လါမ့ၤ(၁)သီ, ၂၀၂၄နံၣ်
ထဲဒၣ် ၀့ၫ်ရၤမတံပာ်ဃုာ်၀့ၫ်(၄)ဖျၢၣ်အပူၤ တၫ်တဆီတလဲသူ အီၣ်လဲ(Online)သနူဘၣ်ဒီး မ့မ့ၫ်လၢ၀့ၫ်ခဲလၢာ်အပူၤ ပှၤလၢကပတံထီၣ်လံာ်ခီကီၫ်(နိုင်ငံကူးလက်မှတ်)တဖၣ် စးထီၣ်ဖဲလါမ့ၤ(၂)သီအနံၤန့ၣ် နီၫ်ကစၫ်တၫ်ကဘၣ်လဲၤဟံး တိၣ်က့ၣ်(Token)အလီၫ် တၫ်ကဆီတလဲသူ အိၣ်လဲသနူ (Online Appointment System)အဂ့ၫ် တၫ်ထုးထီၣ်န့ၫ် ထံကီၫ်လံာ်ခီကီၫ်၀ဲၤဒၢး(နိုင်ငံကူးလက်မှတ်ထုတ်ပေးရေးရုံး) ထုးထီၣ်ပာ်ဖျါဃာ်၀ဲန့ၣ်လီၤ.
Online Appointment System သနူအံၤ တၫ်ကသူအီၤလၢ ကီၫ်ပယီၤတၫ်ထုးထီၣ်န့ၫ် လံာ်ခီကီၫ်၀ဲၤဒၢးတဖၣ်လၢအမ့ၫ် ၀့ၫ်တကူၣ်, န့ၣ်ပၠံၣ်တီၣ်, မါတလ့, ပသံၣ်, ပကိ, မၠ့းကၠံနါ, မိၣ်ယွၣ်, လါၡိ, တီၣ်ကၠံ, ကၠဲတိၣ်, စ့းတွ့ၣ်, ဟါခါ, ဖၣ်အၣ်, မီၣ်လမၠဲၣ်, ဒ၀ဲၫ်, မကွ့တဖၣ်အပူၤဒီး ၀့ၫ်ရၤမတံ, ကီးသီ ဒီး တၣ်ခၠံၣ်လ့းတဖၣ်အပူၤတခီ လိၣ်လၢပှၤအနီၫ်ကစၫ် တၫ်ကဘၣ်လဲၤ၀ဲန့ၣ်လီၤ.
“၀့ၫ်တကူၣ်, န့ၣ်ပၠံၣ်တီၣ်ပာ်ဃုာ် ၀့ၫ်(၅)ဖျၢၣ်အပူၤ တၫ်သူအိၣ်လဲသနူ(အွန်လိုင်းစနစ်)လၢအပူၤကွံာ်လံၤလံၤလီၤ. မ့မ့ၫ်၀့ၫ်(၁၁)၀့ၫ်ပူၤတခီ တၫ်ကသူအါထီၣ်၀ဲသနူအံၤန့ၣ်လီၤ. တၫ်ဟံးန့ၫ် Appointment လၢအိၣ်လဲသနူန့ၣ် အဂ့ၤနီၫ်နီၫ်လီၤ. တၫ်ဆၢကတီၫ်လၢာ်စှၤအသိး ကျိာ်စ့လၢာ်စှၤစ့ၫ်ကီးလီၤ. ဆၢကတီၫ်ခဲအံၤန့ၣ် တၫ်ကဟးလ့ၣ်လိၤအဂီၫ် တၫ်လၢာ်ဘူၣ်လၢာ်စ့ၤအါမး. တၫ်ဟံးန့ၫ် Appointment လၢအိၣ်လဲတခီ အ့ၣ်ထၢၣ်နဲးမ့တဂ့ၤအိၣ်ဒၣ်နဘၣ်ခိးတခါလီၤ. တၫ်အဂုၤအဂၤန့ၣ် ဘၣ်လီၫ်ဘၣ်စးလီၤ“ အဂ့ၫ် ပှၤလၢအမၤ တၫ်ထုးထီၣ်န့ၫ် လံာ်ခီကီၫ်(နိုင်ငံကူးလက်မှတ်)တဂၤ စံး၀ဲန့ၣ်လီၤ.
၀့ၫ်တကူၣ် တၫ်ထုးထီၣ်န့ၫ် ထံကီၫ်လံာ်ခီကီၫ်၀ဲၤဒၢး(နိုင်ငံကူးလက်မှတ်ထုတ်ပေးရေးရုံး)အပူၤ တၫ်သူ၀ဲ Online Appointment System အံၤလၢ စးထီၣ်ဖဲ ၂၀၂၃နံၣ်, လါဖ့ၤဘြူၤအါရံၤ(၂၄)သီအနံၤ၀ံၤ မ့မ့ၫ်လၢ န့ၣ်ပၠံၣ်တီၣ်(နေပြည်တော်), ပကိ(ပဲခူး), ပသံၣ်(ပုသိမ်) ဒီး မါတလ့၀့ၫ်(မန္တလေးမြို့)တဖၣ်အပူၤတခီ တၫ်စးထီၣ်မၤအီၤလၢ ၂၀၂၄နံၣ်, လါဖ့ၤဘြူၤအါရံၤ(၂၆)သီအနံၤဒီး ၀့ၫ်(၁၁)၀့ၫ်အပူၤတခီ တၫ်ကစးထီၣ်မၤအီၤလၢ လါမ့ၤ(၂)သီအနံၤန့ၣ်လီၤ.
