လါမ့ၤ(၁)သီ, ၂၀၂၄နံၣ်
လၢ၀့ၫ်မါတလ့ တၫ်ကိၫ်ဆူၣ်ထီၣ်အဃိ ဖဲလါအ့ဖြ့ၣ်(၂၉)သီအနံၤ ထဲတသီအတီၫ်ပူၤ ပှၤဘၣ်သံတစှၤန့ၣ်(၁၀)ဂၤ၀ံၤ မ့မ့ၫ်လၢလါအ့ဖြ့ၣ်ဒီတလါန့ၣ် ပှၤဘၣ်သံခဲလၢာ်အိၣ်၀ဲ တစှၤန့ၣ်(၄၀)ဂၤအဂ့ၫ် တၫ်သ့ၣ်ညါဘၣ်လၢ ပှၤတ၀ၢတၫ်မၤစၢၤကရၢ(လူမှုကူညီရေးအသင်း)တဖၣ် လၢအိၣ်ဖဲမါတလ့န့ၣ်လီၤ.
တၫ်ကိၫ်ဆူၣ်ထီၣ်ဒီး ဖဲလါအ့ဖြ့ၣ်အပူၤ ပှၤထီၣ်တၫ်ဆါဟံၣ် အနီၫ်ဂံၫ်ဟဲအါထီၣ်၀ဲဒီး ကိးမုၫ်နံၤပှၤဘၣ်သံအကျါ တၫ်ကိၫ်ဆူၣ်အဃိ ပှၤဘၣ်သံအိၣ်၀ဲန့ၣ်လီၤ.
ထဲပကရၢ(အသင်း)တခါဧိၤလီၤန့ၣ် တသီအတီၫ်ပူၤ ဘၣ်လဲၤဟံးန့ၫ်ပှၤသံ အိၣ်(၁၀)ဂၤလီၤ. မ့မ့ၫ်လၢဒီတ၀့ၫ် အပတီၫ်ဒု ကအိၣ်လၢတစှၤန့ၣ်(၄၀)ဂၤန့ၣ်လီၤ.ကိးမုၫ်နံၤတၫ်ကိၫ်ဆူၣ်အဃိ ပှၤဘၣ်သံအိၣ်၀ဲလီၤ. မါတလ့န့ၣ် တၫ်မၤစၢၤပှၤတ၀ၢကရၢ(လူမှုကူညီရေးအသင်း) ကအိၣ်၀ဲအဖု (၂၀၀) ဃၣ်ဃၣ်လီၤ. အိၣ်ထဲတၫ်ကိၫ်ဆူၣ်အဃိ ပှၤဘၣ်သံန့ၣ်လီၤ. ပှၤတနီၤ ကူစါယါဘျါသး၀ံၤ အိၣ်ဆူၣ်ထီၣ်က့ၤအိၣ်၀ဲအသိး တနီၤသံ၀ဲအိၣ်အဂ့ၫ် မါတလ့ M-Rescue တၫ်မၤစၢၤ ပှၤတ၀ၢကရၢ ပှၤပၢၤလီၫ်ဆ့ၣ်နီၤ (လူမှုကူညီရေးအသင် ဥက္ကဋ္ဌ) အူခ့ၣ်မီၣ်တ့း (ဦးခင်မောင်တင့် )တဲ၀ဲလီၤ.
ပှၤဘၣ်သံအကျါ ပှၤသးနံၣ်အိၣ်(၄၀)နံၣ်ဘျဲၣ်ဒီး သးနံၣ်အိၣ်(၅၀)နံၣ်ဘျဲၣ်တဖၣ်အါ၀ဲအဂ့ၫ်, တၫ်ကိၫ်ဆူၣ်အဃိ ခိၣ်နူာ် သွံၣ်ကျိၤထီၣ်တဲာ် (ဦးနှောက်သွေးကြောပြတ်)ဒီး ဘၣ်သံ၀ဲအဂ့ၫ် တၫ်သ့ၣ်ညါဘၣ်လီၤ. ၀့ၫ်မါတလ့တခီ တုၤလၢလါအ့ဖြ့ၣ် (၃၀)သီနံၤ အိၣ်ဒံးဒၣ်လၢ ဟီၣ်ခိၣ်ချၢ၀့ၫ်လၢတၫ်ကိၫ်ဆူၣ်ကတၢၫ်, (၁၅)၀့ၫ်စရီပူၤ အကျါ၀ံၤ တၫ်ကိၫ်အိၣ်၀ဲ ၄၄.၅ ဒံၣ်ကရံၣ်ဆဲစံယၢး(ဒီကရီဆဲလ်ဆီးယပ်စ်)ညါန့ၣ်လီၤ. လၢမကွ့ကီၫ်ခီ(မကွေးတိုင်း) အပူၤစ့ၫ်ကီး ဖဲလါအ့ဖြ့ၣ် (၂၈)သီနံၤတုၤ(၃၀)သီန့ၣ် တၫ်ကိၫ်အဃိ ပှၤဘၣ်သံ၀ဲ အိၣ်ထီၣ်တုၤလၢ(၈)ဂၤညါန့ၣ်လီၤ.
ref:vom
