လါမးရှး(၂၇)သီ, ၂၀၂၄နံၣ်
Hamas ပှၤမၤတၢထီၣ်တၢလီၤတၫ်ကရၢ တၫ်ကဒုးလီၤပှီၫ်ကွံာ်အဂီၫ် ကမၤဆူၣ်ထီၣ် ဒုးယၤဂ့ၫ်၀ီအဂ့ၫ် အံၣ်စရ့ကိတိာ်ခိၣ်ကျၢၫ် Benjamin Netanyahu ဟ့ၣ်လီၤကဒီးတၫ်အၢၣ်လီၤ၀ံၤ ကၣ်စၣ်ကါမၠီၣ်ဟီၣ်က၀ီၤ (ဂါဇာကမ်းမြောင်ဒေသ)ပူၤ တၫ်ကပတုာ်ကွံာ်တၫ်ဒုးတဘျီဃီအဂီၫ် ဘီမုၫ်စၢဖှိၣ်ကရၢတၫ်ဘံၣ်တၫ်ဘၢကီၣ်ကး (ကုလသမဂ္ဂ လုံခြုံရေးကောင်စီ)အတၫ်ဃ့ထီၣ်ဒီး တၫ်ဆၢတဲာ်တဖၣ်စ့ၫ်ကီး ပာ်ဒ့ၣ်ပာ်ကမၣ်၀ဲလီၤ.
Hamas အတၫ်ဃ့ထီၣ်လၢကဲထီၣ်တသ့တဖၣ် တမ့ၫ်လၢကလူၤပိာ်မၤထွဲ၀ဲဘၣ်အသိး, ပှၤလၢဘၣ်တၫ်ဖီၣ်ဃာ်ခဲလၢာ်ကပူၤဖျဲးထီၣ်အဂီၫ်, Hamas အသုးဂ့ၫ်၀ီဒီးပၢပြး(စစ်ရေးနဲ့ အုပ်ချုပ်ရေးစွမ်းရည်)ခဲလၢာ် မၤဟးဂီၤကွံာ်၀ဲကန့ၫ်အဂီၫ် ဒီးလၢခံတဘျီတုၤလၢတၫ်ဟဲမၤတပျုၫ်တပျီၫ် အံၣ်စရ့ သုတန့ၫ်တဂ့ၤတစု ကမၤထွဲ၀ဲအဂ့ၫ် အံၣ်စရ့ကိတိာ်ခိၣ်ကျၢၫ်(အစ္စရေးဝန်ကြီးချုပ်) Netanyahu တဲ၀ဲလီၤ.
လၢကၣ်စၣ်(ဂါဇာ) တၫ်ကပတုာ်ကွံာ်တၫ်ခးတဘျီဃီ တၫ်ဆၢတဲာ်ပတြီာ်န့ၣ် ဖဲတၫ်နီၤဖးလီၤတၫ်ဖးလၢ တၫ်ဘံၣ်တၫ်ဘၢကီၣ်ကးတၫ်အိၣ်ဖှိၣ်ပူၤအကတီၫ် အမဲရကၤတသူဘံၣ်တိၣ်တၫ်စိကမီၤ(ဗီတိုအာဏာ) အိၣ်ဃူအီၤဘၣ်အဃိ လၢတၫ်ကတၢၣ်ပီၣ်တဲသကိးတၫ်လၢ ကၣ်စၣ်ဂ့ၫ်၀ီ(ဂါဇာအရေး)အဂီၫ် တၫ်ကပျၫ်လီၤခၢၣ်စးလၢကလဲၤဆူ ၀ၣ်ရှ့ၣ်တၢၣ်(ဝါရှင်တန်)တၫ်ရဲၣ်တၫ်ကျဲၤန့ၣ် ကိတိာ်ခိၣ်ကျၢၫ် Netanyahu ဆိကတီၫ်ကွံာ်၀ဲ၀ံၤ တဲ၀ဲဒ်သိးအံၤန့ၣ်လီၤ.
အံၣ်စရ့အိၣ်ဒီးတၫ်ရဲၣ်တၫ်ကျဲၤလၢကဒုး ၀့ၫ် Rafah တၫ်ဂ့ၫ်ဒီး အမဲရကၤအတၫ်ဘၣ်ယိၣ်တဖၣ် တၫ်ကတၢၣ်ပီၣ်တဲသကိးအီၤအဂီၫ် တဆှၢလီၤခၢၣ်စးတဖၣ်အဖီခိၣ် လီၤသးဟးဂီၤဒိၣ်မးအဂ့ၫ် ဟံၣ်၀ါပှၤဘၣ်မူဘၣ်ဒါ(အိမ်ဖြူတော် တာဝန်ရှိသူ)တကပၤတဲ၀ဲလီၤ. အံၣ်စရ့တၫ်ဒီသဒၢကိတိာ် (အစ္စရေးကာကွယ်ရေးဝန်ကြီး)ဒီး အမဲရကၤ ပတီၫ်ထီခိၣ်နၫ်တဖၣ် မ့ၫ်တၢၣ်ပီၣ်တဲသကိးတၫ်န့ၣ် တၫ်သုတလဲၤဒုး ၀့ၫ် Rafah အဂီၫ် ကဟ့ၣ်တၫ်ဆီၣ်သနံးအဂ့ၫ် ဟံၣ်၀ါ(အိမ်ဖြူတော်)တကပၤ တဲဃာ်၀ဲန့ၣ်လီၤ.
ref: voa
photo: voa
