လါဖ့ၤဘြူၤအါရံၤ ၂၆သီႇ ၂၀၂၄နံၣ်
ဘၣ်ထွဲဒီး တၫ်ဆါလီၤယူၣ်ရ့ၣ်နံၣ်ယၣ်ဒီး ပလူၣ်တိၣ်နံၣ်ယၣ်လၢ တၫ်ထုးထီၣ်နူကလံယါစုက၀ဲၤ(နျူကလီးယားလက်နက်)န့ၫ်တဖၣ်အဖီခိၣ် တၫ်ဘၣ်ထွဲတအိၣ်၀ဲဘၣ်အဂ့ၫ် ယိၤဒိၣ်ကီၫ်စဲၣ်တၫ်ဂုၤထီၣ်ပသီထီၣ်ကီၣ်ကး(သျှမ်းပြည်ပြန်လည်ထူထောင်ရေးကောင်စီ) RCSS ဂ့ၫ်လိၣ်ဃာ်၀ဲန့ၣ်လီၤ.
ဘၣ်ထွဲဒီး တၫ်ဆါဟုၣ် ကီၫ်ပယီၤနူကလံယါတၫ်ဖိတၫ်လံၤ(နျူကလီးယားပစ္စည်း)အဖီခိၣ် ယပၣ်ယၣ်ကူၣ်စၣ်ကဲ(ဂျပန်ရာကူဇာဂိုဏ်း)အခိၣ် Takeshi Ebisawa တၫ်ဟံးန့ၫ်အရ့လံအဂ့ၫ် ဖဲအပူၤကွံာ်တနွံအတီၫ်ပူၤ ကီၫ်အမဲရကၤစံၣ်ညီၣ်ပီၣ်တ့၀ဲၤကျိၤ(အမေရိကန်တရားရေးဌာန) အတၫ်ဘိးဘၣ်ရၤလီၤကွီၫ်မ့ၣ်အပူၤ ကီၫ်ပယီၤကလုာ်ဒူၣ်ဖီၣ်စုက၀ဲၤတဖု ဘၣ်ထွဲလိာ်သးအဂ့ၫ် တၫ်ပာ်ဖျါအဖီခိၣ် RCSS ခီၣ်ဆၢက့ၤ၀ဲန့ၣ်လီၤ.
ဖဲ ၂၀၂၂နံၣ်လၢ တၫ်လိာ်ကွီၫ် ယၣ်ကူၣ်စၣ်ကဲ(ရာကူဇာဂိုဏ်း)အခိၣ်ကတီၫ် ယိၤဒိၣ်ကီၫ်စဲၣ်ကလံၤထံး ကလုာ်ဒူၣ်ဖီၣ်စုက၀ဲၤကရၢ အခိၣ်လီၫ်လံၤ, ယိၤဒိၣ်ကီၫ်စဲၣ်တၫ်ဂုၤထီၣ်ပသီထီၣ်ကီၣ်ကး(ရှမ်းပြည် ပြန်လည်ထူထောင်ရေးကောင်စီ) RCSS ခိၣ်နၫ်ဒိၣ်ထီပာ်ဃုာ်ပာ်ထွဲလိာ်သးအဖီခိၣ် တၫ်နာ်၀ဲအဂ့ၫ် အမဲရကၤတၫ်ဒုးလီၤပှီၫ်တၫ်မူးတၫ်ဘှီးအ့ၣ်ကၠ့ၣ်စံၣ်(အမေရိကန် မူးယစ်ဆေးဝါး တိုက်ဖျက်ရေးအေဂျင်စီ) DEA ပ့ာ်ဆှါခိၣ်နၫ်အတၫ်တဲဖျါတဖၣ် တၫ်ပာ်ဖျါဃာ်အိၣ်ဘူန့ၣ်လီၤ.
