လါမ့ၤ(၁)သီ, ၂၀၂၄နံၣ်
သုးကီၣ်ကးဒီး တၫ်ပၢၫ်ဆၢဂံၫ်ဘါကရၢ(တော်လှန်ရေးအင်အားစု)တဖၣ်အဘၢၣ်စၢၤ သုးဂ့ၫ်၀ီတၫ်သဘံၣ်သဘုၣ်တဖၣ် မ့ၫ်အၢထီၣ်န့ၫ်ဒံးလၢကတီၫ်အံၤန့ၣ် ကၠီၣ်တဲၣ်ထံဖိကီၫ်ဖိ လၢအိၣ်လၢကီၫ်ပယီၤပူၤတဖၣ် ဂ့ၫ်ဂီၫ်အူတၫ်ကိးထုးထီၣ်အီၤကန့ၫ်အဂီၫ် ကၠီၣ်တဲၣ်စီၤပၤထံသုး(ထိုင်းတော်ဝင်ရေတပ်) သုးကဘီ(၄)ခိၣ် အိၣ်ကတီၤဃာ်အသးလၢ ကးပလံၣ်ပီၣ်လဲၣ်(ကပ္ပလီပင်လယ်)ပူၤလံန့ၣ်လီၤ.
သုးဂ့ၫ်၀ီတၫ်သဘံၣ်သဘုၣ်တဖၣ်အဃိ ကီၫ်ပယီၤပူၤ ပှၤကၠီၣ်တဲၣ်ဖိတဖၣ်အဂီၫ် တၫ်ဘၣ်ယိၣ်မ့ၫ်အိၣ်ထီၣ်န့ၣ် တၫ်ကကတီၤဃာ် Frigate သုးကဘီ(၂)ခိၣ်ဒီး ကဘီလၢထီၣ်ဆူကၢၫ်ခိၣ်(၂)ခိၣ်အဂီၫ် ကၠီၣ်တဲၣ်ထံသုးခိၣ်ကျၢၫ် (ထိုင်းရေတပ်ဦးစီးချုပ်) Adma dung Pan=lamန့ၣ် ဟ့ၣ်လီၤဃာ်၀ဲ နီၫ်ဂံၫ်(၃) ထံသုးဘၣ်မူဘၣ်ဒါ သုးခိၣ်ဒိၣ်ဂီၫ်ဂ့ၫ် လၢဟံးန့ၫ်တၫ်ဘံၣ်တၫ်ဘၢ ဖဲကးပလံၣ်ပီၣ်လဲၣ်ပူၤန့ၣ်လီၤ.
ကၠီၣ်တဲၣ်-ပယီၤကီၫ်ဆၢ ၀့ၫ်ရၤမတံ ဖဲလါအ့ဖြ့ၣ်အပူၤ တၫ်ဒုးကဲထီၣ်၀ံၤ ကီၫ်ပယီၤထံဖိကီၫ်ဖိတဖၣ် ဘၣ်ဟဲဃ့ၫ်အိၣ်ကဒုဒံးလၢကၠီၣ်တဲၣ်ပူၤန့ၣ်လီၤ. အပူၤကွံာ် လါအ့ဖြ့ၣ်(၂၈)သီနံၤ ဖဲကၠီၣ်တဲၣ်ကီၫ်ဆၢ ကီၫ်ရ့ၣ်ကၣ်ချးနးဘူၣ်ရံၤ (ကန်ချနာဘူရီခရိုင်)အကပၤ, ကီၫ်ပယီၤတခီ ကီၫ်ရ့ၣ်ဒ၀ဲၫ်(ထား၀ယ်ခရိုင်) ဆ့ၣ်ဖၠူၣ်တီၣ်(ဆင်ဖြူတောင်)အကပၤ တၫ်ဒုးကဲထီၣ်လၢ သုးကီၣ်ကးဒီး တၫ်ပၢၫ်ဆၢဂံၫ်ဘါကရၢတဖၣ်အဘၢၣ်စၢၤဒံးန့ၣ်လီၤ. တၫ်ဒုးတဘျီအံၤန့ၣ် သုးကလၢၤလၢ သုးကီၣ်ကး အသုးဖိအဂံၫ်ဘါအိၣ်(၂၀)ဂၤတဖၣ် တၫ်ပၢၫ်ဆၢသုးဖိတဖၣ် နုာ်လီၤထီၣ်ဒုး၀ဲ၀ံၤ ဒွဲၣ်အူအီၣ်ကွံာ် သုးကလၢၤန့ၣ်လီၤ.
ref:burmavj
