၣ်ကဒုအဂီၫ်ဘၣ်.အလီၫ်ခံ Coast Guard သုးခိးပီၣ်လဲၣ်နံၤတဖၣ် ပၢဆှၢဃာ်၀ဲလီၤအဂ့ၫ် “တဲ၀ဲလီၤ.
ပှၤဟဲဃ့ၫ်ဖျိတဖၣ်အကျါ သုးကီၣ်ကးအသုးဖိ(၇၁)ဂၤ ဖဲလါယူၤ ခံနွံတနွံအပူၤန့ၣ် ဘ့ကလါဒ့းရှ်ဘၣ်မူဘၣ်ဒါတဖၣ် က့ၤဆှၢက့ၤ၀ဲဆူကီၫ်ပယီၤတကပၤအဂ့ၫ်ဒီးပှၤလၢ အိၣ်တ့ၫ်တဖၣ် အိၣ်ကဒုဒံးဒၣ် ဖဲကီၫ်ဘ့ကလါဒ့းရှ်အဂ့ၫ်တဲ၀ဲလီၤ.
ကီၫ်ပယီၤ,၀့ၫ်မီၣ်တီ(မောင်တောမြို့)တကပၤ ဖဲလါယူၤလံ(၁၄)သီနံၤ,မုၫ်ထူၣ်အကတီၫ် တၫ်ဒုးတၫ်ယၤအဃိ ကျိသီၣ်ကလုၫ်တဖၣ်,သီၣ်သထြုးဒီးကျိဖးဒိၣ်အကလုၫ်တဖၣ်၀ံၤ မ့ၣ်အူလုၫ်ဖးဒိၣ်တဖၣ်ဟဲထီၣ်န့ၣ် လၢဘ့ကလါဒ့းရှ်တကပၤထံၣ်၀ဲအဂ့ၫ် လီၫ်က၀ီၤဖိတဖၣ်တဲ၀ဲလီၤ.
ပယီၤ-ဘ့ကလါဒ့းရှ်ကီၫ်ဆၢအကပၤ သုးကီၣ်ကးအသုးဒီး ရခၢၣ်သုးမုၫ်ဒိၣ်(AA)တဖၣ်အဘၢၣ်စၢၤတၫ်ဒုးဆူၣ်ထီၣ်၀ံၤ သုးကီၣ်ကးအသုးဖိတဖၣ် ညီနုၫ်လဲၤဃ့ၫ်အိၣ်ကဒုဆူကီၫ်ဘ့ကလါဒ့းရှ်အပူၤတလီၫ်လီၫ်အဂ့ၫ် လီၫ်က၀ၤဖိတဖၣ် တဲ၀ဲ လီၤ.
Ref: RFA
