လါယူၤလံ ၁၆သီ, ၂၀၂၄နံၣ်
ယိၤဒိၣ်ကီၢ်စဲၣ်ကလံၤစိးတပၤ, တၢ်ကပတုၥ်တၢ်ခး(၄)သီအဂ့ၢ် ကိကးသုးမုၢ်ဒိၣ်(MNDAA)ဘိးဘၣ်ရၤလီၤဃၣ်၀ဲ ဘၣ်ဆၣ်တုၤလၢလါယူၤလံ(၁၅)သီအနံၤ, ခံခီခံကပၤတၢ်ခးလိၥ်သးတဖၣ်ဆဲးကဲထီၣ်အသးဖဲလါရှိ၀့ၢ်အကပၤအဂ့ၢ် လီၢ်က၀ီၤကမျၢၢ်တဖၣ်တဲ၀ဲန့ၣ်လီၤ.
သုးကီၣ်ကးအံၤ မဟါအနံၤမုၢ်ထူၣ်အဆၢကတီၢ် ခးစိကျိဖးဒိၣ်လၢ၀့ၢ်ပူၤသုးကလၢၤတဖၣ်အသိး ဟဲခးလီၤတၢ်လၢကလံၤကျါတဖၣ်အိၣ်၀ဲအဂ့ၢ် ၀့ၢ်လါရှိကမျၢၢ်ဖိတဂၤ တဲ၀ဲန့ၣ်လီၤ.
“လၢ၀့ၢ်ပူၤန့ၣ် ကအိၣ်တ့ၢ်ဒၣ်ထဲကမံၤလၤလီၤ. ကိကးသုးမုၢ်ဒိၣ်တဖၣ် ဟဲတုၤ၀ဲလံလၢ ကိမိသ၀ီဒီးနါခဲးသ၀ီအကပၤန့ၣ်လီၤ..လၢဂီၤစ့ၢ်ကီဒီး ခးဒံး၀ဲအဖၢမုၢ်န့ၣ်လီၤ. တၢ်ဒုးကဲထီၣ်သးလၢ၀့ၢ်ချၢန့ၣ်လီၤ. ဟဲခးလီၤတၢ်စ့ၢ်ကီးဒီးကဘီယူၤန့ၣ်လီၤ.”
ကိကးသုးမုၢ်ဒိၣ်(MNDAA)သုးပၥ်ဖှိၣ်တဖၣ်တခီ ဒ်သိးကတိဖျိလၢ၀့ၢ်ပူၤကန့ၢ်အဂီၢ် ဂုၥ်ကျဲးစၢး၀ဲ၀ံၤ သုးကီၣ်ကးတပၤစ့ၢ်ကီး ခီၣ်ဆၢဒုးက့ၤအီၤဆူၣ်ဆူၣ်ကလၢၥ်လီၤအဂ့ၢ် လီၢ်က၀ီၤကမျၢၢ်တဖၣ်တဲ၀ဲန့ၣ်လီၤ.သုးခိး၀့ၢ်တဖၣ်လၢအမ့ၢ် ခလရ (၆၈) ဒီး ခမရ (၅၀၇)သုးရ့ၣ်တဖၣ်အကပၤစ့ၢ်ကီး တၢ်ဒုးတဖၣ်ဆဲးကဲထီၣ်သး၀ဲအဂ့ၢ်စံး၀ဲန့ၣ်လီၤ.
MNDAA ဒီး TNLAတပၤတခီ ကီၢ်တရူးအတၢ်ဘၣ်ယိၣ်အဖီခိၣ် တၢ်ကပတုၥ်ဃၣ်တၢ်ခး(၄)သီဘၣ်ဆၣ် သုးကီၣ်ကးတပၤ မ့ၢ်ဟဲနုၥ်လီၤသုးကျိၤန့ၣ် တၢ်ကဒုးအီၤအဂ့ၢ် ဘိးဘၣ်ပၥ်ဖျါဃၣ်၀ဲဖဲ အလံၥ်ဘိးဘၣ်ပၥ်ဖျါအပူၤန့ၣ်လီၤ.
Ref : RFA
