လါယူၤလံ ၁၂သီ, ၂၀၂၄နံၣ်
ကၠီၣ်တဲၣ်-ကညီကီၢ်စဲၣ်လၢအမ့ၢ် ၀့ၢ်ရၤမတံအပူၤ တၢ်လိၣ်ခိၣ်လိၣ်ကွဲက့ကျးတဖၣ် တၢ်ကကးတံၥ်ဘၣ်အီၤအဂီၢ် ဒံၣ်မိၣ်ခြ့ၣ်စ့ၣ်တၢ်ဘၣ်ဘျူးကညီသုးမုၢ်ဒိၣ်(DKBA) ဒီးကညီတၢ်မုၥ်တၢ်ခုၣ်ကီၣ်ကး(KNU/ KNLA PC)တဖၣ် ထုးထီၣ်ပၥ်ဖျါဃၣ်၀ဲ ဖဲလါယူၤလံ(၁၀)သီအနံၤန့ၣ်လီၤ.
ကရၢ(၂)ဖုအတၢ်ထုးထီၣ်ပၥ်ဖျါအပူၤ လၢသုးတၢ်သိၣ်တၢ်ဘျၢအဖီခိၣ် ကသံၣ်မူးဘှီးဒီးတၢ်လိၣ်ခိၣ်လိၣ်ကွဲတဖၣ် လ့ၤတက့ၤတၢ်သူတမၤ၀ဲအဂီၢ် ကးတံၥ်ဃၣ်၀ဲ၀ံၤ, တၢ်မ့ၢ်တလူၤပိၥ်မၤထွဲ တၢ်ကလုၢ်ဘၣ်န့ၣ် တၢ်ကဟံးန့ၢ်ဂ့ၢ်၀ီတုၤလီၤတီၤလီၤအဂ့ၢ် ပၥ်ဖျါဃၣ်၀ဲဖဲအလံၥ်ဘိးဘၣ်ပၥ်ဖျါအပူၤန့ၣ်လီၤ.
၀့ၢ်ရၤမတံကမျၢၢ်ဖိတဂၤတဲ၀ဲလၢ” တၢ်လိၣ်ခိၣ်လိၣ်ကွဲလၢအိၣ်ဖဲ၀့ၢ်ရၤမတံတဖၣ်အံၤ ကိးလါဒဲးဘၣ်ဟ့ၣ်ထီၣ်အခဲဆူ ကညီသုးခိၣ်ကီၢ်ဆၢ(BGF),(DKBA)အအိၣ်၀ံၤမၤ၀ဲလီၤ.တၢ်မၤ၀ဲကၣ်စံၣ်နိၣ်,ငါပၠ့းက့,အၣ်၀ၣ်ဒ့(တၢ်မၤ၀ဲတၢ်ဂဲၤကလံၤမူးပွဲတဖၣ်၀ံၤ တၢ်ဆါလီၤတၢ်တဖၣ်, တၢ်ဒိဖဲ, တၢ်ဒုဖျးဆီတၢ်လိၣ်ကွဲတၢ်လိၣ်ကွဲတဖၣ်န့ၣ်လီၤ. လၢ၀့ၢ်ပူၤအိၣ်အါမးလီၤ. လၢပှၤအိၣ်အါအလီၢ်က၀ီၤဒ့အပူၤကျဲတဘိန့ၣ်တၢ်လိၣ်ကွဲလီၢ်အိၣ်သၢတီၢ်လွံၢ်တီၢ်ညါ.အိးထီၣ်တဘျီဘျီကးတံၥ်တဘျီဘျီလီၤ. မ့မ့ၢ်တခီ တၢ်နဲၣ်လီၤအိၣ်ဒံးလဲၣ်တခီတသ့ၣ်ညါဘၣ်၀ဲ”အဂ့ၢ် စံး၀ဲန့ၣ်လီၤ.
DKBA ဒီး KNU/KNLA PCကရၢတဖၣ်အံၤ မ့ၢ်ကရၢတဖၣ်လၢဆဲးလီၤပၥ်စုမုၢ်ကျၢၢ်လၢ ဖဲအူသ့ၣ်စ့ၣ်ပဒိၣ်အစိၤ တၢ်မၤ၀ဲထံကီၢ်ဒီတဘ့ၣ် တၢ်ခးပတုၥ်လံၥ်ဃံးဃၣ်(NCA)အဆၢကတီၢ်န့ၣ်လီၤ.
Ref: The Irrawaddy
