လါမ့ၤ(၁၀)သီ, ၂၀၂၄နံၣ်
ကၠီၣ်တဲၣ်ကိတိာ်ခိၣ်ကျၢၫ်လီၫ်လံၤ သဲးဆ့ၣ် (သက်ဆင်) လၢကနုာ်မၤဘၣ်လိာ်ဖိးဒ့ ဘၣ်ထွဲဒီး ကီၫ်ပယီၤထံလီၫ်ကီၫ်ပူၤ တၫ်ဃံးတၫ်စ့ၤတၫ်ဂ့ၫ်အဖီခိၣ် တၫ်ပၢၫ်ဆၢဂံၫ်ဘါကရူၫ်တဖၣ် ဂ့ၫ်လိာ်၀ဲအဂ့ၫ် The Nation တၫ်ကစီၣ် ပာ်ဖျါဃာ်၀ဲန့ၣ်လီၤ.
ကိတိာ်ခိၣ်ကျၢၫ်လီၫ်လံၤ သဲးဆ့ၣ်အံၤ ဖဲအပူၤကွံာ်လါအ့ဖြ့ၣ်(၁၃)သီအနံၤန့ၣ် ထံၣ်လိာ်တၢၣ်ပီၣ်တဲသကိးဘၣ်ဃး ကီၫ်ပယီၤထံရူၫ်ကီၫ်သဲးတၫ်ဃံးတၫ်စ့ၤဂ့ၫ်၀ီဒီး ဒီကလုာ်ဃူးဖိးပဒိၣ်(အမျိူးသားညီညွတ်ရေးအစိုးရ) (NUG) တဖၣ်ပာ်ဃုာ် ကလုာ်ဒူၣ်တၫ်ပၢၫ်ဆၢကရၢ (EROs)ခၢၣ်စးတဖၣ် ဖဲကီၫ်ကၠီၣ်တဲၣ်, ၀့ၫ်ကံၫ်မဲအဂ့ၫ် တၫ်ကစီၣ်စံး၀ဲန့ၣ်လီၤ.
လၢတၫ်တၢၣ်ပီၣ်တဲသကိးအပူၤ သဲးဆ့ၣ် ဒိးမၢလီၤသးလၢ ဘၣ်ထွဲသုးဟံးန့ၫ်ဆူၣ်ထံကီၫ်တၫ်စိတၫ်ကမီၤသုးကီၣ်ကးဒီး တၫ်ပၢၫ်ဆၢဂံၫ်ဘါကရူၫ်အဘၢၣ်စၢၤ တၫ်မၤဘၣ်လိာ်ဖိးဒ့မူဒါအဂ့ၫ် တၫ်သ့ၣ်ညါဘၣ်န့ၣ်လီၤ.
လၢန့ၣ်အမဲာ်ညါ ထံၣ်လိာ်တၢၣ်ပီၣ်တဲသကိးတၫ်ဒီး ကညီဒီကလုာ်တၫ်ထူၣ်ဖျဲးသုးမုၫ်ဒိၣ်(KNLA), ကရ့ၣ်နံၣ်ဒီကလုာ်တၫ်လဲၤထီၣ်လဲၤထီပၣ်တံၣ် (KNPP), ကခၠ့ၣ်ဒီကလုာ်ကရၢ(KNO)၀ံၤ တကးဘၣ် ထံၣ်လိာ်တၢၣ်ပီၣ်တဲသကိးတၫ်ဒီး ယိၤဒိၣ်ကီၫ်စဲၣ်တၫ်က့ၤသူၣ်ထီၣ်ဆီလီၤကီၣ်ကး(RCSS)အခိၣ် သုးခိၣ်ဒိၣ်စိယွဲးစ့း (ရွက်ဆစ်) ဒီးခၢၣ်စးတဖၣ်, ကလုာ်ဒူၣ်တၫ်ပၢၫ်ဆၢကရၢ (EROs) အဂုၤအဂၤတဖၣ်၀ံၤ ဟ့ၣ်ခီဟ့ၣ်နီၤလိာ်သးတၫ်ထံၣ်တဖၣ်အဂ့ၫ် တၫ်သ့ၣ်ညါဘၣ်န့ၣ်လီၤ.
ထံၣ်လိာ်သးဒီး ကညီဒီကလုာ်စၢဖှိၣ်ကရၢ (KNU), NUG ထံဂုၤကီၫ်ဂၤကိတိာ် ဒီၣ်စ့ၣ်မၣ်အီၣ်တဖၣ်ဖဲ ၀့ၫ်ဘီကီာ်(ဘန်ကောက်မြို့)၀ံၤ (EROs)တနီၤ ဂံၫ်ခီၣ်ထံးတၫ်ကစီၣ်တဖၣ်အံၤ သဲးဆ့ၣ်(သက်ဆင်)ဃ့ထီၣ်ဒ် တၫ်ကနုာ်မၤဘၣ်လိာ်ဖိးဒ့ ကီၫ်ပယီၤတၫ်မုာ်တၫ်ခုၣ်တၫ်တၢၣ်ပီၣ်တဲသကိးအဂ့ၫ် တဲ၀ဲန့ၣ်လီၤ.
ကီၫ်ပ၀ီၤဂ့ၫ်၀ီ တၫ်ကဘှါၡဲအဂီၫ် မုၫ်ထီၣ်ကလံၤထံးထံကီၫ်တဖၣ်ကရၢ(အရှေ့တောင်အာရှနိုင်ငံများအသင်း) (အၣ်စံၣ်ယၣ်)အတၫ်အၢၣ်လီၤ(၅)ထံၣ်(ဘုံသဘောတူညီချက်(၅)ရပ်)အံၤ တၫ်မၤဖျါအမိၫ်လံမိၫ်ပှၫ်တန့ၫ်ဘၣ်အဆၢကတီၫ် သဲးဆ့ၣ်(သက်ဆင်)တခီမၤ၀ဲဒ်အံၤ၀ံၤ လၢအ၀ဲအတၫ်ဃ့ထီၣ်အဖီခိၣ် (EROs) ကရၢအါဖု သးဟးဂီၤ၀ဲအဂ့ၫ် တၫ်သ့ၣ်ညါဘၣ်န့ၣ်လီၤ.
လၢန့ၣ်အမဲာ်ညါ သဲးဆ့ၣ်(သက်ဆင်)ဒီး ကီၫ်ပယီၤတၫ်ပၢၫ်ဆၢဂံၫ်ဘါကရၢတဖၣ်(မြန်မာနိုင်ငံတော်လှန်ရေးအင်အားစုအဖွဲ့များ) အတၫ်ထံၣ်လိာ်အံၤ မ့ၫ်ဒၣ်အနီၫ်ကစၫ်တၫ်ဂ့ၫ်လီၤဒီး တဘၣ်ထွဲလိာ်သးဒီး ကၠီၣ်တဲၣ်ပဒိၣ် ဘၣ်ထွဲကီၫ်ပယီၤသနူဘၣ်အဂ့ၫ် ကၠီၣ်တဲၣ်ထံဂုၤကီၫ်ဂၤကိတိာ် မၣ်ရ့းဆၣ်ကၠံၣ်ယၣ်ပိၣ်ဆၣ် တဲလီၤ၀ဲဖဲ လါမ့ၤ(၇)သီအနံၤန့ၣ်လီၤ.
ref:theirrawaddytimes
