လါမးရှး(၁၅)သီ, ၂၀၂၄နံၣ်
ကီၫ်ပယီၤပူၤ ဖိသၣ်(၆)ကကွဲၫ်ပာ်ဃုာ် ပှၤခဲလၢာ်(၁၈.၆)ကကွဲၫ် လိၣ်ဘၣ်ဟီၣ်ခိၣ်ဖိတၫ်ဒိသူၣ်ဒိသးတၫ်မၤစၢၤအဂ့ၫ် ဘီမုၫ်စၢဖှိၣ်ကရၢဖိသၣ်စ့ပာ်ကီၤကရၢ (UNICEF) ဘိးဘၣ်ရၤလီၤ၀ဲ ဖဲလါမးရှး(၁၄)သီအနံၤန့ၣ်လီၤ.
ဖဲ၂၀၂၄နံၣ် တုၤလါဖ့ၤဘြူၤအါရံၤအလၢာ် တၫ်မၤနီၣ်အဖီခိၣ် ပှၤနီၫ်ဂံၫ်ခဲလၢာ် (၁၈.၆) ကကွဲၫ် လိၣ်ဘၣ်တၫ်မၤစၢၤ၀ံၤ အါဒိၣ်န့ၫ်ဒံး(၁၈)ဘျီ တချုးသုးဟံးန့ၫ်ဆူၣ်တၫ်စိတၫ်ကမီၤ ဖဲ၂၀၂၁နံၣ်ဒံးအဂ့ၫ် UNICEF တဲ၀ဲလီၤ.
ရခၢၣ်ကီၫ်စဲၣ်, ကရ့ၣ်နံၣ်ကီၣ်စဲၣ်, ခၠီကီၫ်စဲၣ်, ယိၤဒိၣ်ကီၫ်စဲၣ်ကလံၤထံးဒီး စကဲကီၫ်ခီတဖၣ်အပူၤ တၫ်ဒုးဆူၣ်အဃိ ပှၤဘၣ်ပာ်တ့ၫ်ဟံၣ်ဃီ ဃ့ၫ်ပူၤဖျဲးသးအါထီၣ်၀ံၤ လိၣ်ဘၣ်ဂ့ၫ်ဂီၫ်အူ တၫ်မၤစၢၤတဖၣ်လီၤ.
ဖဲ၂၀၂၄နံၣ် လါယနူၤအါရံၤဒီး လါဖ့ၤဘြူၤအါရံၤအပူၤ တၫ်လီၫ်လၢတၫ်ဒုးကဲထီၣ်တဖၣ်အပူၤ ဖိသၣ်(၁၆)ဂၤပာ်ဃုာ် ပှၤခဲလၢာ်(၂၀၇)ဂၤဘၣ်သံ၀ံၤအလီၫ်ခံ ဖိသၣ်(၃၆)ဂၤဒီး ပှၤခဲလၢာ်(၂၉၂)ဂၤဘၣ်ဒိဘၣ်ထံး၀ဲအဂ့ၫ် UNICEF ပာ်ဖျါ၀ဲလီၤ.
သုးဟံးန့ၫ်ဆူၣ်တၫ်စိတၫ်ကမီၤ၀ံၤအလီၫ်ခံ ကီၫ်ပူၤပှၤလၢဘၣ်ပာ်တ့ၫ်ဟံၣ်ဃီ ဃ့ၫ်ပူၤဖျဲးသး အိၣ်၀ဲ(၂)ကကွဲၫ်ဃၣ်ဃၣ်၀ံၤ လိၣ်ဘၣ်အမဲရကၤစ့ဒီၣ်လၣ်(၂၀၈.၃)ကကွဲၫ်၀ံၤ တုၤဖဲလါဖ့ၤဘြူၤအါရံၤလါလၢာ်န့ၣ် ဒိးန့ၫ်ဃာ်ဒံး၀ဲဒၣ်ထဲ(၁၇)ကကွဲၫ်ဒံးလီၤအဂ့ၫ် UNICEFတဲ၀ဲလီၤ.
ref:rfa
photo:un
