လါယူၤလံ၁၂သီ, ၂၀၂၄နံၣ
ကခၠ့ၣ်ကီၫ်စဲၣ် ၀့ၫ်မၠံးကၠံနါထံလုၫ်ဘၢတၫ်အပူၤ လီၫ်က၀ီၤကမျၢၢၫ်ဘၣ်သံတစှၤန့ၣ် (၁၀)ဂၤအဂ့ၫ် တၫ်သ့ၣ်ညါဘယ်လၢ ပှၤတ၀ၢတၫ်မၤစၢၤကရၢလၢအိၣ်ဖဲလီၫ်က၀ီၤဖဲန့ၣ်တဖၣ် အိၣ်န့ၣ်လီၤ.ပှၤအစိၣ်လၢဟဲယွၤလီၤဃုာ်ဒီးထံအံၤ ဖဲထံလီၤအကတီၫ်ဘၣ်တၫ်ထံၣ်န့ၫ်၀ဲ၀ံၤ ပှၤသံအကျါတၫ်ဆဲးကျိးန့ၫ်အီၤဒီးအဟံၣ်ဖိဃီဖိတဖၣ်အိၣ်အသိး, ပှၤအစိၣ်လၢတၫ်တသ့ၣ်ညါဘၣ်အဂ့ၫ်အကျိၤတဖၣ်စ့ၫ်ကီးပာ်ဃုာ်၀ဲလီၤ.
“ပကရၢန့ၣ်မၤန့ၫ်၀ဲပှၤအစိၣ်(၅)ဂၤလီၤ.ထဲအပိာ်ခွါတဖၣ်လီၤ.ကရၢအဂၤလၢ လူၤထၢပှၤအစိၣ်တဖၣ်စ့ၫ်ကီးအိၣ်ထွဲလီၤ. ပှၤအစိၣ်(၅)ခါအကျါ ,ပှၤအစိၣ်(၁)ခါန့ၣ် တၫ်တတသ့ၣ်ညါဘၣ်လၢ မ့ၫ်မတၤတဂၤလဲၣ်ဘၣ်.”
ဖဲလါယူၤလံ(၁)သီနံၤ လၢ၀့ၫ်မၠံးကၠံနါထံဒိၣ်ထီၣ်ဒီးထံးနုာ်လီၤလၢ၀့ၫ်ပူၤ၀ံၤ ဟံၣ်ဒီတဖျၢၣ်ဘၣ်ယွၤပိာ်ထွဲထံအခံ,တုၤ ဒၣ်လဲၣ်လၢထံထီၣ်လုၫ်ဘၢကွံာ်ဟံၣ်အဃိ ၀့ၫ်ဒီတဖျၢၣ် တၫ်ဘၣ်ဒိဘၣ်ထံးဟးဂုၤဟးဂီၤအါ၀ဲအသိး ပှၤဘၣ်သံအိၣ် ၀ဲစ့ၫ်ကီးန့ၣ်လီၤ.
ဟံၣ်ဒီးသရိာ်တဖၣ်ဘၣ်ဟးဂီၤ၀ဲအိၣ်န့ၣ်လီၤ.ထံလီၤဒီး တၫ်ထံၣ်န့ၫ်ပှၤအစိၣ်တဖၣ်လီၤ.ပှၤလိၣ်ဘၣ်တၫ်မၤစၢၤအဖၢမုၫ်လီၤအဂ့ၫ် လီၫ်က၀ီၤကမျၢၫ်တဂၤတဲ၀ဲလီၤ.
လၢကတီၫ်အံၤ ၀့ၫ်မၠံးကၠံနါအပူၤ က၀ီၤဒ့လၢထံလီၤတဖၣ် ပှၤက့ၤအိၣ်ကဒါက့ၤ၀ဲအိၣ်အသိး တၫ်လီၫ်လၢထံတလီၤအလီၫ်တဖၣ် ကမျၢၫ်တနီၤဘၣ်အိၣ်လၢတၫ်အိၣ်ကဒုအလီၫ်ဒံးလီၤအဂ့ၫ်အဃိ လိၣ်ဘၣ်တၫ်အီၣ်တၫ်အီဒီးတၫ်မၤစၢၤတဖၣ်န့ၣ်လီၤ.
ထံကျိထံလီၤအကတီၫ် တၫ်ကမှံၤဒီးတၫ်ဟးဂုၤဟးဂီၤတဖၣ် ဘၣ်တၫ်မၤပျီကွံာ်အီၤအဃိ လၢတၫ်က့ၤသူၣ်ထီၣ် ဆီလီၤက့ၤတကပၤအဂီၫ် လိၣ်ဘၣ်တၫ်မၤစၢၤတဖၣ်န့ၣ်လီၤ.၀့ၫ်မၠံးးကၠံနါထံဒိၣ်ထီၣ်လုၫ်ဘၢတၫ်အပူၤ ဂ့ၫ်ဂီၫ်အူတၫ်ပီးတၫ်လီလၢတၫ်စိာ်သုးအီၤတချူးဘၣ်တဖၣ်ဟးဂီၤကွံာ်၀ဲအသိး ,တၫ်ကူတၫ်သိးကျးတဖၣ်စ့ၫ်ကီးဘၣ်ဟးဂီၤ၀ဲန့ၣ်လီၤ.
Ref: VOM
