လါမးရှး(၁၅)သီ, ၂၀၂၄နံၣ်
ကလုာ်ဒူၣ်တၢ်ပၢၢ်ဆၢကရူၢ်သ့ၣ်တဖၣ် တၫ်ကပာ်ဖှိၣ်လိာ်သကိးသးဒီး ထံဖိကီၢ်ဖိ၀ံၤ ကထီဒါသကိး တၢ်ကတ့ထီၣ်ထံတမၢၢ်တၢ်ရဲၣ်တၢ်ကျဲၤပာ်ဃုာ် တၫ်ကမၤဘၣ်ဒိကမျၢၫ်ထံဖိကီၫ်ဖိတၫ်ဂုၤထီၣ်ပသီထီၣ် တၫ်တိာ်ကျဲၤတဖၣ်လၢ အိၣ်လၢကလုာ်ဒူၣ်တၢ်ပၢတၢ်ဆှၢအဖီလာ်သ့ၣ်တဖၣ်အဂ့ၫ် ကညီတၫ်ကွၫ်ထွဲကဟုကယာ်ထံကျိကရၢ ဘိးဘၣ်ပာ်ဖျါဃာ်၀ဲဖဲ ဟီၣ်ခိၣ်ဒီဘ့ၣ်ထံကျိထံကွာ်ဒီး တၫ်ထီဒါထံတမၢၫ်အမုၫ်နံၤ, လါးမးၡး(၁၄)သီအနံၤန့ၣ်လီၤ.
“ဟီၣ်ခိၣ်ဒီဘ့ၣ်ထံကျိထံကွာ်ဒီး တၫ်ထီဒါထံတမၢၫ်အမုၫ်နံၤအသိး တၫ်ပညိၣ်မၤ တၫ်ထီဒါတၢ်ကတ့ထီၣ် ထံတမၢၢ်တၢ်ရဲၣ်တၢ်ကျဲၤန့ၣ် မ့ၫ်ဒၣ်တၫ်မၤဘၣ်ဒိကလုာ်ဒူၣ်ထံဖိကီၫ်ဖိတဖၣ် အတၫ်အိၣ်မူအိၣ်ဂဲၤ, လုၫ်လၫ်ထူသနူ, တၫ်အိၣ်မူ, ခိၣ်ဃၢၤန့ဆၢၣ်ဒီး သ့ၣ်ပှၫ်တဖၣ်အဃိ“ အဂ့ၫ် ကညီတၫ်ကွၫ်ထွဲကဟုကယာ်ထံကျိကရၢပှၤတဲတၫ်ပၢ စီၤအဲၣ်ထံကီၫ် တဲဘၣ်အၣ်ထူခ့ၣ်န့ၣ်လီၤ.
ဖဲလါမးၡး(၁၄)သီအနံၤ, တၫ်မၤ၀ဲတၫ်ထီဒါ တၫ်ကတ့ထီၣ်ထံတမၢၫ်တၫ်ရဲၣ်တၫ်ကျဲၤအပူၤ ကလုာ်ဒူၣ်လုၫ်လၤထူသနူတၫ်ဂဲၤကလံၣ်တဖၣ်, ပှၤနီပြၢးချံတဖၣ်, တၫ်ကျ့ခိၣ်နုာ်တၫ်ဂဲၤလိာ်ကွဲတဖၣ်, တၫ်ပြၢတၫ်ခဲၣ်တၫ်ဂီၤတၫ်ရဲၣ်တၫ်ကျဲၤတဖၣ်ဒီး တၫ်ကတိၤလီၤဆူကမျၢၫ်လၢ တၫ်ထီဒါတၫ်ကတ့ထီၣ်ထံတမၢၫ်တၫ်တိာ်ကျဲၤတဖၣ်ပာ်ဃုာ်၀ဲအဂ့ၫ် တဲ၀ဲန့ၣ်လီၤ.
