လါမ့ၤ(၁)သီ, ၂၀၂၄နံၣ်
သုးကီၣ်ကးပာ်လီၤ သုးတြိၤ(၄၄)သုးတြိၤခိၣ်အသီ သုးခိၣ်ဒိၣ်စိညံၣ်ညံၣ်အူ(ဗိုလ်မှူးကြီးညီညီဦး)အံၤ ဟဲတုၤ၀ဲဒၣ်ဆူ၀့ၫ်ရၤမတံ၀ံၤ မၤ၀ဲတၫ်အိၣ်ဖှိၣ်တခါလၢဘၣ်ထွဲ၀့ၫ်တၫ်ဘံၣ်တၫ်ဘၢအဂ့ၫ် တၫ်သ့ၣ်ညါဘၣ်လၢ လီၫ်က၀ီၤသုးဂ့ၫ်၀ီတၫ်ကစီၣ်တဂၤအအိၣ်န့ၣ်လီၤ.
လၢတၫ်အိၣ်ဖှိၣ်အပူၤ BGFအခိၣ်သုးခိၣ်ဒိၣ်စိစီၤခၠံးသူၣ်အနီၫ်ကစၫ်ဟဲထီၣ်၀ဲအဂ့ၫ် ဂံၫ်ခီၣ်ထံးသုးဂ့ၫ်၀ီစံး၀ဲစ့ၫ်ကီးန့ၣ်လီၤ.
“အ၀ဲသ့ၣ်ထံၣ်လိာ်သးဒီးမၤ၀ဲတၫ်အိၣ်ဖှိၣ်လီၤ. တၢၣ်ပီၣ်တဲသကိး တၫ်ဂ့ၫ်မနုလဲၣ်တခီဒု တၫ်တသ့ၣ်ညါလီၤတံၫ်ဒံးဘၣ်. ကတီၫ်ခဲအံၤ သုးကီၣ်ကးပာ်လီၤ သုးတြိၤ(၄၄)သုးတြိၤခိၣ်အသီတခီ အိၣ်ဒံးလၢ၀့ၫ်ရၤမတံလီၤ” အဂ့ၫ် အ၀ဲစံး၀ဲန့ၣ်လီၤ.
သုးတြိၤ(၄၄)သုးတြိၤခိၣ်အသီ သုးခိၣ်ဒိၣ်စိညံၣ်ညံၣ်အူ(ဗိုလ်မှူးကြီးညီညီဦး)အံၤ ဖဲလါအ့ဖြ့ၣ်(၂၉)သီအနံၤန့ၣ် ဟဲတုၤဆူ၀့ၫ်ရၤမတံလၢ ကဘီယူၤန့ၣ်လီၤ. သုးခိၣ်ဒိၣ်စိညံၣ်ညံၣ်အူ(ဗိုလ်မှူးကြီးညီညီဦး)အံၤ မ့ၫ် သုးဖၠၣ်စိမိၤ Defense Services Academy (DSA) နီၫ်ဂံၫ်(၄၁)စံၣ်လီၤတဂၤန့ၣ်လီၤ.
တၫ်ကပၢဆှၢက့ၤ ၀့ၫ်ရၤမတံလၢတၫ်ဘံၣ်တၫ်ဘၢ လၢလၢပှဲၤပှဲၤကန့ၫ်အဂီၫ် သုးကီၣ်ကးအံၤ ဆှၢထီၣ်သုးကျိၤတဖၣ်ဆူ အ့ၡၢၣ်ကျဲမုၫ်အဖီခိၣ်န့ၣ်လီၤ. တၫ်ပၢၫ်ဆၢသုးပာ်ဖှိၣ်တဖၣ်စ့ၫ်ကီး သုးကျိၤလၢဟဲထီၣ်ဆူ၀့ၫ်ရၤမတံအအိၣ်တဖၣ် တၫ်ဟဲထီၣ်သုတန့ၫ်အဂီၫ် ခိးဒုးအီၤလၢကျဲဘၣ်စၢၤန့ၣ်လီၤ.
ref:salweenpress
