လါမ့ၤ(၇)သီ, ၂၀၂၄နံၣ်
ဖဲ ၂၀၂၄နံၣ်, လါမ့ၤ(၆)သီအနံၤ, ဂီၤ(၁၀)နၣ်ရံၣ်ဘျဲၣ်အဆၢကတီၫ် ကီၫ်ကရ့ၣ်နံၣ်အပူၤ သုးကီၣ်ကး၀ံစိာ်တိစၢၤသုးကဘီယူၤတခိၣ် တၫ်ပၢၫ်ဆၢသုးပာ်ဖှိၣ်တဖၣ်ခးလီၤတဲာ်၀ဲ၀ံၤ ပှၤ (၁၁)ဂၤလၢအပာ်ဃုာ်လၢ ကဘီယူၤအပူၤတဖၣ်စ့ၫ်ကီးသံ၀ဲအဂ့ၫ် တၫ်သ့ၣ်ညါဘၣ်န့ၣ်လီၤ.
သုးကီၣ်ကးအကဘီယူၤလၢလဲၤဆူ ကီၫ်ဆၣ်ဖၣ်ဆီ (ဖားဆောင်း)အံၤ တၫ်ပၢၫ်ဆၢသုးပာ်ဖှိၣ်တဖၣ် ခးလီၤတဲာ်အီၤဖဲ အဘူးဒီး ကီၫ်ဆၣ်ဘီလခဲ (ဘော်လခဲ) အဂ့ၫ် ကရ့ၣ်နံၣ်သုးမုၫ်ဒိၣ် (KA), ပၢဆှၢသုးဂ့ၫ်၀ီခိၣ်ကျၢၫ် သုးခိၣ်ဒိၣ်စိဘိနၢၤ တဲပာ်ဂၢၫ်ပာ်ကျၢၫ်၀ဲန့ၣ်လီၤ.
တကးဒံးဘၣ် သုးကီၣ်ကးကလံၤသုးဂံၫ်ခီၣ်ထံးတၫ်ကစီၣ်စ့ၫ်ကီး စံး၀ဲလၢ ကရ့ၣ်နံၣ်တၫ်ပၢၫ်ဆၢသုးပာ်ဖှိၣ်တဖၣ် ခးသုးကီၣ်ကး၀ံစိာ်တိစၢၤသုးကဘီယူၤအဃိ ကဘီယူၤအံၤဂုာ်ကျဲးစၢးစံၣ်လီၤ၀ဲကတီၫ် လီၤတဲာ်၀ဲန့ၣ်လီၤ.
“တၫ်ခးလီၤတဲာ်အီၤ ၀ံစိာ်တီဆှၢကဘီယူၤလီၤ. ပှၤ(၁၁)လၢအပာ်ဃုာ်လၢ ကဘီယူၤတဖၣ်သံ၀ဲလီၤ. ပှၤလၢဘၣ်ဒိစ့ၫ်ကီးအိၣ်လီၤ. ကဘီယူၤအံၤ တမ့ၫ်လီၤတဲာ်၀ဲတဘျီဃီဘၣ်ဒီး တၫ်ခးဘၣ်အီၤ၀ံၤ ဂုာ်ကျဲးစၢၤစံၣ်လီၤကတီၫ် လီၤတဲာ်၀ဲန့ၣ်လီၤ. တၫ်ခးအီၤကတီၫ် ကဘီယူၤအပူၤ ပှၤအိၣ်(၁၈)န့ၣ်လီၤ. ပသ့ၣ်ညါဘၣ်လၢ ကဘီယူၤအံၤ မ့ၫ် Mi 17ကဘီယူၤအကလုာ်” အဂ့ၫ် ကဘီယူၤဂ့ၫ်ခီၣ်ထံးတၫ်ကစီၣ်စံး၀ဲန့ၣ်လီၤ.
စးထီၣ်လၢ ၂၀၂၁နံၣ်သုးဟံးန့ၫ်ဆူၣ်ထံကီၫ်တၫ်စိတၫ်ကမီၤကတီၫ် ကလုာ်ဒူၣ်တၫ်ပၢၫ်ဆၢသုးတဖၣ်ဒီး ကမျၢၫ်တၫ်ဒီသဒၢသုးတဖၣ် ခးလီၤတဲာ်သုးကီၣ်က၀ံစိတီဆှၢကဘီယူၤဒီး ကဘီယူၤဒုးသုးခဲလၢာ်ပာ်ဖှိၣ်(၈)ခိၣ်လံန့ၣ်လီၤ.
photo:socialmedia
