လါဖ့ၤဘြူၤအါရံၤ ၂၇သီႇ ၂၀၂၄နံၣ်
စးထီၣ်ဖဲအပူၤကွံာ် ၂၀၂၃နံၣ်, လါဒံၣ်စ့ဘၢၣ်န့ၣ် KNLA, PDF ဒီး ဒရိသုးပာ်ဖှိၣ်တဖၣ် တၫ်စးထီၣ်မၤဒုးယၤရဲၣ်ကျဲ ဖဲခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ, ဒူပျာ်ယာ်ကီၫ်ရ့ၣ်ဟီၣ်က၀ီၤ, ဖၣ်အၣ်-ရၤမတံကျဲမုၫ်(အ့ရှါကျဲမုၫ်ခိၣ်) ဒီး ကီးတရံး၀့ၫ်ပူၤ သုးကီၣ်ကးအသုးကလၢၤတဖၣ်, တၫ်သမံသမိးတြဲၤ(ဂိတ်စခန်း)တဖၣ်အဂ့ၫ် ဒုးယၤလီၤဆီသုးကရၢ(အထူးစစ်ဆင်ရေးတပ်ဖွဲ့) S.O.F ပာ်ဖျါဃာ်၀ဲန့ၣ်လီၤ.
ဒုးယၤရဲၣ်ကျဲၤကတီၫ် ဖဲ ၂၀၂၃နံၣ်, လါဒံၣ်စ့ဘၢၣ်(၁)သီအနံၤ, ကီးတရံးကလံၤထံးတပၤ, ကီးနွဲသုးကလၢၤလူၫ်(ကော့နွယ်စခန်းကုန်း)ဒီး လဲၣ်၀းတၫ်သမံသမိးတြဲၤ(လှိုင်ဝတံတားဂိတ်), ကၠၣ်ပါတၫ်သမံသမိးတြဲၤ(ကြာပန်းဂိတ်), ဖဲ လါဒံၣ်စ့ဘၢၣ်(၄)သီအနံၤ, ကီးတရံးကလံၤစိးတပၤ(ကော့ကရိတ်မြောက်ဘက်) ဒုၣ်ဒါအိၣ်ဆီလီၤသး နီၫ်ဂံၫ်(၃)တၫ်သမံသမိးတြဲၤ, ဖဲ လါဒံၣ်စ့ဘၢၣ်(၆)သီအနံၤ, သုးကီၣ်ကးအသုးလၢ အိၣ်ဆီလီၤအသးဖဲ ဖၣ်အၣ်-ရၤမတံကျဲမုၫ်ခိၣ် ကမဲၫ်ကိ(ကမိုင်ကုန်း)တၫ်သွၣ်ခိၣ်သုးကလၢၤ, ဖဲ လါဒံၣ်စ့ဘၢၣ် (၂၇)သီအနံၤ, သုးကီၣ်ကး အသုးလၢအိၣ်ဆီလီၤအသးဖဲ ကီးတရံးခၠီတီၣ်က၀ီၤဒ့(ကော့ကရိတ်ချောင်းတောင်ရပ်ကွက်) တၫ်သိၣ်လိကၠိ, ဖဲ လါဒံၣ်စ့ဘၢၣ် (၂၈)သီအနံၤ တီၣ်ကၠၣ်အ့သုးကလၢၤ(တောင်ကြာအင်းစခန်း) ဒီး ဖဲ ၂၀၂၄နံၣ်, လါဖ့ၤဘြူၤအါရံၤ (၂)သီအနံၤန့ၣ် သုးကီၣ်ကး အသုးကလၢၤတဖၣ်လၢအမ့ၫ် ဖၣ်အၣ်-ရၤမတံ(အ့ၡါကျဲမုၫ်ခိၣ်) တၫ်ပိာ်ထံတမၢၣ်(ရေကူးကန်) ဒီး သိကျးတၫ်သမံသမိးတြဲၤတဖၣ် တၫ်နုာ်လီၤဒုးမၤန့ၫ်၀ဲ၀ံၤ တၫ်မၤၡဲဟီၣ်က၀ီၤအသိး ဖၣ်အၣ်-ရၤမတံ(အ့ၡါကျဲမုၫ်ခိၣ်) ဒီး ၀့ၫ်ပူၤ အ့ၣ်ရံယၣ် (၆၀)မျးကယၤ တၫ်ပၢဆှၢဃာ်လံအဂ့ၫ် ပာ်ဖျါဃာ်၀ဲန့ၣ်လီၤ.
တုၤလၢကတီၫ်ခဲအံၤ ဒုၣ်ဒါတပၤ ပှၤလၢဟဲပာ်စုက၀ဲၤ(လက်နက်ချသူ)အိၣ်(၁၄)ဂၤ, တၫ်သံတၫ်ပှၫ်တခီ အိၣ်တုၤ(၃၀)ဂၤ, ပှၤဘၣ်ဒိဘၣ်ထံး အါအါဂီၫ်ဂီၫ် ဒီး KNLA၊ SOF, PDFသုးပာ်ဖှိၣ်တဖၣ် မၤန့ၫ်ဃာ်၀ဲ ဒုၣ်ဒါစုက၀ဲၤ (၄၆)ခိၣ်အဂ့ၫ် ပာ်ဖျါဃာ်၀ဲန့ၣ်လီၤ. မ့မ့ၫ်တၫ်ပၢၫ်ဆၢသုးပာ်ဖှိၣ်တခီ သံ၀ဲ(၇)ဂၤ၀ံၤ ခီဖျိလၢ သုးကီၣ်ကးတပၤ ဟဲတ့ၫ်လီၤမ့ၣ်ပိၫ်လၢကဘီယူၤအဃိ လီၫ်က၀ီၤကမျၢၫ်(၃)ဂၤ သံ၀ဲန့ၣ်လီၤ.
သုးကီၣ်ကးတပၤ သူ၀ဲကျိဖးဒိၣ်ဒီး ဒရိတဖၣ်၀ံၤ ခးလီၤ၀ဲကိးမုၫ်နံၤအသိး ဒွဲၣ်အူမၤဟးဂီၤ ကမျၢၫ်အိၣ်ဟံၣ်ဃီတဖၣ်ဒီး ဟုၣ်န့ၫ်၀ဲကမျၢၫ်စုလီၫ်ခီၣ်ခိၣ်တၫ်ဖိတၫ်လံၤတဖၣ်(ပြည်သူပိုင်ပစ္စည်များ)န့ၣ်လီၤ. ကီးတရံးတၫ်ဒုးအဃိ လီၫ်က၀ီၤကမျၢၫ်အကထိဘျဲၣ် ဘၣ်ဃ့ၫ်ပူၤဖျဲးအသး၀ံၤ ဒူပျာ်ယာ်ကီၫ်ရ့ၣ်ပၢပြးကရၢ(ဒူးပလာယာခရိုင်အုပ်ချူပ်ရေးမှူးအဖွဲ့) ဒီး MOD, ကမျၢၫ်တၫ်ဘံၣ်တၫ်ဘၢ၀ဲၤကျိၤ(ပြည်သူလူထုလုံခြုံရေးဌာန)တဖၣ် ပာ်ဖှိၣ်ထီၣ်သးဒီး တၫ်အံၤထွဲကွၫ်ထွဲဃာ်၀ဲအဂ့ၫ် စ့ၫ်ကီးပာ်ဖျါဃာ်၀ဲန့ၣ်လီၤ.