တၫ်ဟံးန့ၫ် Appointment အပူၤ မ့မ့ၫ်ဟံၣ်ဖိဃီဖိစရီမ့ၫ်အိၣ်ဃာ်လၢ ကီၫ်ကရ့ၣ်နံၣ်အပူၤတခီ တၫ်ဟံးန့ၫ်ကီၫ်စဲၣ်ပဒိၣ်(မ့တမ့ၫ်)ကီၫ်ဒိၣ်သုး၀ဲၤလီၫ်ခိၣ်သ့ၣ်လံာ်အုၣ်သး၀ံၤ တၫ်တီၣ်ထီၣ်လံာ်ပတံထီၣ်ဆူၣ် တီၣ်ကၠံ (တောင်ကြီး) ၀ဲၤဒၢးအဒ့အိၣ်န့ၫ်၀ဲဒီး တၫ်မ့ၫ်ဖီၣ်ဃာ် ၀့ၫ်တကူၣ်ဟံၣ်ဖိဃီဖိစရီတဖၣ်စ့ၫ်ကီး တၫ်တီၣ်ထီၣ် Online Booking ဆူန့ၣ်ပၠံၣ်တီၣ် တၫ်ထုးထီၣ်န့ၫ်ထံကီၫ်လံာ်ခီကီၫ်၀ဲၤဒၢးအဒ့အဂ့ၫ် တၫ်သ့ၣ်ညါဘၣ်န့ၣ်လီၤ.
ကီၫ်စဲၣ်အဂၤဒီး ကီၫ်ဒိၣ်၀ဲၤဒၢးအဒ့အဂၤတဖၣ်အပူၤတခီ တၫ်ကတူၫ်လိာ်မၤန့ၫ်၀ဲ ဘၣ်ထွဲကီၫ်စဲၣ်, ကီၫ်ဒိၣ်ဟံၣ်ဖိဃီဖိစရီအိၣ်တဖၣ်အဂ့ၫ်ဒီး တၫ်ဟံးန့ၫ် Appointment သ့ စးထီၣ်လၢဂီၤ(၉)နၣ်ရံၣ်န့ၣ်လီၤ.
“ယဘၣ်သးဒိၣ်လၢ အိၣ်လဲသနူ(အွန်လိုင်းစနစ်)န့ၣ်လီၤ. မ့တမ့ၫ်န့ၣ် တၫ်ကမၤလံာ်ခီကီၫ်အဂီၫ် နီၫ်ကစၫ်တၫ်ကဘၣ်လဲၤ Appointment အဂီၫ် တၫ်ကဘၣ်လဲၤအိၣ်ခိးန့ၣ် တမုာ်ဒိၣ်ဒိၣ်ဘၣ်. ခ့ခါဆၢကတီၫ်န့ၣ် တၫ်မ့ၫ်လဲၤဆူကီၫ်ချၢ တၫ်သူအါအိၣ်လဲသနူလီၤ. တၫ်သူမ့တဘၣ်ဒု တၫ်မၤန့ၫ်အီၤလၢတိၣ်က့ၣ် (Token) သနူန့ၫ်အဃိ ဘၣ်လီၫ်ဘၣ်စးလီၤ“ အဂ့ၫ် ပှၤလၢအိၣ်ခိး Appointment လၢတၫ်ကလဲၤမၤလံာ်ခီကီၫ်အဂီၫ် တဂၤစံး၀ဲန့ၣ်လီၤ.
တၫ်မ့ၫ်လဲၤပတံထီၣ် လံာ်ခီကီၫ်န့ၣ် ခိၣ်ဂီၤ(မှတ်ပုံတင်)ပာ်ဃုာ် Smart Card မ့ၫ်ပာ်ဃုာ်မး တၫ်ကထုးထီၣ်န့ၫ် လံာ်ခီကီၫ်အဂ့ၫ် တၫ်ထုးထီၣ်န့ၫ် ထံကီၫ်လံာ်ခီကီၫ်၀ဲၤဒၢး ဒုးသ့ၣ်ညါဃာ်၀ဲန့ၣ်လီၤ.
မ့မ့ၫ်လၢကတီၫ်ခဲအံၤတခီ တၫ်ကဟးထီၣ်လၢကီၫ်ချၢအဂီၫ် ပှၤလၢအတီၣ်ထီၣ် လံာ်ခီကီၫ်တဖၣ်အိၣ်၀ဲအါမးအသိး တၫ်ကန့ၫ်ဘၣ်လံာ်ခီကီၫ်အဆိအချ့အဂီၫ် တၫ်ဟံးန့ၫ်ကျိာ်စ့၀ံၤ ပှၤလၢအမၤန့ၫ်အီၤတဖၣ်စ့ၫ်ကီးအိၣ်၀ဲန့ၣ်လီၤ.
ref:vom
