၇.၃.၂၀၂၄
ယိၤဒိၣ်ကီၫ်စဲၣ်ကလံၤစိးတကပၤ ကီၫ်ဆၣ်လၢတၫ်ဒုးကဲထီၣ်တဖၣ်အပူၤ တၫ်သိၣ်လိကၠိတဖၣ် ဘၣ်တၫ်ကးတံာ်ကွံာ်ခဲလၢာ်၀ံၤ တၫ်ဒုးကဲထီၣ်တအိၣ်ဘၣ်ဆၣ် တၫ်လီၫ်လၢသုးဂ့ၫ်၀ီတၫ်ဖ့ၣ်ဆၢအိၣ်ထီၣ်သ့တဖၣ်အပူၤစ့ၫ်ကီး ကၠိထီၣ်ဘၣ်ဆၣ် ဒုးထီၣ်ဖိသၣ်ကၠိတဘူၣ်ဘၣ်အဂ့ၫ် တၫ်သ့ၣ်ညါဘၣ်လၢ လီၫ်က၀ီၤဖိတဖၣ်အိၣ်လီၤ.
“တၫ်လီၫ်လၢတၫ်ဒုးကဲထီၣ်တဖၣ် ကၠိခဲလၢာ် တၫ်တအိးထီၣ်အီၤဘၣ်.မ့ၫ်အိးထီၣ်နာ်က့ မိၫ်ပၫ်တဖၣ် ပျၢ်၀ဲတဘူၣ်ဘၣ်. နီၣ်ခၠိၣ်,ကၠီးမဲ,ကီၫ်ဆၣ်သံၣ်ပီအပူၤ ကၠိတဖၣ် တၫ်ကးတံာ်ကွံာ်ခဲလၢာ်အဂ့ၫ်”လီၫ်က၀ီၤပိာ်မုၣ်တဂၤတဲ၀ဲလီၤ.
လၢကတီၫ်အံၤ နီၣ်ခၠိၣ်ဒီးကၠီးမဲအပူၤ တၫ်ဒုးဆူၣ်ထီၣ်၀ံၤ လၢသံၣ်ပီတခီ တၫ်ဒုးကဲထီၣ်တအိၣ်ဘၣ်ဆၣ် သုးဂ့ၫ်၀ီတၫ်ဖ့ၣ်ဆၢအိၣ်အဃိ သီခါဒီးဖံ၀ါကၠိပူၤ ပှၤမၤလိတၫ်ဖိတဖၣ် တၫ်ဆှၢက့ၤအီၤဆူအတၫ်အိၣ်ဆိးလီၫ်ကျဲ၀ံၤ တၫ်ကးတံာ်ကွံာ်ဃာ်ကၠိတဖၣ်အဂ့ၫ်တဲ၀ဲလီၤ.
ယိၤဒိၣ်ကီၫ်စဲၣ်ကလံၤစိး,၁၀၂၇ ဒုးယၤတၫ်ရဲၣ်တၫ်ကျဲၤအပူၤ တၫ်လီၫ်လၢကလံၤစိးသိၣ်မှံၤထီၣ်ဒုးန့ၫ်ဃာ်တနီၤအပူၤ တၫ်အိးထီၣ်ကၠိတန့ၫ်ဒံးဘၣ်အဂ့ၫ် လီၫ်က၀ီၤဖိတဖၣ်တဲ၀ဲလီၤ.
တကးဘၣ် မါတလ့ကီၫ်ခီလၢအိၣ်ဘူးလိာ်သးဒီး ယိၤဒိၣ်ကီၫ်စဲၣ်ကလံၤစိး, ၀့ၫ်မိကိးတကပၤ တၫ်သိၣ်လိကၠိတဖၣ်စ့ၫ်ကီး တၫ်ဒုးအဃိတၫ်ကးတံာ်ဃာ်၀ဲအဂ့ၫ် လီၫ်က၀ီၤဖိတဖၣ်တဲ၀ဲလီၤ.
အပူၤကွံာ်စးထီၣ်ဖဲလါယူၤ(၂၅)သီနံၤ နီၣ်ခၠိၣ်,ကၠီးမဲ, သံၣ်ပီ,မိကိးဒီး ကီၫ်ဆၣ်မိမ့းတဖၣ် အပူၤ TNLAဒီးသိၣ်မှံၤတဖၣ် စးထီၣ်ကဒါက့ၤ ၁၀၂၇ ဒုးယၤတၫ်ရဲၣ်တၫ်ကျဲၤအဃိ တၫ်ဒုးကဲထီၣ်အဒါက့ၤ၀ဲဒီး သုးကီၣ်ကးန့ၣ်လီၤ.
ref:VOM
