လါမးရှး(၂၀)သီ, ၂၀၂၄နံၣ်
စးထီၣ်ဖဲ ၂ဝ၂၄နံၣ်, လါမးရှး(၁၃)သီအနံၤလံၤလံၤ ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ, သုးက့နီၫ်ဂံၫ်(၅), မုၢ်တြီၢ်ကီၢ်ရ့ၣ်, လူၤသီကီၢ်ဆၣ်, ဘီသ့ၣ်ထၣ်ကရူၢ်သဝီသ့ၣ်တဖၣ်အပူၤ သုးကီၣ်ကး ခးလီၤကျိဖးဒိၣ်တဖၣ်အဃိ ဟံၣ်ဒူၣ်(၁၄၃)ဒူၣ်ဘၣ်စံၣ်အိၣ်ကဒုအသးအိၣ်လံ (၁)နွံဘျဲၣ်လံအဂ့ၫ် ခ့ၣ်အဲၣ်ယူၣ်-ကီၫ်ရ့ၣ်မုၫ်တြီၫ်ပာ်ဖျါဃာ်၀ဲန့ၣ်လီၤ.
ကီၫ်ရ့ၣ်မုၫ်တြီၫ်, ဘီသ့ၣ်ထၣ်ကရူၫ်အပူၤ သ၀ီတဖၣ်လၢအမ့ၫ် နံဒိးထၣ်သဝီ, ထူၣ်မီဒၢသဝီဒီး တၤဒိၣ်ထၣ်သဝီ လီၢ်ကဝီၤဖိတဖၣ်အိၣ်ဆိးက့ၤဝဲလၢအဒူသဝီ, တၢ်အိၣ်တၢ်ဆိးလီၢ်ကျဲတဖၣ်တဘူၣ်လၢၤဘၣ်ဒီး ဘၣ်စံၣ်ကွံာ်ဝဲလၢအတၢ်အိၣ်တၢ်ဆိးအလီၢ်အကျဲတဖၣ်ကိးမုၢ်နံၤဒဲး ခီဖျိပယီၤသုးကီၣ်ကးအပှၤတဖၣ်ခးတပျုာ်တပျီၤလီၤဝဲကျိဖးဒိၣ်တပယူာ်ဃီဆူ အဝဲသ့ၣ်အတၢ်အိၣ်တၢ်ဆိးလီၢ်ကျဲဒီး တၢ်ဖံးအီၣ်မၤအီၣ်လီၢ်ကျဲတဖၣ်အဂ့ၫ်ပာ်ဖျါဃာ်၀ဲန့ၣ်လီၤ.
ကီၫ်ရ့ၣ်မုၫ်တြီၫ်, ဘီသ့ၣ်ထၣ်ကရူၢ်, သဝီ(၃)ဖျၢၣ်လၢ ဘၣ်ပာ်တ့ၫ်ဟံၣ်ဃီအိၣ်ဆိးလီၫ်ကျဲတဖၣ် ဟံၣ်ဒူၣ်နီၣ်ဂံၢ်အိၣ်ဝဲ(၁၄၃)ဒူၣ်လံဒီး တကးဘၣ် ဘၣ်ကွၢ်ဆၢၣ်မဲာ်ဝဲစ့ၫ်ကီးဒီး တၢ်အီၣ်တၢ်အီဒီး တၫ်ဘၣ်ကူဘၣ်ဂာ်တၢ်ဆါတၫ်ဂ့ၫ်ကီသ့ၣ်တဖၣ်န့ၣ်လီၤ.
ဖဲအပူၤကွံာ် ၂၀၂၄နံၣ်, လါမးၡး(၁၄)သီအနံၤ, မုၫ်ဆါခီ(၁၂)နၣ်ရံၣ်ဃၣ်ဃၣ်အဆၢကတီၫ်စ့ၫ်ကီး သုးကီၣ်ကး အကဘီယူၤဟဲခးလီၤတၫ်ဖဲ ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ, သုးက့နီၫ်ဂံၫ်(၅), မုၫ်တြီၫ်ကီၫ်ရ့ၣ်, ဒ့ၣ်ဘူးနိၣ်သ၀ီပူၤအဃိ ပိာ်မုၣ်သံ(၁)ဂၤဒီး တၫ်သူၣ်ထီၣ်ဟးဂီၤကွံာ်၀ဲ(၂)ဖျၢၣ်န့ၣ်လီၤ.
photo:knu-mutraw