ထံဂုၤကီၢ်ဂၤတၢ်ကရၢကရိသ့ၣ်တဖၣ်စ့ၫ်ကီး တၫ်ကဟ့ၣ်ဂံၢ်ဟ့ၣ်ဘါခိၣ်ဃၢၤဒီး ပှၤဟီၣ်ခိၣ်ဖိ တၢ်အိၣ်မူအဂီၢ် တၢ်ဘၣ်ဒိဘၣ်ထံးလၢအစှၤလၢအမ့ၢ် (သဟီၣ်လါဟ့တၢ် တိာ်ကျဲၤ)(အစိမ်းရောင်စွမ်းအင်စီမံကိန်း) ဒီး (တၢ်က့ၤမၤပှဲၤထီၣ်က့ၤသဟီၣ်ဂံၢ်ဘါ) (ပြန်ပြည့်မဲ့စွမ်းအင်စီမံကိန်း)တၫ်တိာ်ကျဲၢသ့ၣ်တဖၣ် တၫ်ကဆီၣ်ထွဲမၤ၀ဲအဂီၫ်စ့ၫ်ကီး ဃ့ထီၣ်ဃာ်၀ဲန့ၣ်လီၤ.
ဒီးတကးဘၣ် ကီၫ်ပယီၤပူၤ ခီဖျိလၢသုးကီၣ်ကးအဃိ ထံဖိကီၫ်ဖိလၢအတူၫ်ဘၣ်တၫ်မၤအၢမၤသီတဖၣ် လၢတၫ်ဟ့ၣ်ပှၤဟီၣ်ခိၣ်ဖိတၫ်ဒိသူၣ်ဒိသးတၫ်ဆီၣ်ထွဲမၤစၢၤတဖၣ်အပူၤစ့ၫ်ကီး ကပာ်ဖှိၣ်မၤသကိးတၫ်ဒီး ကလုာ်ဒူၣ်ဂံၫ်ခီၣ်ထံးတၫ်ကရၢကရိ(တိုင်းရင်းသားလူထုအခြေပြု)သ့ၣ်တဖၣ်အဂီၫ် ဃ့ထီၣ်ဃာ်၀ဲဖဲ အလံာ်ဘိးဘၣ်ရၤလီၤအပူၤန့ၣ်လီၤ.
ဖဲတၫ်မၤ၀ဲတၫ်ထီဒါတၫ်ကတ့ထီၣ်ထံတမၢၫ်တၫ်ရဲၣ်တၫ်ကျဲၤအပူၤ ပှၤလၢအိၣ်လၢဃိၣ်လိာ်ကျိကၢၫ်နံၤတဖၣ်ပာ်ဃုာ် CSO, CBO ဒီး တၫ်ကရူၫ်ကရၢအဂၤခဲလၢာ်ပာ်ဖှိၣ် (၁)ကထိဂၤဃၣ်ဃၣ်လဲၤထီၣ်၀ဲန့ၣ်လီၤ.
ကညီဂံၢ်ခီၣ်ထံးတၢ်ကရၢကရိဒီး ပှၤထူလံၤဖိသ့ၣ်တဖၣ်ပာ်ဖှိၣ်ထီၣ်အသးဒီး ထီဒါသကိးဝဲ တၢ်ကသူၣ်ထီၣ်ဟၣ်ကၠံထံတမၢၢ်တၢ်တိာ်ကျဲၤ လၢဃိၣ်လိာ်ကျိပူၤအဂီၢ် အိၣ်လံအနံၣ်(20) ဃၣ်ဃၣ်လံန့ၣ်လီၤ. တၢ်ထီဒါထံတမၢၢ်တၢ်ဟူးတၢ်ဂဲၤအံၤ ဘၣ်တၢ်မၤအီၤဖဲ ဟီၣ်ခိၣ်ဒီဘ့ၣ်ထံကျိထံကွာ်ဒီး တၢ်ထီဒါထံတမၢၢ်အမုၢ်နံၤအဆၢကတီၢ် ကိးနံၣ်ဒဲးန့ၣ်လီၤ.