RCSS ပှၤပၢၤလီၫ်ဆ့ၣ်နီၤ (RCSS ဥက္ကဌ)ယွဲးစ့း အတၫ်တဲခီၣ်ဆၢဆူ ယိၤဒိၣ်တၫ်ကစီၣ်သန့(ရှမ်းသတင်းဌာန) Tai Freedomအပူၤတခီ ဖဲအပူၤကွံာ် စှၤနံၣ်ကတီၫ် ယိၤဒိၣ်ကီၫ်စဲၣ်ပူၤ(ရှမ်းပြည်နယ်) ယူၣ်ရ့ၣ်နံၣ်ယၣ်(ယူရေနီယံ)ဟးထီၣ်၀ဲအဂ့ၫ် တၫ်ကစီၣ်တဖၣ်အဃိ ပှၤကီၫ်ချၢဖိတဂၤ အဲၣ်ဒိးပှ့ၤ၀ဲန့ၣ် တၫ်ကွဲမုာ်တဖၣ်အိၣ်၀ဲအဂ့ၫ် စံး၀ဲန့ၣ်လီၤ.
ဘၣ်ဆၣ်ဒီး သါတခီ ယူၣ်ရ့ၣ်နံၣ်ယၣ်(ယူရေနီယံ)တဖၣ်ဟးထီၣ်လၢ တၫ်လီၫ်ဖဲလဲၣ်န့ၣ်တနၣ်ဟူဘူဘၣ်အသိး တကးဘၣ် တၫ်တသ့ၣ်ညါစ့ၫ်ကီး ယူၣ်ရ့ၣ်နံၣ်ယၣ်(ယူရေနီယံ)အဂ့ၫ်ဘၣ်အဂ့ၫ် RCSSပှၤပၢၤလီၫ်ဆ့ၣ်နီၤ (RCSS ဥက္ကဌ) အတၫ်တဲအဖီခိၣ် ပာ်ဖျါဃာ်၀ဲန့ၣ်လီၤ. တၫ်မၤတၫ်ဆါတၫ်ပှ့ၤဒီး ပှၤကီၫ်ချၢတအိၣ်ဘၣ်အသိး, တၫ်ပာ်ဖျါလၢ တၫ်ဘၣ်ထွဲအိၣ်ဒီး တၫ်ဆါဟုၣ် နူကလံယါတၫ်ဖိတၫ်လံၤ(နျူကကလီးယားပစ္စည်း) တၫ်ကစီၣ်တဖၣ်အံၤ မ့ၫ်ဒၣ်အဲၣ်ဒိးမၤဟးဂီၤမံၤသၣ်လီၤအဂ့ၫ် တဲခီၣ်ဆၢဃာ်၀ဲန့ၣ်လီၤ.
သးနံၣ်(၆၀)အိၣ် ယပၣ်ယၣ်ကူၣ်စၣ်ကဲ(ဂျပန်ရာကူဇာ ဂိုဏ်း)အခိၣ်အံၤ ဖဲအပူၤကွံာ် ၂၀၂၂နံၣ်လံၤလံၤန့ၣ် တၫ်လိာ်ကွီၫ်ဃာ်အီၤလၢ တၫ်မူးတၫ်ဘှီးကသံၣ်ကသီ(မူးယစ်ဆေး)ဒီး စုက၀ဲၤတၫ်ဆါဟုၣ်တၫ်ကွီၫ်မ့ၣ်(လက်နက်မှောင်ခိုမှု)အဖီခိၣ်၀ံၤ နယူယီးစံၣ်ညီၣ်ပီတ့၀ဲၤဒၢး(နယူးယောက်တရားရုံး) ဟံးန့ၫ်အရ့၀ံၤ ဖဲအပူၤကွံာ် လါဖ့ၤဘြူၤအါရံၤ(၂၂)သီအနံၤစ့ၫ်ကီး တၫ်လိာ်ကွီၫ်အါထီၣ်၀ဲလၢ တၫ်ဟုၣ်ဆါနူကလံယါတၫ်ဖိတၫ်လံၤ(နျူကလီးယားပစ္စည်းမှောင်ခိုမှု)န့ၣ်လီၤ.
ref:voa
photo:bnionline
