လါမ့ၤ(၂၂)သီ, ၂၀၂၄နံၣ်
စ့ၣ်ကဖူၣ်(Singapore)ကဘီယူၤတခိၣ်လၢ အိၣ်ဟးထီၣ်ဖဲ ၀့ၫ်လိဒိၣ်(London) ခီဖျိလၢမူခိၣ်ကလံၤသီၣ်ဂီၤ တဘၣ်လိာ်ဖိးဒ့ဘၣ်အဃိ ဘၣ်စံၣ်လီၤ၀ဲလၢဂ့ၫ်ဂီၫ်အူဖဲ ၀့ၫ်ဘီကိာ်(Bangkok) သူး၀နးဘူၣ်မံးကဘီယူၤသန့ (သုဝဏ္ဏဘူမိလေဆိပ်)န့ၣ်လီၤ.
မ့ၫ်လၢကလံၤဆူၣ်ဒီး ကဘီယူၤကနိးဟူးဂဲၤအဃိ ပှၤဒိးပိာ်ကဘီယူၤအကျါတဂၤ ဘၣ်သံ၀ဲ၀ံၤ အဂၤ(၃၀)ဘျဲၣ်ဘၣ်ဒိဘၣ်ထံး၀ဲလီၤ.
စ့ၣ်ကဖူၣ် ကဘီယူၤ SQ 321န့ၣ် ဖဲလါမ့ၤအသီ(၂၀)နံၤ အိၣ်ဟးထီၣ်ဖဲ ၀့ၫ်လိဒိၣ်(London) လၢကဟဲက့ၤဆူ ကီၫ်စ့ၣ်ကဖူၣ်အကတီၫ် ကွၫ်ဆၢၣ်မဲာ်ဘၣ်မူခိၣ်ကလံၤသီၣ်ဂီၤလၢအအၢအဂ့ၫ် ပာ်ဖျါ၀ဲလီၤ.
ကဘီယူၤပူၤ ပှၤဟးထီၣ်က့ၤလီၤ(၂၂၁)ဂၤဒီး ကဘီယူၤပှၤမၤတၫ်ဖိ(၁၈)ဂၤ ဒိးပိာ်ဃုာ်၀ဲ၀ံၤ သံ၀ဲတဂၤအဂ့ၫ် ပာ်ဖျါ၀ဲလီၤ.
ပှၤလၢဘၣ်သံ အဟံၣ်ဖိဃီဖိလၢအိၣ်တ့ၫ်တဖၣ်အဂီၫ် သူၣ်အုးသးအုးဃုာ်ဒီး အ၀ဲသ့ၣ်အဂ့ၫ် ဘိးဘၣ်ပာ်ဖျါ၀ဲ၀ံၤ ပှၤလၢဘၣ်ဒိဘၣ်ထံးတဖၣ် တၫ်ကပာ်ဖှိၣ်မၤသကိးဃုာ်တၫ်ဒီး ကၠီၣ်တဲၣ်ပဒိၣ်တဖၣ်၀ံၤ တၫ်ကဆီၣ်ထွဲမၤစၢၤ ကသံၣ်ကသီ တၫ်မၤစၢၤတဖၣ်န့ၣ်လီၤ.
ref:daweiwatch
