လါမးရှး(၁၉)သီ, ၂၀၂၄နံၣ်
ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ, သုးက့နီၫ်ဂံၫ်(၇), ဖၣ်အၣ်ကီၫ်ရ့ၣ်ဟီၣ်က၀ီၤပူၤ သုးကီၣ်ကးအသုးဖိ(၁၁)ဂၤလၢ မၤသးဒ်တၫ်တ့ကျဲတဖၣ် တၫ်ဖီၣ်န့ၫ်မူဒံးအဂ့ၫ် တၫ်သ့ၣ်ညါဘၣ်လၢပှၤလၢအဘူးဒီး ခ့ၣ်အဲၣ်ယူၣ်ဂံၫ်ခီၣ်ထံးတၫ်ကစီၣ်အအိၣ်န့ၣ်လီၤ.
“တၫ်ဖီၣ်န့ၫ် ခဲလၢာ်(၁၁)ဂၤ, ကျိချံပှာ်သၣ်ပာ်ဃုာ်တၫ်အီၣ်တၫ်အီတနီၤစ့ၫ်ကီးပာ်ဃုာ်၀ဲလီၤ. အ၀ဲသ့ၣ်န့ၣ် မၤသးဒ်ပှၤတ့ကျဲဖိအသိး၀ံၤ ဘီၣ်လူၣ်စၣ်သိၣ်လ့ၣ်အပူၤကျိချံပှာ်သၣ်ဒီး တၫ်အီၣ်တၫ်အီတနီၤစ့ၫ်ကီးထၢနုာ်၀ဲ၀ံၤ ဟဲတီၣ်၀ဲအဂ့ၫ်“ အ၀ဲတဲ၀ဲန့ၣ်လီၤ.
သုးကီၣ်ကးသိၣ်လ့တဖၣ် တၫ်လဲၤခိးခးအီၤဖဲ သူမွဲကျိထံကၢၫ်ခိၣ်နံၤ, ကၠီၣ်တဲၣ်, မဲၫ်လီထးတပၤအဂ့ၫ် တၫ်သ့ၣ်ညါဘၣ်န့ၣ်လီၤ.
“သိၣ်လ့ၣ်(၄)ခိၣ်အဂ့ၫ်တဲ၀ဲလီၤ. (၂)ခိၣ်ဟးဂီၤကွံာ်၀ဲလီၤ. တၫ်တသ့ၣ်ညါလီၤတံၫ်ဒံးဘၣ်. တၫ်အိၣ်သးန့ၣ်ဘံဘူလီၤ. အ၀ဲသ့ၣ်န့ၣ် တၫ်ကဟဲဆှၢထီၣ်ဆူ မၤနၢၤပလီလီၫ်က၀ီၤ နိးဒ့(၉၁၃)သုးကလၢၤဒီး ကဆီ၀ါလ့တပၤသုးကလၢၤအအိၣ်အဂ့ၫ်“ တၫ်ကစီၣ်ဂံၫ်ထံးစံး၀ဲန့ၣ်လီၤ. သုးကီၣ်ကးတပၤ ဟဲဆှၣ်၀ဲဒၣ်လၢကဘီယူၤ ဖဲတၫ်ကဲထီၣ်သးအလီၫ်အဂ့ၫ်တၫ်သ့ၣ်ညါဘၣ်န့ၣ်လီၤ.
ref:salweenpress
